Lucas 12:7 - Qullan Arunaca

⁷ Ñic'utanacamasa mayat maya jaqhutawa. Janiy ajjsarapjjamtejja; jumanacajj walja jisc'a jamach'inacat sipansa juc'ampi alanïpjjtawa.

Aymar Bibliia 1986

⁷ Ñic'utanacamasa mayat maya jaqhutawa. Janiy ajjsarapjjamtejja; jumanacajj walja jisc'a jamach'inacat sipansa juc'ampi alanïpjjtawa.

Qullan Arunaka DC

⁷ Jumanakan ñik'utamas taqpach jakhutawa. Ukhamax jan axsarapxamti; jumanakax walja jamach'inakat sipansa jila alanïpxtawa.

Lucas 12:7 Jak'a apnaqawi uñst'ayäwi

2 Samuel 14:11

Ucampisa warmejj sascaquïnwa: —¡Nayasti, jach'a rey, achict'assmawa, Tatit Diosatay mayirapita, cawquïri familiajjatejj wawajjar jiwayañ amtqui ucajj jan jiwayañapataqui, mayni wawajjan jiwatapat phoksusa! —sasa. Reyisti saraquïnwa: —¡Nayajj Tatitun sutipjjaruw arssma, janiw wawamarojj qhitis llamct'caniti ni mä ñic'utapas orakerojj jalakcaraquiniti! —sasa.

Job 35:11

qhititejj yatichquistu, amuyt'aycaraquistu animalanac toksa, jan ucajj jamach'inac toksa uca Diosarojja.

Salmos 8:6

take luratanacam apnakañapataquiw catuytajja, take cun uñjañapataquiw catjjaruyaractajja:

Mateo 12:12

Uqhamïpansti, ¡jakejja uca ovejat sipansa juc'ampi munatawa! Uqhamasti waquisipï samarañ urun asqui lurañajja.

Mateo 6:26

Uñtapjjam jamach'inacajj jalasqui uca, janiw jupanacajj satapquis ni apthapipcaraquisa, janiraquiw juyranacsa pirwanacarus imapquiti, ucampis alajjpachanquir Awquimaw ucanacarojj mank'ayi. Uca jamach'inacat sipansa jumanacajj juc'amp munatäpjjtawa.

Lucas 21:18

Ucampis janiw jumanacan ñic'utanacamatjja ni mä ñic'utas chhakcaniti.

Hechos 27:34

Cunanacsay mankt'asipjjam. Waquisiw ch'amañcht'asipjjañamajja khespiyasipjjañamataqui. Janiraquiw maynis jiwcaniti —sasa.

1 Samuel 14:45

Marcasti Saúl reyirojj saraquïnwa: —¡Cunjämaraqui Jonatanasti jiwanisti, jupajjay Israel marcarojj mä jach'a atipjäwi churchistojja! ¡Janiw jiwcaspati! ¡Tatitu laycu, janiw mä ñic'utapas orakerojj jalaktcaniti! Cuntejj jichhüru lurqui ucjja Diosan yanapapampiw luraraqui —sasa. Uqhamatwa marcajj Jonatanarojj jiwañat khespiyäna.