Levítico 27:9 - Qullan Arunaca

⁹ “Uywanac toketsti cawquïri uywanacatejj Tatituru loktatäcani ucanacasti Tatitutaquipunïniwa,

Aymar Bibliia 1986

⁹ “Uywanac toketsti cawquïri uywanacatejj Tatituru loktatäcani ucanacasti Tatitutaquipunïniwa,

Qullan Arunaka DC

⁹ “Uywanak tuqitsti kawkïrinakatix Tatitur luqtatäkani ukanakax Tatitutakipunïniwa,

Levítico 27:9 Jak'a apnaqawi uñst'ayäwi

Proverbios 20:25

Janiwa walïquiti jakena mäqui Diosar mä cuna churañataqui arsutapajja, uca arsutapatjja mayjaracwa kheparojj amtjje.

Eclesiastés 5:6

Jan munamti lacama jumar juch lurayañapjja, ucatsti Diosan qhitanitaparu jan sañamataqui: “Pantjastwa” sasa. ¿Cunatsa Diosarojj parlatamampisa colerayäta, lurctas ucanacsa tucjayaraquïtajja?

Ezequiel 48:14

Ucatsti aca marcataquejj take chekat sipansa juc'ampi sumaraquïniwa. Uca orakesti janipuniw aljascaniti, trocascaraquinisa, janiraquiw yakharus churatäcaraquiniti, jan ucasti Tatitutaqui satapunïniwa.

Levítico 27:10

janiraquiw yakha uywanacampi trocaquipatäcaspati, uca uywajj juc'ampi sumäscpasa jan ucajj juc'ampi jan walïscpasa. Cunapachatejj trocaña utjapunini ucapachasti uca uywasa, uqhamarac cawquïritejj trocañataqui uscutäqui ucasa Tatituru loktatäjjapuniniwa.

Levítico 27:8

Cawquïri jaketejj arsüwipa phokhañataqui churaña muncani, ucat uca jakejj pobreraquïni, ucasti sacerdoten nayräjjaparu irpatäniwa, uqhamat sacerdotejj kawkhatejj churañapäqui uca sañapataqui, cunjämäquitejj uca churiri jakejj uqhamarjama.

Levítico 5:15

“Mayni jaketejj jan muncasina jucha luranejja, ucatsti, Tatitur loktat yänacata engañatapajj uñstani ucapachasti, tamanacapatjja mä orko oveja wayokaniraquini ucasti c'umara jan cuna camacht'atäñaparaquiwa, ucat jucha luratapat sacrificio loktaraquini, Tatitun ucar apasa. Uca orko ovejan alapasti kawkhäquitejj santuarion kollkepajj ucarjamaw chaniñchasiñaparaqui, cunjämatejj jucha luräwit ofrenda loktañajj waquisqui uqhamarjama.

Mateo 15:5

Ucampis jumanacajj sapjjtawa: ‘Mayni jakejja awquiparojj saspawa jan ucajj taycaparusa: —Janiw yanapquirismati, take cunatejj utjquitu ucjja Diosaruw churjjta —sasa.