Lucas 2:13 - Qullan Arunaca

¹³ Ucspachaw uca angelamp chicajj alajjpach walja angelanacajj uñstäna. Ucanacasti Diosaruw yupaychapjjäna aqham sasa:

Aymar Bibliia 1986

¹³ Ucspachaw uca angelamp chicajj alajjpach walja angelanacajj uñstäna. Ucanacasti Diosaruw yupaychapjjäna aqham sasa:

Qullan Arunaka DC

¹³ Ukspachaw uka angelamp chikax alaxpachan walja angelanakax uñstäna, jupanakasti Diosaruw yupaychapxäna akham sasa:

Lucas 2:13 Jak'a apnaqawi uñst'ayäwi

Génesis 28:12

Ucansti mä samca samcasïna, uca samcansti mä escalera uñjäna aca oraketa alajjpachcama maqhatasquiri, uca escaleranjamsti Diosan angelanacapaw maqhatasipcäna, sarakasipcaraquïna.

1 Reyes 22:19

Micaiasasti sascaquïnwa: —Uqham satamatjja, ist'am Tatitun arunacapa: ‘Tatiturojj tronopana kont'atäsquirwa uñjta, ucatsti alajjpachanquir ejercitorusti jupa chica sayt'atäsquiriraqui, cupëjjapana, uqhamarac ch'ekäjjapanraqui.

Job 38:7

uccañcamasti khanjtaniri warawaranacan k'ochupjjañapcama, uqhamaraqui alajjpacha sirvirinacan cusisiñapcamajja?

Salmos 148:2

Tatitun angelanacapa, jupar jach'añchapjjam, takpach tamanacapa, Tatitur jach'añchapjjam.

Salmos 68:17

Diosan nuwasiñ carronacapajj warank warankawa: Sinaí kollutpach Diosajj kollan chekawjarojj jutanti.

Ezequiel 3:12

Ucatwa nayarojj Tatitun ch'amapajj irptitu, ucat nayan khepäjjajjansti mä jach'a ch'ajjwa ist'aracta, mä jach'a orak qhathatïcaspas uqhama, ucajj Diosan jach'a cancañapaw ucawjat sartäna.

Daniel (hebreo) 7:10

Jupa nayrakatatsti mä nina jawirjamaw misturaquïna. Waranka warankanacaraquiw juparojj sirvipjjäna, millón millonanacaraquiw jupa nayräjjan sayt'atäpjjäna. Tribunalasti uca tantachasïwin parlañanacjja kalltayjjaraquïnwa, libronacasti jist'arasiraquïnwa.

Lucas 15:10

Sapjjsmawa, uqhamaraquipï cusisiñajj Diosan angelanacap taypinjj utjejja mä juchararan arrepientisitapatjja.”

Lucas 2:12

Acäniw chimpojja, jumanacajj wawarojj wawa isinacamp q'irt'atwa mä uywa mank'añawjan iquisquir jicjjatapjjäta —sasa.

Lucas 2:14

“¡Diosajj jach'añchatäpan alajjpachanacanjja. Aca orakensti sumancañaraqui utjpan qhuyapayasiñapat cusisipqui uca jakenac taypina!”

Efesios 3:10

Ucasti jichhajj iglesia tokew lurasi take munañaninacaru uqhamarac alajjpachanquir jilïrinacaru Diosan yatiñapjja take toketa uñt'apjjañapataqui.

1 Timoteo 3:16

Janiw Diosar arcäwisana imantatäqui ucatjja payachasiñajj utjquiti, ucasti wali jach'awa: Diosajj jaker tucusaw uñstawayi; jupajj Ajayunsa asquit khanañchataraquiwa, angelanacansa uñjataraquiwa. Marcanacarojj yatiyatawa, aca orakpachanjja iyawsataraqui, alajjpachansa catokataraqui.

Hebreos 1:14

Take angelanacaw ajayüpjje Diosar sirviñanjja, ucanacasti qhitinacatejj khespiyasiñ catokapcani ucanacar yanapt'añatac qhitanitäpjjewa.

1 Pedro 1:12

Ucampis Diosajj jupanacarojj yatiyaraquïnwa, cuna tokettï yatjjatañ munapcän ucajj jan jupanacataquïtapa, jan ucasti jiwasataquïtapa. Ucatpï jichhajj jumanacarojj uca pachpa arunacaraqui yatiyatajja, qhitinacatejj parlapctam ucanac toke. Jupanacasti alajjpachat qhitanita Kollan Ajayun ch'amapampiwa parlapjjaractamjja. Ucanacsti angelanacas uñjañjja munapjjaraquïnwa.

Apocalipsis 5:11

Ucatsti mäquiw uñtta, walja angelanacan arunacapracwa ist'ta. Uca angelanacasti tronoru, uca jacasquirinacaru, uca jilïrinacaru muyuntatänwa. Waranka, warankanacäpjjaraquïnwa.