Lucas 22:32 - Qullan Arunaca

³² Ucampis nayaw jumataquejj mayta jan iyawsañamajj pist'añapataqui. Jumasti nayaru cuttanjjät ucqhajj ch'amañcht'am jilanacamaru jan mayjt'asipjjañapataqui —sasa.

Aymar Bibliia 1986

³² Ucampis nayaw jumataquejj mayta jan iyawsañamajj pist'añapataqui. Jumasti nayaru cuttanjjät ucqhajj ch'amañcht'am jilanacamaru jan mayjt'asipjjañapataqui —sasa.

Qullan Arunaka DC

³² ukampis nayaw jumatakix mayta iyawsañaman jan pist'añapataki. Jumasti, kunapachatix nayan ukar kuttanxät ukkhaxa, jilanakaman jan mayjt'asiñapatak jupanakar ch'amañcht'am —sasa.

Lucas 22:32 Jak'a apnaqawi uñst'ayäwi

Mateo 18:3

saraquïnwa: —Khanacwa sapjjsma, jumanacatejj jan mä wawjam tucupjjätajja, janiw Diosan reinopar mantapcasmati.

Mateo 26:75

Pedrosti ucqhaquiwa amtasïna Jesusajj cunjämtejj siscatayna ucata: “Janïr wallpa art'quipanwa quimsa cuti nayarojj jan uñt'iri tucüta” sasa. Ucat mistusinjja Pedrojj wal jachäna.

Marcos 14:72

Ucspacharaquiw wallpajj mayamp art'jjäna. Uc ist'asinsti Pedrojj amtasïnwa, cuntï Jesusajj siscäna uca arunacata: “Quimsa cutiw jumajj jan uñt'quitasmas uqham tucüta wallpajj janïr pä cuti art'quipana.” Uca arunacat amtasisinsti Pedrojj wal jachäna.

Marcos 16:7

Jichhajj sarapjjam, discipulonacapar yatiyanipjjam, Pedrompir cuna: ‘Jesusajj Galilearuw jumanacat nayra sarqui; ucan jiquisipjjäta, cunjämtï sawayapctam uqhama’ sasa.

Lucas 8:13

Kala taypiru jalantirïqui uca jathasti acawa: qhitinacatejj Diosan arupa ist'apqui, uqhamarac cusisiñamp catokapjje, ucampis janiw wali saphintatäquiti, mä kawkha pachataquiquiw iyawsapjje. Yant'anaca purinjjepanjja jithektjjapjjaquiwa.

Juan 14:19

Mä juc'ampitjja jakenacajj janiw juc'ampi uñjcjjapjjetaniti, ucampis jumanacajj uñjasipquitätawa, jumanacajj jacapjjätawa nayan jacascatajj laycu.

Hechos 3:19

Uqhamasti jan wali lurañanacjja apanucupjjam, ucatsti arrepientisipjjam juchanacamajj perdonatäñapataqui. Ucatwa Diosajj jumanacar cusiscañ urunac churapjjätam,

Romanos 8:32

Diosajj janiw Wawaparus perdonquiti, ucatpï Wawaparojj jiwañaru catuyejja jiwasanacan juchanacas laycu. Uqhamasti ¿janiquit take cuns churquistani Wawapamp chicjja?

Romanos 8:34

¿Qhitiraqui jupanacarusti juchañchaspasti? Janiw qhitisa. Cristowa jiwquis ucajja, juparaquiw jiwatanac taypit jactanquis ucajja, jichhasti Diosan cupëjjapan kont'atäsquiwa, jiwasanacataquisti mayiscaraquiwa.

2 Timoteo 2:18

Jupanacajj cheka arutjja maysaruw saranucupjje: ‘Jiwatat jactañajj pasawayjjewa’ sasa. Uca arunacampiw sarnakapjje mayninacan iyawsäwinacap mayjt'ayasina.

Tito 1:1

Naya Pablojj Diosan sirviripätwa, Jesucriston apostoloparaqui, jupan qhitataraqui qhitinactejj Diosajj ajllisqui ucanacar iyawsañar apaniñajjataqui, uqhamarac Diosan cheka yatichäwinacapsa uñt'apjjañapataqui,

Hebreos 12:15

Amuyasipjjamay takenis Diosan yanapt'apa catokapjjañamataqui, jan jumanacata maynisa cunjämatejj mä jan wali c'asc'a korajj mayninaca jan walt'ayqui, uqhamäpjjamti.

Hebreos 7:25

Ucatwa wiñay khespiyañataqui ch'amanejja qhitinacatejj jupa toke Diosarojj jac'achasipqui ucanacarojja. Jupasti wiñay jake jupanacatac Diosat mayiñataqui.

1 Pedro 1:1

Naya Pedrojj Jesucriston apostolopätwa. Aca cartsti kellkasin apayanipjjaracsmawa qhitinacatï marcanacamat jayan utjasipjjta uca jilatanacaru. Jumanacasti Ponto, Galacia, Capadocia, Asia, uqhamarac Bitinia uca provincianacanwa utjasipjjaractajja.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

1 Pedro 1:5

Jumanacarusti Diosajj jupar iyawsapjjatam laycojja, jach'a ch'amapampiw take cunatsa imasipcaractam, cuna khespiyasiñatejj jumanacataqui waquichatäqui uca catokapjjañamcama. Uca khespiyasiñsti khepa urunacaw jumanacajj catokasjjapjjäta.

2 Pedro 3:14

Ucatpï munat jilatanaca, acanac suyt'casajja take cunsa ascpun lurapjjam, uqhamata Diosajj jumanacar sumana jicjjatañapataqui, jan juchani ni cuna k'añunsa.

1 Juan 2:19

Jupanacajj jiwasanaquirï taypitwa mistuwayapjje, ucampis chekpachansa janiw jiwasanacanquirïquiti; jiwasanacanquirïspa ucajja, mayaquïscasänwa. Ucampis uqhamaw lurasiwayi takenis jan jiwasanquirïtapa khanañchañataqui.