Lucas 11:18 - Qullan Arunaca

¹⁸ Uqhamaraquipï, Supayatejj jupa pachpa jaljtañaru uchasiscchejja, ¿cunjämrac ch'amani sayt'aspasti? Acsti sapjjsmawa jumanacan: ‘Acajj Beelzebun ch'amapampiw ñankha ajayunacjja alissu’ sapjjatam laycu.

Aymar Bibliia 1986

¹⁸ Uqhamaraquipï, Supayatejj jupa pachpa jaljtañaru uchasiscchejja, ¿cunjämrac ch'amani sayt'aspasti? Acsti sapjjsmawa jumanacan: “Acajj Beelzebun ch'amapampiw ñankha ajayunacjja alissu” sapjjatam laycu.

Qullan Arunaka DC

¹⁸ Ukhamarakipï, supayatix jupa pachpa jaljtaspaxa, ¿kunjämarak ch'aman sayt'aspasti? Aksti jumanakan: ‘Akax Beelzebú supayan ch'amapampiw ñanqha ajayunak alissu’ sapxatam laykuw sapxsma;

Lucas 11:18 Jak'a apnaqawi uñst'ayäwi

Mateo 10:25

Mä yatekerejj chuymachasjjañapawa cunapachatejj yatichiripjamäjje ucajja, uywatasti chuymachasjjañaparaquiwa cunjamäcäntejj uywiripajj uqhamar purisajja. Utanirutejj Beelzebú sas sutichapjjchejja, juc'amp jan walinacwa familiaparojj sapjjanejja.

Mateo 12:26

Uqhamaraquipï, supayatejj jupa quipca supayar alissuspajja, jupas uqham jaljtataraquïspawa, ucatsti ¿cunjämatsa ch'amapajj acht'aspajja?

Mateo 4:10

Ucapachasti Jesusajj sänwa: —Saraket nayat, supaya, Diosan arupansti kellkatawa: ‘Tatitu Diosamaruquiw yupaychäta, jupa saparuquiraquiw sirvïta’ —sasa.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Lucas 11:15

Ucampis yakhepanacajj sapjjänwa: —Aca jakejj Beelzebú sat jilïri supayan ch'amapampiw ñankha ajayunacjja alissu —sasa.