Lucas 13:26 - Qullan Arunaca

²⁶ Ucapachaw jumanacajj sañ kalltapjjäta: ‘Jumamp chicaw mank'apjjta, umapjjaracta, jumasti marcanacajjana yatichtajja’ sasa.

Aymar Bibliia 1986

²⁶ Ucapachaw jumanacajj sañ kalltapjjäta: “Jumamp chicaw mank'apjjta, umapjjaracta, jumasti marcanacajjana yatichtajja” sasa.

Qullan Arunaka DC

²⁶ Ukapachaw jumanakax sapxäta: ‘Jumamp chikaw manq'apxta, umapxarakta, jumaxay markanakaxan yatichstaxa’ sasa.

Lucas 13:26 Jak'a apnaqawi uñst'ayäwi

Isaías 58:2

Sapüruw thakapjjetu, sarnakäwinacajj jicjjatasasti c'uchiquïpjjewa, mä suma asquinac lurir marcäpcaspas uqhama, leyinacajjsa sumsa phokhapcaspa uqhama; cheka leyinacwa mayipjjetu, nayar jac'achasisinsti c'uchiquïpjjaraquiwa,

Lucas 13:27

Ucampis jupajj sapjjätamwa: ‘Niya sapjjsmawa, janiw uñt'apcsmati cawquinquirïsipcstajja. Jithektapjjet nayata take jan wal luririnaca’ sasa.

Lucas 3:8

Sum sarnakapjjam, jumanacan arrepientisitanacamjja khanpacha uñacht'ayapjjañamataqui. Ucatsti janirac jumanaccamajj sapjjamti: ‘Nanacajj Abrahaman wawanacapäpjjtwa’ sasa. Sapjjaracsmawa, Diosajj aca kalanacatsa Abrahaman wawanacapjja sartayaquispawa.

2 Timoteo 3:5

Suma Dios chuymäcaspas uqhamaw tucupjjani, ucampis chekpach Diosar arcañan ch'amapjja apanucupjjaniwa. Uca casta jakenacampejj jan cunans mayachasimti.

Tito 1:16

Jupanacajj: Diosarojj uñt'apjjtwa sapjjewa. Ucatsti luräwinacapampejj janiw uqham uñacht'ayapquiti, jupanacajj uñisirinaca, jan yäkasiñan khoru jakenacäpjjewa, janiraquiw cuna sumsa lurirjamäpquiti.