Lucas 12:42 - Qullan Arunaca

⁴² Tatitusti sänwa: —¿Qhitirac suma phokheri amuyt'an mayordomosti, qhitirutï utanipajj utapanquirinacar horasapar mank'ayañatac jaytisti?

Aymar Bibliia 1986

⁴² Tatitusti sänwa: —¿Qhitirac suma phokheri amuyt'an mayordomosti, qhitirutï utanipajj utapanquirinacar horasapar mank'ayañatac jaytisti?

Qullan Arunaka DC

⁴² Tatitusti sänwa: “¿Khitirak suma phuqhiri amuyt'an uta yänak apnaqiristi, khitirutix utanipax utapankirinakar wakisitapar manq'añ churañapatak jaytki ukasti?

Lucas 12:42 Jak'a apnaqawi uñst'ayäwi

Éxodo 36:4

Ucat qhitinacatejj uca kollana chekatac cunanacatejj munasqui ucanac lurapcäna ucanacasti lurañanacap apanucuniwayasinjja sarapjjänwa,

Proverbios 12:8

Yatiñan jakejj, yatiñapatjamajja jach'ar aptatäniwa, ucampis jan amuyt'ani ñankha jakejja jisc'achatäniwa.

Proverbios 15:23

¡Cunj asquisa jisct'aru arunac jicjjatañajja, ucat juc'ampisa horasapar jicjjatañajja!

Proverbios 27:18

Qhititejj higo yapu sum uñjqui ucajja, achupatjja mank'asiwa; qhititejj uywiripan yänacapa sum uñjqui ucajja, jach'achatawa.

Proverbios 31:15

Ucatsti wali alwata sartasisinaracwa wawanacaparojj mank'a churi, uqhamarac uywatanacaparusa.

Isaías 50:4

Tatitojj yatichituwa karitanacaru suma arunacampi chuymachañajjataqui. Sapa khantatiw nayarojj sum kont'ayitu, uqhamat suma ist'añajjataqui.

Jeremías 23:4

Awatirinacwa jupanacaru awatiñapataqui uscurapï, jan cunsa ajjsarapjjañapataqui, ni maynisa chhakhañapataqui. Naya Tatituw ucjja arsta.”

Ezequiel 34:3

Jumanacajj leche umt'asipjjtajja, t'awranacatsa isinaca lurasipjjtajja, wali liq'i ovejanacwa qharst'asipjjaractajja, ucampisa janiw oveja tamarojj awatipctati.

Mateo 13:52

Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.

Mateo 20:8

“Niya jayp'öjjän ucqhajj yapunejj yänacap uñjirïquis ucarojj siwa: ‘Jawsam uca irnakerinacaru, ucatsti pagjjam qhititejj khep khepa mantquis ucat kalltasina, qhititejj nayrakat mantquis ucarurac tucuyam’ sasa.

Lucas 12:43

Cusisiñaniw cawquïr uywatarutejj utanejj purinisajj take lurañanacap phokhasquir jicjjatqui uca uywatajja.

Lucas 7:13

Uc uñjasinsti Tatitojj jupatjja qhuyapt'ayasïnwa, ucat saraqui: —Jan jachamti —sasa.

Lucas 7:19

Jupanacarusti Jesusan ucaruw qhiti, chekpachapunit jupäpacha jutañapäcänsa uca Cristojj, jan ucajj yakharuch suyañanacapäsipqui uc yatjjatiri.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

1 Timoteo 3:15

inampis jan janc'a jutquirista, jumajj yatiñamawa Diosan familiapjama cunjäma sarnakañamasa Diosan cheka arunacap catjjäsqui arjjatcaraqui uca iglesiana.

1 Timoteo 5:17

Iglesia sum apnakqui uca jilïrinacajj suma uñjatäñapawa, qhitinacatejj Diosan arunacap parlapqui, uqhamarac yatichapqui ucanacajj yämasa juc'ampi suma uñjatäñapawa.

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Tito 1:7

Qhititejj obispot uchatäqui ucajj Diosan yänacap uñjirit uchatawa, ucatwa waquisi chekap jacañapajja. Janiw jalta chuymäñapäquiti, jan wali chuymanïñapäquisa, machirïñapäquisa, ch'ajjwañ munirïñapäquisa, janiraquiw lunthatasiñampi jicjjatat kollksa munañapäquiti.

Hebreos 13:17

Ist'apjjam irpirinacamarojja, jaysapjjaraquim jupanacarojja; jupanacaw almanacamatjja llaquisipjje, Diosar take jumanacat cuenta churañäqui uc yatisina. Janirac ch'amsa tucuyapjjamti, jan ucasti cunatejj juparojj cusisïyqui uc lurapjjam, jan uqhamäspajja janiw cuna asquïcaspas jumanacataquejja.

Hebreos 13:7

Amtasipjjaraquim qhitinacatejj irpapcäyätam, uqhamarac Diosan arunacapsa parlapcäyätam ucanacatjja. Amuyapjjam cunjämas jacäwinacapajja ucatsti iyawsäwip arcapjjam.

Hebreos 3:5

Uqhamapï, Moisesajj mä suma sirvirjamänjja Diosan utapanjja; jupan lurañapasti cuntejj Diosajj siscani ucanacat parlañänwa.

1 Pedro 4:10

Sapa maynis cunjämtejj Diosat ch'am catokquejj uqhama maynirojj sirvpan, uqhamata take bendiciontï Diosajj churquistu ucajja sum apnakañasataqui.