Lucas 16:20 - Qullan Arunaca

²⁰ Utjaraquïnwa limosna mayjasir mä pobre jakejja Lázaro sata, ucasti llejjti usun tucjatänwa. Jupasti sapüruw kamirin utap puncupan kont'asirïna.

Aymar Bibliia 1986

²⁰ Utjaraquïnwa limosna mayjasir mä pobre jakejja Lázaro sata, ucasti llejjti usun tucjatänwa. Jupasti sapüruw kamirin utap puncupan kont'asirïna.

Qullan Arunaka DC

²⁰ Mä tuqitsti, mayjasir jan kunan jaqirakiw utjäna, Lázaro sutini, jupasti qamirin utap punkun sapüruw qunt'asirïna, jupax llixti usun tukjatänwa.

Lucas 16:20 Jak'a apnaqawi uñst'ayäwi

Job 2:7

Ucatsti Supayajj Tatitun ucata mistuwayasinjja, Job chacharojja jan kollcaña llejjti usumpiw usuntayäna. Ucatsti uca llejjti usojja cayuta, p'ekecamaw catuntäna.

Salmos 34:19

Asqui jakejj jan walinacamp t'akhescchi ucasa, Tatituw take ucanacat waysu;

Salmos 73:14

Jan inact'asaw nuwat uñjasta, sapa willjtaw t'akhesiyat uñjasiracta.

Isaías 1:6

Cayut kalltasin p'ekecamajj janiw jumanacanjj cawqhas c'umaräcjjeti; takpach janchimajj k'ala chhojjriñchjatawa, jawk'jata, llejjtjtataraqui; jan qhitinsa kolljjatata, janiraqui ñacht'ata, uca usuyasitanacamsti janiraquiw qhitis aceitempi kolljjatt'asa samart'ayquiti.

Jeremías 8:22

¿Janit cuna kollas Galaad chekanjja utjcpacha? ¿Janit ucanjja qhiti kollt'iris utjcpacha? ¿Cunataraqui marcajjarusti jan kollapjjesti?

Mateo 26:71

Pedrojj puncu tokeruw sarascäna, ucapachaw mayni uywat tawakojj uñjaraquïna ucat jupajj ucancapcäns ucanacarojj saraquïna: —Aca jakejj uca Nazaretanquir Jesusampiraquiw sarnakasquirïna —sasa.

Lucas 16:19

“Mä kamir jakew utjäna, ucasti wali suma lliphipquir isimpiw isthapisirïna, sapüruraquiw jach'a mank'añanaca waquichirïna, jach'a cancañampi.

Lucas 16:21

Aca pobresti kamirin mesapat jalaktirinacampiw sist'asiñ munäna; anunacaw jutasin llejjtinacapjja jallk'apjjerïna.

Juan 11:1

Betania marcanjj mä usut chachaw utjäna Lázaro sutini. Uca marcasti Mariampina, Marta cullacapampina marcaparaquïnwa.

Hechos 3:2

Jakenacasti nacïwitpach mä cojo jakeruw templo puncur sapür apapjjerïna, templor mantirinacat mayjasiñapataqui, Hermosa satäquis ucawja puncuru.

Santiago 1:9

Cawquïr jilatatejj menosancchi ucajja cusisiñapawa, Diosasti juparojj jach'aruw aptani.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

1 Samuel 2:8

Diosajj oraket pobrerojj wayti, limosna mayjasirirusti k'añunac taypit waysuraqui, jilïri jakenac taypiru kont'ayañataqui, mä jach'a jilïrinacan konuñapar kont'ayañataqui; Tatitunquiw take cunasa, aca oraken utt'äwinacapatsa, ucanacjjaruraquiw aca oraksa utt'ayaraqui.