Lucas 12:45 - Qullan Arunaca

⁴⁵ Ucampis uca uywatatejj utanin jayat purisincañap amuychejja, ucatsti yakha warmi chacha uywatanacarus nuwarchejja, ucatsti mank'añaru, umañaru, machantañaru uchasiscchejja,

Aymar Bibliia 1986

⁴⁵ Ucampis uca uywatatejj utanin jayat purisincañap amuychejja, ucatsti yakha warmi chacha uywatanacarus nuwarchejja, ucatsti mank'añaru, umañaru, machantañaru uchasiscchejja,

Qullan Arunaka DC

⁴⁵ Ukampis uka uywatatix utanin jayat purisinkañap amuyaspa, ukat uywat masinakarus nuwaraspa, chachäpasa warmïpasa, ukatsti manq'añaru, umañaru, machantañaru uchasispa,

Lucas 12:45 Jak'a apnaqawi uñst'ayäwi

Job 24:23

“Diosawa jupanacarojj sumaqui jacayasqui, ucampisa sapa chellktäwipwa uñjascaraqui.

Isaías 65:6

Ucampis take ucanacajj naya nayrakatan kellkatawa, janiraquiw ampar khomt'ata kheparcäti; waquisitapwa churaraquëjja,

Jeremías 20:2

Ucatwa jupajj Jeremiasaru nuwjapjjañapataqui qhitäna, cepo sata mä catuntañaru catuntapjjañapataqui, Benjamín sisqui ucsa token Jach'a Puncu tokena, templo jac'ana.

Ezequiel 12:22

“¿Cunsa israelitanacajj sañ munapjje uca säwipampejja: ‘Urunacajj pasjjaquiwa, profetan unañchäwi uñjatanacapasti janiw phokhascaraquiti’ sasajja?

Ezequiel 34:8

Naya Tatituw juramentompi arsta: Take casta kamakenacaw nayan ovejanacajj-jja mank'arawayapjje, uqhamaraqui lunthatsuwayapjje, jan awatirinïpjjatap laycu. Awatirinacajjasti janiw ovejanacajj thakerejj sarapquiti. Awatirinacajj jupanacpachatacwa llaquisipjje, ovejanacajjsti janiw tumpapcaraquiti.

Mateo 22:6

Mayninacasti uca uywatanacarojj catuntasinjja jiwayañcamaw nuwjapjjäna.

Lucas 12:44

Khanacwa sapjjsma, uca uywatarojj utanejj take cunat apnakerit uchani.

Lucas 12:46

ucapachaw utanipajj jan suyquis uca uru cutt'anjjani, jan yatquis uca horasaruraqui; ucat uca uywatarojj jach'a mutuña churani jan iyawsirinacamp chica t'akhesiñapataqui.

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Juan 2:10

Ucatsti saraquïnwa: —Takeniw nayrakat suma vino sirviñ yatipjje, cunapachatejj jawsatanacajj vino umsjjapjje, ucjjaruw jan suma vinöc ucjja umapjje. Ucampis jumajj jichhacamaw suma vinjja imatätajja —sasa.

Hechos 2:18

Qhä urunacanjja take nayar sirvirinacjjaruw Kollan Ajayojj qhitanï. Ucatsti jupanacajj nayjjatwa parlapjjani.

Romanos 16:18

Jupanacasti janiw Cristoru sirvipquiti, jan ucasti jupanacan munañanacaparuquiw sirvisipqui. Juc'a amuyt'asirinacarusti sallkjapjjaraquiwa uqham suma arunacapampi.

2 Corintios 11:20

Ucampis jumanacajj janiw arsusipctati uca ch'amampi sirviyasirinacarojja, jumanacan tucjirinacarusa, jumanacar jisc'achirinacarusa, uqhamarac jumanacar nuwirinacarusa.

Deuteronomio 12:12

Ucatsti mä jach'a cusisiñ uru jumanacajj Tatitu Diosaman nayräjjapana lurapjjäta take wawanacamampi, uywatanacamampi chica, uqhamaraqui jumanac taypin jaquiri levita jakenacampi. Jupanacasti janiw jumanac taypina cuna orakenacsa catokapquiti.

1 Tesalonicenses 5:7

Iquirinacajj arumaw iquipjje, machjasirinacasti arumaw machjasipjjaraqui.

2 Pedro 2:13

wali t'akhesisa mayninacar t'akhesiyapjjatapata. Mä juc'a cusisisajja wali c'uchiquïpcaspas uqhamwa amuyasipjje. Mä p'enka jan waliraquiw jupanacan luratanacapajja. Jumanacampi chica ucanccasinsti cusisipjjaraquiwa jan wali luratanacapampi.

2 Pedro 2:19

“Khespita sarnakasiñ churapjjäma” sapjjewa, ucampis jupanacpachaw juchan esclavopäsipqui, sapakat jakeraquiwa cuna juchampitï atipjayasqui ucan esclavopajja.

Apocalipsis 16:6

Aca jakenacasti jumar catuyat jakenacarojja, uqhamarac profetanacarus jiwarayapjjaraquïnwa. Jichhasti jumajj jupanacarojj wila umayaractajja. ¡Jupanacasti uca mutuñjja catokapjjañapapuniwa!” sasa.

Apocalipsis 18:24

Ucampis uca marcajj Diosat parlirinacarojj jiwarayänwa, uqhamarac take qhitinacatejj Diosancapqui ucanacarus t'akhesiyänwa, uqhamarac take qhitinacatejj aca oraken jiwayatäpcänsa ucanacatsa jupajj juchanïnwa.