Lucas 17:34 - Qullan Arunaca

³⁴ “Sapjjsmawa, uca arumasti paniniw mä iquiñan iquisipcani; maynejj aptatäniwa, maynisti jaytatäniwa.

Aymar Bibliia 1986

³⁴ “Sapjjsmawa, uca arumasti paniniw mä iquiñan iquisipcani; maynejj aptatäniwa, maynisti jaytatäniwa.

Qullan Arunaka DC

³⁴ “Nayasti sapxsmawa, uka arumasti paniniw mä ikiñan ikisipkani; maynix aptatäniwa, maynisti jaytatäniwa.

Lucas 17:34 Jak'a apnaqawi uñst'ayäwi

Salmos 26:9

Janiquiy jucharar jakenacarjamajj jacañajj apakestati, janirac jake jiwayirinacarjamas puriyistati,

Salmos 28:3

Janiquiy khoru jakenacamp chicajj apistati, janirac ñankha luririnacampis chicachasiyistati, laka chuymaquiw jake masipamp sumanquirejj tucupjje, chuymapasti ñankhan phokhantatawa.

Isaías 42:9

Amuyapjjam, cunjämsa phokhasisqui cuntejj nayratpach yatiycta ucajja, jichhasti machak yatiyäwinac yatiyaraquëjja, ucanacsti janïra uñstquipanwa jumanacarojj yatiyapjjsma.”

Jeremías 45:5

¿Cuncha jumataqui mayisiñ munta? ¡Jan cunsa mayimti! Nayasti take jakenacjjarojj jach'a t'akhesiñanacwa apayanëjja, ucampisa jumarojj jacayascaraquïmawa cawquirutejj sarcät ucana. Naya Tatituw ucjja arsta’ ” sasa.

Mateo 24:25

Take acanacsti jumanacarojj nayrakatwa yatiyapjjsma.

Marcos 13:23

Ucampis jumanacajj amuyasipjjam, janïr ucanac lurasquipanwa take cuns yatiyapjjsma.

Marcos 14:29

Pedrosti ucjjarojj sänwa: —Take maynis jumat mayjt'asisin jaytanucupcätam ucasa, nayajj janipuniw jumarojj jaytanuccämati —sasa.

Lucas 13:24

—Take ch'amampi c'ullc'u punc chic mantañaru uchasipjjam, sapjjaracsmawa, waljaniw mantañ munapjjani, ucatsti janiw mantapcaniti.

Lucas 13:3

Janiwa, ucampis jumanacatejj jan arrepientisipcätajja, take jumanacajj quicparaquiw jiwarapjjaraquïta.

Lucas 13:5

Janiwa, ucampis jumanacatejj jan arrepientisipcätajja, take jumanacajj quicparaquiw jiwarapjjaraquïta —sasa.

Lucas 17:33

Qhititejj jacañap khespiyasiñ munqui ucajja, apt'asiniwa; ucampis jacañap apt'asirejja khespiyasiniwa.

Lucas 17:35

Pani warmiwa jac'apuran pekasipcani; maynejj aptatäniwa, maynisti jaytatäniwa.

2 Pedro 2:9

Uqhampï Tatitojj wawanacapar jan walinacat khespiyañ yatejja, uqhamarac jan wali jakenacar taripäwi urutac imañsa, mutuyatäpjjañapataqui.