Lucas 18:23 - Qullan Arunaca

²³ Uca waynajj uc ist'asinjja wali llaquitaw jicjjatasi, wali kamirïtap laycu.

Aymar Bibliia 1986

²³ Uca waynajj uc ist'asinjja wali llaquitaw jicjjatasi, wali kamirïtap laycu.

Qullan Arunaka DC

²³ Uka jaqix uk ist'asinxa, wali llakitaw jikxatasïna, wali qamirïtap layku.

Lucas 18:23 Jak'a apnaqawi uñst'ayäwi

Ezequiel 33:31

Uqhamaw marcajjajj jutasin juman nayrakataman kont'asipjje cunjämtejj lurapjjerïcäna, arunacama ist'añataqui. Ucampisa janiw uca arunacarjama sarnakapquiti. Munasiña k'ochunacäcaspasa uqhamacwa k'ochupjje, ucampisa jupanacan chuymanacapajj kollken khepapa sarañanquiwa.

Mateo 19:22

Waynasti uca arunac ist'asinjja wali llact'ataw sarjjäna wali kamirïtap laycu.

Marcos 10:22

Waynasti uc ist'asinjja wal llacthapisïna. Uqham llact'ataraquiw sarawayjjäna, wali kamirïtap laycu.

Lucas 12:15

Uqhamaraquiw säna: —Amuyasipjjam jumanacataquic take cuns munañjjata; jaken jacañapasti janiw cunatejj utjarapqui uca walja yänacapancquiti —sasa.

Lucas 18:22

Jesusajj uc ist'asinjja sänwa: —Ucampis maya jan phokctati; aljaram take cunatejj utjctam ucanaca, ucatsti pobrenacar churam, ucapachaw kamir cancañamajj alajjpachan utjätam, ucatsti jutam, nayar arquita —sasa.

Lucas 18:24

Jesusajj uqham llaquit uñjasinjja sänwa: —¡Cunja ch'amas kamirinacan alajjpachar mantañapajja!

Lucas 19:8

Ucapachaw Zaqueojj sayt'asi, ucat Tatituru saraqui: —Uñtam tata, take cunatejj utjquitu ucatjja pobrenacaruw chicat churjjä; maynirutejj lunthatsta ucarojja, pusi ucqhampiw cuttayjjä —sasa.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Lucas 8:14

Ch'aphinac taypir jalantirïqui ucasti acawa: qhitinacatejj aru ist'apjje ucampis sarnakäwinacaparjamajj sarasipcaqui ucawa. Ucatsti cunayman llaquisiñanacampi, kamir cancañampi, acapach cusist'añanacampiw chhaktayjje uqhamatwa jan sum achcjjapjjeti.

Efesios 5:5

Uqhamajj yatjjapjjtawa, cawquïritejj yakhamp wachoka juchan sarnakchejja, jan wali luräwinac luririsa, jan ucajj mich'asa (ucajj c'ari diosanacarus yupaychcaspa uca pachpawa) janiw Cristompin Diosampin reinoparus mantcaspati.

Filipenses 3:8

Ucat juc'ampis, take cunatejj nayan utjquitu ucanacsti chhakatäcaspas uqhamwa amuyta, Cristo Tatitojjar uñt'añajj mä jach'a asquïtap laycu. Cristo laycuw take cunsa apanucta. Take cunsa mä jan cunatac sirvir t'unäcaspas uqhamwa uñjta Cristor jicjjatañ laycu.

Colosenses 3:5

Aca oraken jucha lurañanacajj jumanacan utjqui ucanacasti jan utjcjjpanti: jan qhitis yakhampi wachoka juchan sarnakpati, janirac k'añu luräwinacsa lurpati, janirac jañchipan munañanacapsa, ni jan wali amtatanacapsa lurpati, janirac mich'äpasa (ucasti c'ari diosanacarus yupaychcsna uqhamaraquiquiwa).

1 Juan 2:15

Jan acapachar munirïpjjamti, janirac acapachan yänacapsa. Cawquïritejj acapachar munasqui ucanjja, janïraw Dios Awquitac munasiñapajj utjquiti.