Lucas 20:16 - Qullan Arunaca

¹⁶ Jutaniwa ucatsti jiwarayaniwa uca yapuchirinacarojja, yapsti yakhanacaruraquiw churjjani sasa.” Ac ist'apcän ucapachasti, sapjjänwa: —¡Diosas ucjja jan munpati! —sasa.

Aymar Bibliia 1986

¹⁶ Jutaniwa ucatsti jiwarayaniwa uca yapuchirinacarojja, yapsti yakhanacaruraquiw churjjani sasa.” Ac ist'apcän ucapachasti, sapjjänwa: —¡Diosas ucjja jan munpati! —sasa.

Qullan Arunaka DC

¹⁶ Jupax purininiwa, yapuchirinakarusti jiwarayaniwa, uva yapupsti yaqhanakaruw churxani” sasa. Uk ist'asinsti, sapxänwa: —¡Diosas uk jan munpati! —sasa.

Lucas 20:16 Jak'a apnaqawi uñst'ayäwi

Mateo 21:34

Cunapachatejj yapu apthapiñ horasajj purinjjän ucqhajja, uca yapuruw qhiti mä kawkha jupan uywatanacaparu, cunatejj jupar wact'cäna apsusiñapajj cosechatjja uca aptaniri.

Mateo 21:41

Ucjjarojj sapjjaraquïnwa: —Uca ñankha jakenacarusti jan qhuyapt'ayasisaw jiwarayani, ucatsti yakha yapuchiriruraquiw uca yapjja arrendjani, ucanacasti yapu apthapi horasajj nayrakatwa yapunirojj churani jupancquis ucjja —sasa.

Mateo 22:7

Ucapachaw uca reyejj wal colerasïna, ucatwa soldadonacaparojj qhiti uca jiwayir jakenacar jiwarayaniñapataqui, marcapsti ninampi phichhantañapataquiraqui.

Marcos 12:9

Ucat Jesusajj jisct'araquïna: “Yapun jakesti ¿camachanisa? Jutasinjja uca yapuchirinacarojj k'al jiwarayani, yapupsti yakhanacaruw catuyasjjaraquini, sasa.

Lucas 19:27

Qhitinacatï nayan reyïñajj jan munapcän uca uñisirinacajj-jja acar aptanipjjam, ucatsti nayan nayrakatajjan jiwarayapjjam’ ” sasa.

Lucas 20:15

Ucatwa yaput apsunisin juparojj jiwayapjjäna. Ucat Jesusajj jisct'äna, “¿cuns lurani yapunejj jupanacampejja?

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Romanos 11:1

Jichhasti jisct'aractwa: ¿Diosajj jupan ajllit marcaparojj janipunit muncjjpacha? Janiw uqhamäquiti. Naya quipcaw israelitätjja, Abrahaman familiapataraquïtjja. Benjamín castat jutiriraqui.

Romanos 11:11

Jichhajj jisct'aractwa: ¿Judionacajj lanctasisinjja jan mayampitaquipunit tincupjjpacha? Janiw uqhamäquiti, jan ucasti jupanacan jucha lurapjjatap laycuw mayninacajj khespiyasiñ jicjjatapjje, uqhamat Israelanquirinacajj uca quipca lurañ munapjjañapataqui.

Romanos 3:31

Uqhamasti, ¿jichhajj iyawsäwi toketi leyirojj ina ch'usar tucuytanjja? Janiw cunäquipansa, ucat sipansa juc'amp ch'amanwa leyirojj tucuytanjja.

Romanos 3:4

Janiw cunäquipansa, jan ucasti Diosajj take cunsa chekaparjamaw luraraqui, jakenacajj c'arisisipcpansa. Ucatpï arunacapajj aqham saraquejja: “Arsutanacam laycuw chekan uñt'atäyäta. Taripatäcät ucqhasti atipätawa.”

Romanos 3:6

Janiw cunjämatsa uqhamäcaspati. Diosatejj jan chekäcchejja, ¿cunjämarac acapachanquirinacar taripaspasti?

Romanos 6:15

¿Cunaraqui jichhasti? Diosan qhuyapayasiñapancjjapjjstan ucajja, leyisti janiraqui jiwasjjaru cuna munañanïcjjchisa ucajja ¿juchtï juc'amp lurascaquiñäni? Janiw cunäquipansa.

Romanos 6:2

Janiw cunäquipansa. Jiwasanacajj juchataquejj jiwatäjjtanwa; ¿cunjämaraqui wasitat juchampi jacascacsnasti?

Romanos 7:13

Uqhamasti, ¿wali sumäquis ucat nayarojj jiwañaru apitojja? ¡Janiwa uqhamäquiti! Juchawa nayarojj jiwañar apirejja, uqhamatwa jupajj uñacht'ayasi juchätapa. Cunatejj asquïqui uca toketaracwa jupajj uc luri, uqhamataracwa leyejj uñacht'ayasi juchajj jan walïtapa.

Romanos 7:7

Jichhasti ¿cun sañänisa? ¿Leyejj juchati? Janiw cunäquipansa. Ucampis janiw nayajj yatquiriscäyätti cunatejj juchäqui ucjja janitejj uca leyejj utjcasapän ucajja. Amuyt'añäni, janiw nayajj yatquiriscäyätsa cunatejj jakenquir munañäqui ucjja janitejj leyejj uc khanañchcasapäna: “Jan jakenquir munamti” sasa, ucajja.

Romanos 9:14

Uqhamajj ¿camsapjjañänisa? ¿Diosajj janit chekäqui? Janiw cunäquipansa.

1 Corintios 6:15

¿Janit yatipcta janchinacamajja Cristoncatapa? ¿Uca Cristonquir janchisti apakasin mä jan wali sarnaker warmirusti churaraquiristti? Janiw cunäquipansa uca lurañajj waquiscaspati.

Gálatas 2:17

Ucampis jichhajj nanacajj Cristo tokew Diosampi catokayasiñ munapjjta, nanacpachparaquiw juchanit uñt'asipjjta, ¿acasti Cristojj jucharar tucuyistu sañti muni? ¡Janiw cunäquipansa ucajj chekäquiti!

Gálatas 3:21

¿Acasti Moisesan leyipajj Diosan arsutap contrawa sañti muni? Janiw cunäquipansa uqhamäquiti. Leyitejj jacañ churasapäna ucajja, cuntejj leyejj sisqui ucarjama phokhatap laycuw Diosajj catokestasapänjja.

Gálatas 6:14

Ucampis nayajj janiw cunatsa jach'ar tucuñ muncti, jan ucasti jiwasan Tatit Jesucristosa crusan jiwatapatacwa jach'aru tucuñajjajj utjitu. Criston crusap tokequiwa nayataquejj acapach luräwinacajj jiwata, nayasti acapach luräwinacataquejj jiwataraquïtwa.