Levítico 8:7 - Qullan Arunaca

⁷ Ucat Aaronarojj túnica sat isimpiw uchantaraquïna, cinturonampi jiythapisinsti, capampiw isthapiyaraquïna; ucatsti efod isimpiw uscuraqui, ucatsti uca efodjja pachpa cintapampiw wali chint'araquïna.

Aymar Bibliia 1986

⁷ Ucat Aaronarojj túnica sat isimpiw uchantaraquïna, cinturonampi jiythapisinsti, capampiw isthapiyaraquïna; ucatsti efod isimpiw uscuraqui, ucatsti uca efodjja pachpa cintapampiw wali chint'araquïna.

Qullan Arunaka DC

⁷ Ukatsti Aaronarux sacerdote isimpiw isintayäna, mä wak'ampiw wak't'ayarakïna. Ukxarusti túnica sat isimpiw uskuntäna, uka patxarux pectoral sat isimpiw isintayäna, pachpa pectoralan chint'añapampiw uka túnica chint'arakïna.

Levítico 8:7 Jak'a apnaqawi uñst'ayäwi

Éxodo 28:2

Aarón jilamataquejja suma isinaca lurayaraquim, uqhamata suma isthapita jiwaquïñapataqui.

Éxodo 28:4

Aqham isinacwa lurapjjañapajja: Pectoral sata nayräjja pechotaqui lurata, Efod sata jan mangasan jach'a camisa, mä jach'a capa isi, ucasti callachita khepäjj cayucamäñapawa, túnica sat jach'a jan mangasan isi cayucama, ucasti suma bordatäñapawa, mitra sata p'eketaqui mä coronar uñtata, uqhamarac mä cinturona. Uqhama suma isinacwa lurapjjäta Aarón jilamataqui, uqhamarac wawanacapataquisa, uqhamata jupanacajj nayan sacerdotenacajj-jamajj cunsa lurapjjañapataqui.

Éxodo 28:6

“Efod sat jan mangasan jach'a camisasti luratäñapawa korita, azul telata, wila morado telata, wila telata, uca telanacasti lino sat hilo c'anthitat luratäñapawa, uqhamarac suma bordatäñaparaquiwa.

Éxodo 29:5

Sacerdote isinacampiw Aaronarojj isthapiyäta, túnica sat jach'a isimpi, efod sata jach'a capapampi, efod sat isimpi, uqhamarac pectoral sat isimpiraqui. Ucjjarusti efod sat isi catur cinturonampiraquiw chinthapiraquïta.

Isaías 61:10

“¡Tatituncjjasinjja cunjsa cusistjja! Diosajjancatajjatsti cusisiñan phokt'atätwa nayar khespiyatap laycu, atipjañsa churatap laycuraqui. Cunjämatejj mä casarasir waynajj coronap uchasejj uqhamätwa, jan ucajj cunjämatejj mä casarasir tawakojj c'achacht'asejj uqhamätwa.

Isaías 61:3

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Ezequiel 42:14

Cunapachatejj sacerdotenacajj temploru mantapjjäna ucapachasti janiw ankäjja tokenquir uta ankäjjarojj mistunipjjañanacapäquiti, janïra uca utaru cuna isinacampitejj Tatituru sirvipcän uca isinaca isirasisajja, uca isinacasti kollanawa. Cawqhancquitejj jakenacajj ucqhar mistuniñataquisti, yakha isimpiw isthapisinipjjañapa” sasa.

Romanos 13:14

Jan ucasti Jesucristomp isthapt'asipjjam, janiraqui lup'ipjjamti janchin munañapa lurañjja.

Romanos 3:22

Diosajj cunjämattejj jiwasanacarojj asqui jaket catokquistaspan ucajja Jesucristor iyawsatas laycuquiwa, janiraquiw yakha yakhäñajj utjquiti;

Gálatas 3:27

Take jumanacajj Cristompi mayachasiñataqui bautisasipjjta ucanacajja, jupampejj mä isimpi isthapitäpcasmas uqhamäpjjtawa.

1 Samuel 2:28

Israel marcan take tribunacap taypitsti nayan sacerdotenacajjäñapataqui, uqhamarac nayan altarajj-jjaru sacrificionac loktanipjjañapataqui, incienso naqhayapjjañapataqui, uqhamarac efod sat isimpi naya nayrakatan ist'atäpjjañapataqui. Uqhamarus nayrapacha awquinacamarojj take ofrendanactejj israelitanacajj Tatituru churqui ucanacwa churaractjja.