Lucas 15:17 - Qullan Arunaca

¹⁷ Ucat wal amuyt'asi: ‘¡Awquejjan utapanjja kawkha irnakerinacas wali mank'añanïpjjejja, nayasti acanjja mank'at jiwascta!

Aymar Bibliia 1986

¹⁷ Ucat wal amuyt'asi: “¡Awquejjan utapanjja kawkha irnakerinacas wali mank'añanïpjjejja, nayasti acanjja mank'at jiwascta!

Qullan Arunaka DC

¹⁷ Ukat wal amuyt'asïna: ‘¡Awkixan utapan qawqha irnaqirinakas jilarkir manq'añanïpxixa, nayasti akan manq'at jiwaskta!

Lucas 15:17 Jak'a apnaqawi uñst'ayäwi

Salmos 119:59

Sarnakäwejjaruw uñaquipasta, arunacamarusti wasitat jaysta.

Salmos 73:20

Tatay, samcat p'arjjtasir jakjam sartascät ucapachasti, c'ari uñnakaparojj jisc'achätawa.

Eclesiastés 9:3

Aca orakena take cunatejj lurasqui ucanacatjja acawa jan walïquiti, takenirusa uca pachpawa suyt'asqui. Maya toketjja, jaken amuyupajj ñankha lurañampi phokt'atawa; lokhe cancañaw amuyupana atipji take jacañapana; ucatsti tucuyarojj jiwañaruquiw purjje.

Jeremías 31:19

Nayajj jumatjja jayarst'awaytwa, ucampisa jichhajj walpun amtta saranucutajj-jja; juchajj uñt'astwa, ucatsti charajjaruraquiw lek'esta; p'enkachata, jisc'achjataraquiw uñjasta, wayna urunacajjan jucha luratajj laycu.’

Lamentaciones 1:7

Jerusalenasti qhaya urunacatwa amtasi, cunapachatï sapaqui, llact'ata kheparcäna uca urunacata. Cuna kamir cancañapatejj nayrajj utjcäna take ucanacatwa amtasi; cunjämsa uñisiripajj amparapar purïna take ucanacwa amtasi, janiraqui qhitis jupar yanapt'irejj jutcänti ucanacwa amtasi, uñisirinacapasti jupar uñjasinjja, aynacht'atapatjja larusipjjänwa.

Ezequiel 18:28

Jupatejj sum amuyt'asini, sum uñatatasiraquini, ucat take ñankha luräwinacap apanucjjaraquini, ucajj chekpachaw jacani, janiw jiwcaniti.

Oseas 2:7

Munirinacaparojj arcascaniwa, ucampis janiw jicjjatcaniti; thakascaniwa, ucampis janiw jicjjatcaniti. Ucapachaw sani: ‘Nayra chachajjampic cuttasjjä, jupampisti walic sarnakascäyatjja’ sasa.

Lucas 15:16

Jupasti mank'at awtjatajj, qhuchinacas mank'cän uca thajjompiw sist'asiñ munäna; janiraquiw qhitis juparojj cuns churcänti.

Lucas 16:23

“Kamiristi cawqharutejj jiwatanacajj sarapqui ucqhan uñatatasïna, ucatsti jayatpachwa Abrahamar uñjäna, uqhamarac Lazarorusa jupamp chicäsquiri.

Lucas 8:35

Jakenacasti mistunipjjänwa cunatï pascatayna uc uñjiri. Jesusan jac'aparu purisinsti, qhitittï ñankha ajayunacajj mistcän uca jakeruw Jesusan cayuparu kont'atäsquiri, isthapita uqhamarac amuyuniraqui jicjjatapjje, ucatsti jupanacajj ajjsarapjjänwa.

Hechos 12:11

Ucapachaw Pedrojj amuyt'asi, ucatsti sänwa: “¡Chekapunis Tatitojj angelap qhitanitütojjä, Herodesan amparapat khespiyañataqui, uqhamarac judionacan amparapatsa!” sasa.

Hechos 2:37

Take acanac ist'asinsti, chuymanacapan wali llact'ataw uñjasipjjäna. Ucatsti Pedrompiru mayni apostolonacampirojj jisct'asipjjänwa: —Jilatanaca, ¿cuns lurapjjäjja? —sasa.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.