Levítico 5:16 - Qullan Arunaca

¹⁶ Uca jakesti cunatejj Tatitur churatäqui ucanaca jan phokcchïna ucapachasti, cuntejj engañcatayna ucjja yapjjatatwa phokjjañapa. Chicatan chicatapatjja mä juc'a menost'atampi, ucanacsti sacerdoteruraquiw catuyjjañapa. Ucatsti cuna orko ovejatejj sacrificiot loktasqui ucampisti sacerdotejj juchat pampachatäñwa jicjjatani uca jaketaquejja, ucat juchanacapajj perdonatäjjaniwa.

Aymar Bibliia 1986

¹⁶ Uca jakesti cunatejj Tatitur churatäqui ucanaca jan phokcchïna ucapachasti, cuntejj engañcatayna ucjja yapjjatatwa phokjjañapa. Chicatan chicatapatjja mä juc'a menost'atampi, ucanacsti sacerdoteruraquiw catuyjjañapa. Ucatsti cuna orko ovejatejj sacrificiot loktasqui ucampisti sacerdotejj juchat pampachatäñwa jicjjatani uca jaketaquejja, ucat juchanacapajj perdonatäjjaniwa.

Qullan Arunaka DC

¹⁶ Ukatsti uka jaqix kunatix Tatitur luqtat qullana yänakat sallqjkäna ukanakat yapxatat phuqxañapawa. Chikatan chikatapäki uksti, sacerdoteruw katuyxañapa. Ukatsti kuna urqu ovejatix wilañchat luqtaski ukampix sacerdoten juchat pampachatäñ uka jaqitakix jikxatañapa, ukat juchanakapax pampachatäxani.

Levítico 5:16 Jak'a apnaqawi uñst'ayäwi

Salmos 69:4

Ina ch'usat uñisirinacajjajj ñic'utanacajjat juc'amp jilawa; ina ch'usat nayar jaljjatirinacajj ch'aqhanacajjat juc'amp ch'ollkhëpjjewa. Jan lunthatascta ucanac cutiyañajjataquiw wayt'apjjetu.

Éxodo 22:1

“Qhititejj mä vacsa, jan ucajj mä ovejsa lunthatasin qharsuni, jan ucajj aljanisa ucajja pagañapawa vacatjja pheska vacanaca, ovejatsti pusi ovejanaca.

Levítico 22:14

“Maynitejj pantjasisina mä kollana mank'a mank'anejja, ucasti sacerdoterojj uca mank'a cuttayjjañapawa, uqhamarac chicatan chicatapatjja mä juc'a menost'atampwa cuttayjjani,

Levítico 27:13

Uca animalatejj wasitata cutsuyasiña munatäjjani, ucapachasti kawkhtejj sacerdotejj churam siscäna ucarusti chicatan chicatapat mä juc'a menost'atampi churatäjjaraquiniwa.

Levítico 27:15

Ucampisa cawquïritejj utapa Tatitur churcäna ucajj cutsuyasjjaña munani ucasti kawkhatejj churam satäcän ucjjarojja chicatan chicataparu mä juc'a menost'atampi churatäjjaniwa, uca utasti wasitatwa jupancjjaraquini.

Levítico 27:27

Uca loktäwitejj mä k'añu animalänejja, uca animalsti kawkhatejj alapajj tantiyatäqui uqhamarjama cutsuyatäjjaraquiniwa, uca tantiyatjjarusti chicatan chicatapat mä juc'a menosampwa yapjjatapjjäta. Janitejj uca uywajj cuttsuyatäcani ucapachasti nayra alaparu aljatäjjaraquiniwa.

Levítico 27:31

Maynitejj uca tuncat maya churatäcän uca cutsuyasjjañ munani ucapachasti kawkhäquitejj alapajj ucwa churjjañapa, uqhamarusa ucjjarojj chicatan chicatapat mä juc'a menost'ata churaraquini.

Levítico 4:20

jan ucajj uca orko vacampejj cunjämatejj juchat sacrificio mä yakha orko vaca loktapcänjja uca quipcaraquiw loktañapa, uqhamat sacerdotejj jupanacataquejj juchanacap pampachatäña jicjjatani, ucatsti juchanacapajj perdonatäjjaraquiniwa.

Levítico 4:26

Liq'sti takpachwa altarjjaru naqhantayjjaraquini, cunjämatejj sumancthapiñatac loktat liq'jja naqhantayapqui uca quipca, uqhamat sacerdotejj jilïritaquejj juchapat pampachatäña jicjjatañapataqui, juchanacapasti perdonatäjjaraquiniwa.

Levítico 5:10

Payïrimpisti naqhantayatäñatac ofrenda loktjjaraquini, cunjämarutejj satäqui uqhamarjama, uqhamat uca jucha lurir jaketaquejj, juchanacapat pampachasïwi catokañataqui, uca juchasti perdonataraquïniwa.

Levítico 5:13

uqhamat sacerdotejj cuna casta jucha luratanacatsa uca jaketaquejj pampachasïwi jicjjatañapataqui, uca juchapasti perdonatäjjaraquiniwa. Cunjämatejj granonacat ofrendajj loktatacänjja, uca quipcaraquiw ucat jilt'ajja sacerdotetaquëjjani.”

Levítico 5:6

ucatsti jucha luratapatjja mä kachu oveja Tatitur loktani, jan ucajj mä kachu cabräpasa, uca loktäwimpiw sacerdotejj uca jaken juchapataquejj pampachatäña jicjjatani, juchapasti perdonataraquïniwa.

Levítico 7:2

Yatcasina pantjasïwi jucha luratanacat loktat uywasti, cawqhantejj naqhantayatäñataqui loktat uywanacajj qharinucusqui uca chekana qharinucutäñaparaquiwa, wilapampisti patjjata, uqhamaraqui uca pachpa altarar muytata ch'allt'atäñaparaquiwa.

Números 5:7

uca jakesti juchanacapjja arsusiñapawa, uqhamarac cawquïri jakerutejj uca jan wali lurqui ucarojj takpachwa cuttayañapa, ucjjarusti chicatan chicatapat mä juc'a menost'ata yapjjatañaparaquiwa.

Números 5:8

Uqhamaraqui cawquïri ñankha lurat jaketï jiwjje, ucat janiraqui utjcchiti cawquïri jac'a familiapasa uca cuttayañataqui, ucapachajj uca cuttayañajj Tatituruw churatäjjani, uqhamarac sacerdoteru, uqhamaraquiw mä ovejampi churañapa, sacerdoten loktañapataqui, uca jaken juchapat perdón jicjjatañapataqui.

Lucas 19:8

Ucapachaw Zaqueojj sayt'asi, ucat Tatituru saraqui: —Uñtam tata, take cunatejj utjquitu ucatjja pobrenacaruw chicat churjjä; maynirutejj lunthatsta ucarojja, pusi ucqhampiw cuttayjjä —sasa.

Hechos 26:20

Ucatsti, Damasconquirinacaruw nayrakat Tatitun arunacap yatiyta. Ucjjarusti yatiyaractwa Jerusalén marcanquirinacaru, Judea tokenquirinacaru, uqhamarac jan judiöpquis ucanacarusa. Nayajj jupanacarojj sistwa: ‘Jan wali luräwinacamat arrepientisisin Diosar cutiquipstapjjam. Ucatsti asqui luräwinacarac lurapjjam, arrepientisipjjatam uñacht'ayasa’ sasa.

1 Samuel 6:3

Jupanacasti sapjjaraquïnwa: —Jumanacatejj Israelan Diosapan arcapa cutt'ayañ munjjapjjstajja, jan uqhamacjja cutt'ayapjjamti, jan ucasti mä cunsa Tatiturojj churapjjam qhuyapayasiñapataqui. Uqhamatwa jumanacajj c'umarachatäjjapjjäta, amuyapjjaraquïta cunatsa uca jan walt'äwinacajj jutqui —sasa.