Levítico 4:15 - Qullan Arunaca

¹⁵ cawqhantejj take jilïri jakenacajj uca orko vacan p'ekepjjaru amparanacap lokjjatapjjani Tatitun nayrakatapana, ucqharpacharaquiw qharinucupjjani.

Aymar Bibliia 1986

¹⁵ cawqhantejj take jilïri jakenacajj uca orko vacan p'ekepjjaru amparanacap lokjjatapjjani Tatitun nayrakatapana, ucqharpacharaquiw qharinucupjjani.

Qullan Arunaka DC

¹⁵ ukan Tatitun nayraqatapan taqi jilïri jaqinakax uka urqu vacan p'iqipxar amparanakap luqxatapxani, uka pachpanarak kharinukupxani.

Levítico 4:15 Jak'a apnaqawi uñst'ayäwi

2 Crónicas 29:23

Ucatsti juchat ofrenda loktañ cabritonacjja reyin ucaruw apapjjäna, uqhamarac jakenacan nayrakatapana, ucatjja jupanacajj amparanacapwa uca uywanacjjaru uchapjjäna.

Éxodo 24:1

Tatitusti Moisesarojj sänwa: —Nayajj cawqhanctejj ucqharu maqhatanipjjam, juma, Aarón, Nadab, Abiú, uqhamarac israelitanac taypitjja pakallk tunca jilïrinacampi. Ucampis cawqhancctejj ucqharojj janiw jac'achasipjjätati, jan ucasti jaya chekar purisajja ucqharuw quillt'asipjjäta.

Éxodo 24:9

Moisesajj kolluruw maqhatäna Aaronampi, Nadab, Abiú, uqhamarac Israelanquir pakallk tunca jilïri jakenacampi.

Levítico 1:3

“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Levítico 1:4

Amparampi uca uywan p'ekepjjaru lokjjatasa, uqhamat uca uywajj jupa lanti catokatäñapataqui, uca jakesti juchanacapat pampachatäñapataquiraqui.

Levítico 16:21

uca cabriton p'ekepjjaru amparapa lokjjatasasti, israelita jakenacan ñankha luratanacapa, Dios toke sayt'asitanacapa, uqhamaraqui take juchanacapwa arsuraquini, uqhamatwa uca cabriton p'ekepjjaru take juchanacjja apjjatjjani, ucatsti cawquïri jaketejj uca apañataqui ajllitäqui ucaw uca cabritjja wasararu irpjjaraquini antutnucunjjañataqui.

Levítico 4:16

Ucjjarusti jilïri sacerdoteraquiw uca orko vacan mä juc'a wilapa Tatitumpi Jiquisiñ Carparu aparaquini,

Levítico 4:4

Tatitun nayrakataparuw apani Tatitumpi Jiquisiñ Carpar mantañäquis ucqharu; ucanwa amparapa uywan p'ekepjjaru lokjjatani, ucatsti qharinucjjaraquiniwa Tatitun nayrakatapana.

Levítico 8:14

Ucjjarusti Moisesajj cuna orko vacatejj jucha luratata loktascän ucwa irptayaniraquïna, ucatsti Aaronampi, wawanacapampejj uca orko vacan p'ekepjjaruraquiw amparanacapa lokjjatapjjäna.

Levítico 8:18

Moisesasti cuna orko ovejatejj naqhantayaña ofrendata loktañataquïcäna ucwa jac'aru irptayaniraquïna, ucatsti Aaronampi, wawanacapampiw, uca orko ovejan p'ekepjjarojja amparanacapa lokjjatapjjaraquïna.

Levítico 8:22

Ucatsti Moisesajj janc'aquiw yakha orko oveja irptayaniraqui, cawquïritejj sacerdoteta Tatitur catuyasiñataqui uscutäqui uca, ucat Aaronampi, wawanacapampisti uca ovejan p'ekepjjaruw amparanacap lokjjataraquïna.

Números 11:16

Ucampis Tatitojj juparojj sänwa: —Tantacham pakallk tunca israelitanacan jilïriparu, cawquïrinacatejj marcar apnakerjamäqui ucanacaru, ucatsti irpanim Tatitumpi Jiquisiñ Carparu, ucan suyapjjpan jumamp chica.

Números 11:25

Ucatsti Tatitu Diosajj kenayanjam sarakanisinjja, Moisesampiw parläna; ucapachasti Moisesan chicat ajayup catusinjja, uca pakallk tunca jilïrinacaruw churäna. Cunapachatejj ajayojj jupanac patjjaru purïn ucqhajj profetanacjamaw parlapjjäna, ucampis janiw mayampsa uqhamjja parlapcjjänti.

Números 8:10

Ucatsti levitanacarojj nayan nayrakatajjaruw uñstayitäta, ucat israelitanacajj jupanacaru amparanacapampi p'ekepjjaru lokjjatapjjaraquini.

Números 8:12

Ucatsti levitanacajj vaca kallun p'ekeparuw amparanacapampi lokjjatapjjani, ucapachasti mä vaca kalluw juchanacat sacrificio loktatäni, maynïristi levitanacar k'omachañataqui naqhantayasina loktataraquïniwa.