Lucas 1:15 - Qullan Arunaca

¹⁵ Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Aymar Bibliia 1986

¹⁵ Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Qullan Arunaka DC

¹⁵ aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Lucas 1:15 Jak'a apnaqawi uñst'ayäwi

Génesis 12:2

Wawanacamampisti mä jach'a marca tucuyäma, bendiciraquïmawa, sutimsa jach'aruw aptaraquëjja, mayninacataquisti mä bendicionaraquïyätawa.

Génesis 48:19

Ucampisa awquipajj janiw jayscänti, ucatsti saraquïnwa: —¡Wawa, nayajj yattwa! Jupajj mä jach'a marcaw tucuraquini. Ucampisa sullca jilapaw taket sipana wali aytatänejja, jupat sipansa, wawanacapasti walja marcanac sayt'ayapjjani —sasa.

1 Crónicas 17:8

Cawcqhanjamtï jumajj sarcayäta ucanjja nayaraquiw jumampïscäyäta, juma contra jutir take uñisirinacamarusti tucjaractwa, ucatsti jaken wali aytatäñsa churaracsmawa, cunjämatejj aca oraken wali aytata jakenacajj utjquejja uqhama.

1 Crónicas 29:12

Jumataracwa jutaraqui kamir cancañasa, jach'äñasa. Jumaw take cunsa apnakascta. Ch'amasa, munañanïña cancañasa amparamanquiwa, ucatsti juman amparamancaraquiwa takeniru churañataqui kamir cancaña, uqhamarac munañanïñasa.

Salmos 22:9

Jumaw taycajjan puracapat yuriyista; ñuñupar samart'ayasaw uywasista;

Jeremías 1:5

“Janïra jumar jacaña churcäyäsma ucqhatpachwa ajllïsma; janïra nascäyäta ucqhatpachwa nayajj yakhachäsma; marcanacan profetapäñamataquiw jumarojj uchsma” sasa.

Jeremías 35:6

Jupanacasti ucjjarojj sapjjaraquiwa: “Nanacajj janipuniw vino umapcti, Recab jaken yokapa Jonadab sat nayra awquinacajjaw jaytapjjetu janipuni vino umapjjañajjataqui; janipuniw nanacasa ni wawanacajjasa vino umapcaniti.

Levítico 10:9

“Cunapachatejj jumasa, uqhamarac wawanacamasa Tatitumpi Jiquisiñ Carparu mantañataquïpjjäta ucapachasti janiw vino umapjjätati ni cuna casta p'osktata umañanacsa, ucataraqui jiwarasipcasma. Aca arsüwisti mä leyiwa, wawanacaman wawanacapataqui,

Zacarías 9:15

Take ch'amani Tatitojja jupanquirinacarojj imaraquiniwa. Jupanacasti k'orawt'anita kalanacsa taquichasipjjaraquiniwa, uñisirinacaparusti jiwarayapjjaraquiniwa; wilapsti vinjamaraqui umapjjani, mä jach'a tasar uñtataraquiw phokharapjjanejja, altaranquir wajjranacjamaraqui.

Lucas 1:14

Ucatsti wali cusisitäyätawa, waljaniraquiw jupan nacitapatjja cusisipjjani.

Lucas 7:28

Sapjjsmawa, take jakenac taypinjja janiw utjquiti Bautisir Juanat sipan juc'amp jach'a profetajja; ucampis, Diosan reinopan juc'amp jisc'äqui ucajj jupat sipans juc'amp jach'awa —sasa.

Lucas 7:33

Bautisir Juanaw juti, ucasti janiraquiw t'ant'a mank'cänti, vins umcaraquïnti; jumanacasti: ‘ñankha ajayuniw’ sapjjaractawa.

Juan 5:35

Juanajj mä lamparjamaw jumanacataquejj khanäna, jumanacasti mä juc'a urunacasa cusisiñwa munapjjäyätajj uca khanapanjja.

Hechos 2:4

Jupanacasti sapa mayniw Kollan Ajayumpi phokt'atäpjjäna. Ucatsti yakha arunac parlaña kalltapjjäna, cunjämarutejj Kollan Ajayojj parlaycäna uqhamarjama.

Gálatas 1:15

Ucampis Diosaw nayarojj janïra nascta ucqhatpacha ajllisitu, jach'a munasiñap tokeraquiw jawsitu. Diosajj uqham munasinwa,

Efesios 5:18

Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

Josué 3:7

Ucatsti Diosajj Josué chacharuw parläna aqham sasa: “Jichhürutwa jumarojj juc'ampi amuyt'an jake tucuyäma take aca israelit jakenacan nayrakatapana, ucatsti yatipjjaraquiniw nayajj jumampïscatajja cunjämatï Moisesar yanapcäyät uqhama.

Josué 4:14

Diosasti uca urojj Josué chacharojj wali jach'a jaket uñt'ayäna israelit jakenacampejja, uqhamaraquiw respetayäna cunjämtejj Moisesar lurcäna take sarnakäwipana uqhama.