Lucas 1:17 - Qullan Arunaca

¹⁷ Aca Juanasti Tatitun nayrakatap sarani, Elías profetan ajayupat ajayuni, uqhamarac ch'amapat ch'amani, awquinacaru wawanacapampi sumancthapiyañataqui, jan jaysasirinacarusti jaysañ yatekapjjañapataqui. Uqhamatwa jakenacarojj waquichani Tatitur catokapjjañapataqui —sasa.

Aymar Bibliia 1986

¹⁷ Aca Juanasti Tatitun nayrakatap sarani, Elías profetan ajayupat ajayuni, uqhamarac ch'amapat ch'amani, awquinacaru wawanacapampi sumancthapiyañataqui, jan jaysasirinacarusti jaysañ yatekapjjañapataqui. Uqhamatwa jakenacarojj waquichani Tatitur catokapjjañapataqui —sasa.

Qullan Arunaka DC

¹⁷ Jupa, Juanasti Tatitun nayraqatap sarani, Elías profetan ajayupat ajayuni, ch'amapat ch'amaniraki, awkinakar wawanakapampi sumankthapiyañataki, jan jaysasirinakasti jaysañ yatiqapxañapataki. Ukhamat jaqinakar Tatitur katuqapxañapatak wakichani —sasa.

Lucas 1:17 Jak'a apnaqawi uñst'ayäwi

1 Reyes 17:1

Elías profetajj Tisbe sat chekanquirïnwa, Galaad sat orakena, jupasti Acab reyerojj sänwa: “Juramentompiw arsta Israelan Tatit Diosap laycu, qhitirutejj yupaychcta, aca maranacanjja janiw jallojj purcaniti, ni sullasa cunapachatï nayajj siscä ucqhacama” sasa.

1 Reyes 18:18

—Ucjjarusti Eliasajj sänwa —Janiw nayäcti ch'ajjwayirejja, jan ucasti juma, uqhamarac jakenacamawa ch'ajjwayasipquejja Tatitun camachi arunacapa apanucusina, uqhamarac Baal diosan walja lantinacaparu yupaychasina.

1 Reyes 21:20

Acab reyisti Eliasarojj sänwa: —¡Uqhamasti! ¿Juma uñisirejjati nayar jicjjatista? —sasa. Ucjjarusti Eliasajj sänwa —Jïsa, jumarojj jicjjatsmawa. Jumasti jan wali luräwinacacwa Tatitun nayrakatapanjja lurtajja.

2 Reyes 1:16

ucatsti aqham sänwa: —Aqham siwa Tatitojja: ‘Juman qhitanaca qhitasitamata Ecronanquir Baal-zebub sat diosaru jisct'asiri, janis Israel marcanjja Diosajj jisct'asiñataqui utjcaspa uqhama, ucatwa iquiñamatjja jan sartcjjätati, jan ucasti jiwjjätawa’ —sasa.

1 Crónicas 29:18

Abrahamana, Isaacana, uqhamarac Israelan nayra awquinacajjana Tatit Diosapa, utjayapunim marcamana chuymanacapanjja aca suma amtampi churañäqui ucjja, ucatsti chuymanacapjja juma tokeru wayusiyam.

2 Crónicas 29:36

Ucatsti Ezequiasasa, take jakenacasa cusisipjjänwa Diosajj cuntï jakenac laycu lurcäna ucanacata, take ucanacasti mäquiwa lurasïna.

Salmos 10:17

Tatay, jumaw jan yäkat jakenacan mayisitap ist'asctajja, jumaw chuymachasctajja, ch'amañchascaractajja.

Salmos 111:10

Yatiñ cancañan kalltapajj, Tatitur ajjsartañawa, jupar wakaychirinacajj wali amuyt'anïpjjewa; Tatitojj wiñayaw jach'añchatäni.

Salmos 78:8

nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.

Isaías 29:24

Qhitinacatejj mayjt'at sarnakapcän ucanacasti amuyt'asiñ yatekapjjani, khepäjjat parlaquipasirinacasti yatichäwjja yatekjjapjjaraquiniwa.”

Amós 4:12

“Ucatwa, Israel marca, jumampejj uqhamaraqui luräjja, ucsti lurapunïwa, ¡waquicht'asim Diosamampi jiquisiñataqui!”

Mateo 11:14

Jumanacatejj iyawsañ munapjjstajja, Juanasti Elías profetajj jutañapäcäna ucawa.

Mateo 14:4

Juanasti Herodesarojj aqham sataynawa: “Janiw jilaman warmipampi utjasiñamajj waquisctamti” sasa.

Mateo 3:3

Uca Juanatsti Isaías profetajj aqhamwa khanañcharaquïna: “Mayni jaken arupaw wasaran wali jach'ata ist'asi: ‘Tatitun thaquipa asquichapjjam; uca thacsti chekaptayapjjaraquim’ ” sasa.

Mateo 3:4

Uca Juanan isipasti camello t'awrat luratänwa, cinturonapasti mä lip'ichit lurataraquïnwa, t'ijut'ijunacwa mank'erïna, uqhamarac montenquir misq'inacampi.

Lucas 1:16

Israelan wawanacapatjj waljaniruraquiw Tatitu Diosapar cutiquipstayanini.

Lucas 1:76

Jumasti, munat wawa, Tatitun nayrakatap saräta, thac waquichasa, ucatwa alajjpach Diosan profetap satäyätajja,

Juan 1:13

Ucanacasti janiw janchit nacit wawanacjamäquiti, ni jaken munañapat nacit wawanacjamäquisa, jan ucasti Diosat nacit wawanacäpjjewa.

Juan 1:34

Nayaw uñjta, nayaraquiw testigötjja, jupajj Diosan wawapätapa” sasa.

Juan 3:28

Janiw nayajj Cristöcti, jan ucasti jupan nayräjjap qhitanitaquïtwa, jumanac pachpaw ucjj sum arsur ist'apjjestajja.

Hechos 10:33

Ucspachaw nayajj jumar jawsañatac qhitanta. Jumasti jichhajj asquin juttajja. Nanacasti takeniw acancapjjta Diosan nayrakatapana jumar ist'añataqui, take cuntï Tatitojj sisctam ucanac nanacar yatiyañamataqui.

Romanos 9:23

Take acanacsti luriwa jupan jach'a cancañapa utjatap khanañchañataqui. Jiwasampi lurqui ucasti qhuyapayasiñap laycuwa ajllisistu janïr cunanacas utjquipana, jupampi gloriapan chekäñasataqui.

Colosenses 1:12

uqhamata Dios Awquiru yuspagarapjjañamataqui. Juparaquiw jiwasarojj waquichistu ucjja khanan catokañasataqui, cuntï Diosajj jupanquirinacar churcän ucjja.

2 Timoteo 2:21

Jach'a urun apnakatäñataquejja, uqhamarac Tatitur sirviñataquisa, catuyatäñataquisa, take jan walitjja k'omäñapapuniwa; ucqhawa cuna asqui lurañataquis sirvinejja.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.

1 Juan 2:28

Jichhasti wawanaca, mayac Cristompi sayt'apjjam, uqhamat juparu iyawsañampi catokañäni cunapachatejj wastat uñstancani ucqhajja, jupan nayrakatapan jan p'enkachat uñjasipjjañasataqui.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.

1 Samuel 7:5

Ucatsti Samuelojj saraquïnwa: “Take Israel jakenacarojj Mizpa sisqui uca chekar tantacht'apjjam, ucat nayajj jumanacatac Tatitut mayï.”