Lucas 14:23 - Qullan Arunaca

²³ Ucat uywirejj uywatapar saraqui: ‘Saram callenacaru, thaquinacaru, ucat irptanim utajjan phokt'atäñapataqui.

Aymar Bibliia 1986

²³ Ucat uywirejj uywatapar saraqui: “Saram callenacaru, thaquinacaru, ucat irptanim utajjan phokt'atäñapataqui.

Qullan Arunaka DC

²³ Ukat uywirix uywatapar säna: ‘Saram, thakhinakaru, marka jak'anakaru, ukatsti irptasinkakim utaxar phuqhantañkama.

Lucas 14:23 Jak'a apnaqawi uñst'ayäwi

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Salmos 98:3

Israel marca laycusti, qhuyapayasiñapampita, arsutap phokherïtapampit amtasi. Takpach oraken jaquirinacaw Diosasan atipjatap uñjapjje.

Isaías 11:10

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.

Isaías 27:13

Uca urunwa mä jach'a trompetajj phust'asini, qhitinacatejj Asiria marcan chhaktatäpcän ucanacajj, uqhamaraqui Egiptor apayatäpcän ucanacasa, Tatitur yupaychiriw jutapjjani Jerusalenana, kollana kolluna.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Mateo 21:43

“Ucatpï sapjjsmajja, jumanacatjja Diosan reinopajj apakatäniwa, churasiraquiniw qhitinacatejj horasapar achunac churquis ucanacaru.

Mateo 5:41

Jumarutejj mä ucch'a k'epiyañ munstam ucajja, mä ucch'ampi jumajj k'epirapim.

Lucas 14:22

Ucjjarusti uywatajj saraquïnwa: ‘Tata, arsutamarjamaw phokta, ucampis utjascaquiw kont'asiñajja’ sasa.

Lucas 14:24

Nayasti sapjjsmawa, janiw nayrakat jawsaycta, ucanacat qhitisa mank'ajjatjja mank'apcaniti’ ” sasa.

Lucas 24:29

Jupanacasti kheparañapataquiw achict'apjjäna: —Nanacamp chica kheparam, niya jayp'uquëjjewa, niyaw arumt'jjani —sasa. Ucatwa Jesusajj jupanacamp chica kheparañataqui mantjjäna.

Hechos 16:15

Jupasti bautisasïnwa, familiapamp cuna. Ucjjarusti nanacarojj achict'apjjaraquituwa: —Jumanacatejj nayan Tatitur chekpach iyawsatajj amuyapjjstajja, jutapjjam ucatsti utajjan korpachasipjjam —sasa. Nanacarusti munquir jan munquir kheparayapjjetu.

Hechos 18:6

Ucampis judionacan jan arupar jaysapjjatapata, uqhamarac cunayman arusipjjatap laycojja, Pablojj isinacap thalarasisaw jupanacarojj säna: —Jumanacaw juchanïsipcäta, wiñay jiwañar mantascañataquejja. Nayajj jichhat ucsarojj jan judiöpquis uca jakenacan ucaruw sarjjäjja —sasa.

Hechos 28:28

Jichhasti jumanacajj yatipjjam, jichhat ucsarojj Diosan khespiyasiñapajj jan judiöpquis ucanacaru yatiyatäniwa. Jupanacaraquiw ist'apjjani —sasa.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

Romanos 10:18

Jisct'aractwa: “¿Janipunit uca Diosan suma arunacapjja ist'apcpacha?” sasa. ¡Ist'asipquiwa! Kellkatanjja saraquiwa: “Jupanacan parlatapajj take tokenwa ist'asi, arunacapasti take orakpachanracwa yatisi” sasa.

2 Corintios 5:11

Ucatpï, nanacajj Tatitur ajjsartirinacjamajja, jakenacarojj amuyt'ayañ munapjjtjja. Ucampis Diosajj yatjjewa cunäpctï nanacajj ucjja, uqhamaraqui jumanacas yatipjjaraquismaw cunäpctejj nanacajj ucjja.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Colosenses 1:23

Ucampis acataquejj sum sayt'asipjjañamawa iyawsañanacamanjja, suma saphintataraqui, cuna suyt'äwtï suyt'apcta Diosan arunacap ist'asinjja ucatjja janiw jithektasipjjañamäquiti. Aca khespiyasiñ arunacasti take chekanwa parlasi, naya Pablosti uca parlañanjja yanapasiractwa.

Colosenses 1:28

Nanacajj Cristo Tatitjjatwa parlapjjtjja. Takeniruraquiw ewjjt'apjjta yatichapjjaracta sum amuyt'apjjañapataqui, uqhamata takenis suma jiltatäñapataqui Tatitumpi mayaquïñapanjja.

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.