Lucas 3:9 - Qullan Arunaca

⁹ Jichhasti hachajja niyaraquiw kokanaca phat'suñataqui uscuta, take jan suma achur kokajja phat'sutawa ucatsti ninar phichantatawa —sasa.

Aymar Bibliia 1986

⁹ Jichhasti hachajja niyaraquiw kokanaca phat'suñataqui uscuta, take jan suma achur kokajja phat'sutawa ucatsti ninar phichantatawa —sasa.

Qullan Arunaka DC

⁹ Quqar saphitpach phat'anukuñatak hachax niy wakicht'atawa. Taqi jan suma achu churir quqax phat'anukutawa, ukatsti ninar phichhantatawa.”

Lucas 3:9 Jak'a apnaqawi uñst'ayäwi

Ezequiel 31:18

Edenanquiri kokanacatsti janipuniw maynis uca kokampi uñtasirejj utjcänti, sumäñapampi, jach'äñapampisa; ucampisa Edenanquiri yakha kokanacampi chicaw sarakaraquini, uca orake mankhanquir chekaru jan Diosar uñt'irinacampi chica jacañataqui, cawquïri jakenacatejj guerran jiwarapcäna ucanacampi chica jacañataqui: ‘Uca kokasti Faraón reyiwa uqhamaraqui take jakenacapampi. Naya Tatituw ucjja arsta.’ ”

Daniel (hebreo) 4:14

Ucat uca angelajj jach'at art'araquïna aqham sasa: “Uca kokjja liwinucupjjam; layminacapsti qhuchhurapjjam, laphinacapsa apakapjjam, achunacapsa willitatapjjam, cawquïri animalanacatejj ch'iwipancqui ucanacas chhuctawayjjapjjaracpan, uqhamaraqui layminacapanquiri jamach'inacasa.

Daniel (hebreo) 4:23

Juma, jach'a reyisti, uñjaractawa alajjpachatjja mä kollan angelar sarakasinquiri, aqham sasa: ‘Uca kokjja liwinucupjjam, t'unjapjjaraquim, ucampisa pachpa orakeru jilt'ayapjjam troncompi saphinacampjja, hierrot, broncet lurata cadenanacampi ñach'antapjjaraquim, ucatsti pampa koranac taypiru apanucupjjam; jupjjarusti sullajj sullantaracpan, pampanquiri animalanacampi chica uca koranaca mank'aracpan pakallko mara phokhasiñapcama.’

Mateo 3:10

Ucampis sapjjaracsmawa, niyawa hachajja kokanaca saphitpach phat'arañatakejja uscuta, jan cuna achu churiri kokasti phat'anucutawa, ucatsti ninaru phichantataraquiwa.

Mateo 7:19

Take jan wali achuri kokajja phat'anucutäñapawa, ucatsti ninar phichhantatäñaparaquiwa.

Lucas 13:6

Ucatwa Jesusajj aca uñtasïwita parli: “Mä jakew yapupana higo yapuchäna, ucat jupajj uca ali uñjir sari: ‘Inach achjjpacha’ sasa, ucampis janiw ni mä achups jicjjatcänti.

Lucas 13:7

Ucat uca yap uñjirirojj säna: ‘Uñtam, quimsa marpachaw nayajj jutta aca alin achup uñjirejja, ucatsti janipuniw jicjjatcti. Phat'anucum. ¿Cunataquis inamayajj orakjj catjjäsinejja?’ sasa.

Lucas 13:9

Inas ucampejj achjjchini; ucat janipun achcanejja, ucapachaw phat'anucjjäta’ ” sasa.

Juan 15:6

Qhititejj jan nayampi mayaquïcchi ucajja, jaksutäniwa, ucatsti cunjämatejj mä waña layminacajj apthapita ninaru phichhantatäñataquejja uqhamäniwa.

Hebreos 10:28

Cunapachatejj maynejj Moisesan leyipjja jan yäkchejja, ucatsti pani jan ucajj quimsani testigojj jupa toke sayt'iri utjchi ucajja, jan sintisisa jiwayatawa.

Hebreos 12:29

Diosasajj mä ninjama naqhantiriwa.