Lucas 17:6 - Qullan Arunaca

⁶ Tatitusti jupanacarojj saraquïnwa: —Iyawsañanacamatejj utjaspajja, mä mostaz jatjamaquisa, ucat aca sicómoro kokarojj sapjjasmajja: ‘Acat liwstam, ucat kotar ayruntasim’ sasa, uca kokasti jaysapjjeristamwa.

Aymar Bibliia 1986

⁶ Tatitusti jupanacarojj saraquïnwa: —Iyawsañanacamatejj utjaspajja, mä mostaz jatjamaquisa, ucat aca sicómoro kokarojj sapjjasmajja: “Acat liwstam, ucat kotar ayruntasim” sasa, uca kokasti jaysapjjeristamwa.

Qullan Arunaka DC

⁶ Tatitusti jupanakarux sarakïnwa: —Iyawsañanakamatix mostaza jatha ukch'aki utjaspaxa, aka quqarux sapxasmawa: ‘Akat liwstam, ukat qutar ayruntasim’ sasa, uka quqasti jaysapxiristamwa.

Lucas 17:6 Jak'a apnaqawi uñst'ayäwi

Mateo 14:29

Jesusasti juparojj sänwa: —Jutascaquimaya —sasa. Pedrosti botet sarakasinjja jupan ucaruw saräna uma patanjama.

Mateo 17:20

Jesusasti jupanacarojj sänwa: —Jumanacan iyawsañamajj wali pisiwa. Khanacwa sapjjsma, jumanacantejj iyawsañamajj utjaspa mä mostaz jatha ucch'aquisa, aca kollurojj: ‘Sartam acawjata, yakha chekaru’ sapjjasmawa, ucat uca kollusti yakhawjaruw sartaspa. Janiw cunas ch'amäcaspati, jumanacantejj iyawsañajj utjaspa ucajja.

Mateo 21:21

Jesusasti jupanacarojj sänwa: —Khanacwa sapjjsma, jumanacantejj iyawsañanacamajj utjapjjeristam, janirac pächasiñas utjapjjeristam ucajja, janiw nayajj lurcta ucac lurapcasmati, jan ucasti qhä kollur: ‘Sartam, ucatsti kotar mantam’ sapjjasma ucajja, lurasispawa.

Marcos 4:31

Diosan reinopajj oraker phawantat mostaza jathar uñtasitawa. Uca jathajj acapachan utjiri take jathanacat sipansa juc'amp jisc'aquiwa.

Marcos 9:23

Jesusasti sänwa: —Jumatejj iyawsasmajja, lurasispawa. Iyawsir jaketaquejj take cunas waquisiquiwa —sasa.

Lucas 13:19

Mä mostaza jatjamawa cunjämtejj mä jakejj orakeparojj phawanti, mistusinjja jilsuwayi, mä jach'a kokar tucuñcama, uca layminacaparusti jamach'inacajj tapachasipjjewa —sasa.

Lucas 17:7

“Maynitejj jumanacata mä uywatanïchejja, ucatsti uca uywatajj pampat yap luratata, jan ucajj ovej awatïwitsa cutt'ani ucarojj, ¿saspati: ‘Pasanim, mesar kont'asim mank'asiñataqui’ sasajja?

Lucas 19:4

Ucatwa nayrakatar jaläna; jupar uñjañataquisti mä sicómoro sat kokaruw maqhatäna, cawqui chektejj Jesusajj pasañapäcäna uca jac'aru.

Lucas 7:13

Uc uñjasinsti Tatitojj jupatjja qhuyapt'ayasïnwa, ucat saraqui: —Jan jachamti —sasa.

Lucas 7:19

Jupanacarusti Jesusan ucaruw qhiti, chekpachapunit jupäpacha jutañapäcänsa uca Cristojj, jan ucajj yakharuch suyañanacapäsipqui uc yatjjatiri.

1 Corintios 13:2

Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.