Lucas 19:12 - Qullan Arunaca

¹² Ucatwa jupanacar saraqui: “Mä jakew wali aytat familiat utjäna, ucajja jaya marcaruw sari reyit utt'ayatäñapataqui ucat cutinjjañataqui.

Aymar Bibliia 1986

¹² Ucatwa jupanacar saraqui: “Mä jakew wali aytat familiat utjäna, ucajja jaya marcaruw sari reyit utt'ayatäñapataqui ucat cutinjjañataqui.

Qullan Arunaka DC

¹² Ukat Jesusax jupanakar aka uñtasïwi yatiyäna: “Wali aytat wila masi taypit mä jaqiw utjäna, jupasti reyit utt'ayatäñatakiw jaya markar saräna, reyit utt'ayatäxasinsti, kutinxañataki.

Lucas 19:12 Jak'a apnaqawi uñst'ayäwi

Mateo 21:38

Yokapar uñjasasti yapuchirinacajj aqham sapjjänwa: ‘Acajjay herencia catokerejja. Jupajjay aca yapu herenciat catokchinejja. Jiwayapjjañäni ucat jiwasanac yap catusjjañäni’ sasa.

Mateo 28:18

Jesusasti jupanacar jac'achasisinjja siwa: “Nayar churatawa take munañanïñajja alajjpachansa, acapachansa.

Marcos 12:1

Ucjjarusti Jesusajj uñtasïwinac toke parlañ kalltäna: “Mä jakew utjäna, orakeparusti uva alinac ayruntäna. Ucatsti uyuchrantayänwa; uqhamaraquiw uva ch'irwañ waquicharaquïna. Uñjañataquisti mä torre luraraquïna. Jupasti yapuchir jakenacaruw uca orakepjj arrendjawayäna, ucatsti jaya marcaruw sarjjäna.

Marcos 16:19

Jupanacar parlatap khepatjja, Tatit Jesusajj alajjpachar aptatäjjänwa. Jupasti Diosan cupëjjaparuw kont'asjje.

Lucas 20:9

Ucjjaruw Jesusajj jakenacar parlañ kalltäna, ucat mä uñtasitat amuyt'ayäna: “Mä jakew utjäna, ucasti yapuparojja uva yapuchäna, ucatsti mayni yapuchirinacaruw arrendjäna, ucat jaya maranacataquiw sarjjäna.

Lucas 24:51

Ucatsti bendiscasinwa jupanacatjja jithektawayjje, alajjpacharu aptatäjjänwa.

Juan 18:37

Pilatojj ucjjarojj sänwa: —¿Uqhamajj jumajj Reyïtati? —sasa. Jesusasti sänwa: —Reyïtwa nayajja, cunjämtï jumajj siscta uqhama. Nayajj ucataquiw nasta, acapacharusti juttwa cunatejj chekäqui uc yatiyiri. Take qhitinacatejj chekan sarnakapqui ucanacajja, ist'apjjewa nayajj cuntejj siscta uca —sasa.

Hechos 17:31

Diosasti mä uru waquichi, ucüruw cheka cancañampi acapacharojj taripani cawquïr jaktejj jupajj ajllisqui uca toke. Uca jaken chekätapjja, jupar jiwatat jactayasaw take jakenacar khanpach yatiyi.”

1 Corintios 15:25

Cristojj reinañapawa Diosajj take uñisirinacapar Cristompi atipjaycani ucqhacama.

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

1 Pedro 3:22

jupasti alajjpacharuw maqhatjje ucatsti Diosan cupëjjaparuw kont'asjje, uqhamarac jichhajj angelanacasa, munañaninacasa, ch'amasa jupar catuyatawa.

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.