Levítico 26:41 - Qullan Arunaca

⁴¹ nayasti jumanaca contraw sayt'araquëjja ucatsti uñisirinacaman marcaparuw apapjjaraquïma; ucanwa jan Diosar uñt'iri amuyunacamajj jisc'achata uñjasini, juchanacapatsa mutuyäwi catokapjjaraquini.

Aymar Bibliia 1986

⁴¹ nayasti jumanaca contraw sayt'araquëjja ucatsti uñisirinacaman marcaparuw apapjjaraquïma; ucanwa jan Diosar uñt'iri amuyunacamajj jisc'achata uñjasini, juchanacapatsa mutuyäwi catokapjjaraquini.

Qullan Arunaka DC

⁴¹ nayasti jumanakar jan walt'ayañatakiw uñisirinakaman markapar apayapxäma; ukan Diosar jan uñt'ir amuyumax jisk'achat uñjasini, juchanakamatsa mutuyatäpxarakïtawa.

Levítico 26:41 Jak'a apnaqawi uñst'ayäwi

1 Reyes 21:29

“¿Uñjtati cunjämsa Acab reyejj nayan nayrakatajjan jisc'ar tucujja? Ucampis nayan nayrakatajjan jisc'ar tucutapatjja, janiw familiapjjarojj jan walt'añjja apayancäti jupan jacañapcama, jan ucasti wawapan jacañapanwa ucjja apayanëjja” sasa.

2 Crónicas 12:12

Uqhamawa Roboam reyin jisc'ar tucutapata, Tatitun jupa toke colerasiñapajj t'acjjäna, ucatsti janiw take tucjcänti. Ucanacasa utjcchïna ucasa Judá orakenjja asqui luräwinacajja utjaraquïnwa.

2 Crónicas 32:26

Ucampis Ezequiasajj jach'a jach'a tuccasinsa jupajj jisc'aruw tucüna Diosan nayrakatapana, uca pachparaquiw Jerusalenanquir jakenacasa lurapjjaraquïna. Ucatsti Tatitojj Ezequiasan jacäwipanjja janiw colerasiñapjja jupanacjjaru apayancänti.

2 Crónicas 33:19

Jupan oración luratapasa, uqhamarac catokatapasa, jucha luratanacapatsa, jan sum saratanacapatsa, cawqhanacarutejj yakha diosanacataqui santuario utanaca luraycäna ucanacatsa, Asera diosanaca uchayatapatsa, uqhamarac diosanac uchayatapatsa janïra Diosapatac jisc'ar tuct'cäna ucqha, profetanacapan sarnakäwipar kellkatawa.

2 Crónicas 33:23

Ucampis jupajj janiw Tatitun nayrakatapana jisc'ar tuct'cänti Manasés awquipjama, jan ucasti juc'ampiw juch luräna.

Esdras 9:13

“Nanacana ñankha luräwinacajja, uqhamarac wali jucha luratanacajj laycusa take cunanacasa pasapjjchitu, ucatsti Diosajj janisa juchanacajjatjama mutuyapcchitu ucasa, jan ucasti samarata sarnakasiñwa churapjjetu;

Esdras 9:15

“Israelan Tatitu Diosapa, jumajj nanacampejja chekapwa lurtajja; jumaraquiwa wact'ayaracta nanac taypita mä tama khespiyasina jacañapsa, cunjämatï jichhürojj uñjapjjta uqhama. Nanacasti chekpachanwa juma nayrakatana juchanïpjjta, ucatwa jan juman nayrakatamancapquiristi.”

Nehemías 9:33

Ucampis jumajj chekapätawa take cunanacatejj nanacjjaru jutcäna ucanacatjja; jumajja take phokhañamampiwa phokhäyätajja, ucampis nanacajja cunatejj jan walïqui ucwa lurapjjäyäta.

Salmos 39:9

“Nayasti amutuw tucta, janiw lacajj jist'arcti, juman take cun sarayascatam yatta.

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Jeremías 4:4

Judá uqhamaraqui Jerusalén marcan utjir jakenaca, jumanacajj circuncidasipjjam, ucatsti nayarojj Tatitut uñt'asipjjaraquita, chuymanacamarusti cuna arust'äwitejj utjqui uca unañchäwinac uscusipjjam; uqhamata ñankha luratanacam laycojj jan colerasiñajjajj ninjam aktascañapataqui, ucsti janiraquiw qhitis jiwaraycaraquispati.

Jeremías 6:10

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Ezequiel 14:23

Cunjämtejj jupanacajj sarnakapcatayna, cunanactejj lurapcatayna ucanac yatisasti chuymachasipjjaraquïtawa. Ucapachaw jumanacajj amuyapjjäta, cuna mutuyäwinactejj Jerusalén marcjjaru apayancta ucanacjjatjja waquisirïtapa. Naya Tatituw ucanacjja arsta.”

Ezequiel 20:43

Ucanwa jumanacajj amtasipjjäta cuna jan wali luräwinacamampitejj uca orakejj taquisitäcän ucjja, jumanacpachatwa ajjtasipjjaraquïta uqhama ñankhanaca lurapjjatamatjja.

Ezequiel 44:7

Jumanacan uca yakha marcanacanquiri jakenaca templojjaru irpantasajj nayarojj taquisipjjestawa, cawquïri jakenacatejj jan nayan unañchajja apapqui amuyunacapansa, janchinacapansa; nayarusti liq'inaca, wilanaca sacrificiot loktasaw taquisipjjetu, nayampi arust'äwejj utjcän ucanacsti ajjtascaña luräwinac lurasaw taquisipjjaraqui.

Ezequiel 44:9

“Ucatpï naya, Tatitojj, sistjja: Janiw qhiti yakha marcanquiri jakes nayan templojjaru mantapcaniti, cawquïrinacatejj amtäwipansa janchipansa jan uca unañcha apquiti ucanacajja, cawquïri yakha marcanquiri jakenacatejj israelitanac taypin jacqui ucasa.

Ezequiel 6:9

Uca jilt'irinacasti, uca jaya marcanacanjja nayatwa amtasipjjaraquini; cunjämtejj nayajj jupanacaru t'akhesiycäyätjja, jan nayaru take chuymampi arcapjjatapata, uqhamaraqui nayatsa jayarst'awayapjjatapata yakha diosanacar yupaychañ laycojja, take ucanacwa amtasipjjani. Jupanacasti take ñankha luräwinacapa amthapisisajja, jupanacpachaw ajjtasipjjani, take uca ajjtascaña luräwinacapatsa.

Levítico 26:24

ucapachasti nayajj jumanac contraw sartaraquï, ucatsti jucha luratanacamatjja pakallko ucqhampwa mutuyapjjaraquïma.

Levítico 26:28

nayajj jumanac contraw sayt'araquëjja, jumanacataquisti colerasiraquïwa, jucha luratanacamatsti pakallko ucqhampwa mutuyapjjaraquïma.

Números 5:7

uca jakesti juchanacapjja arsusiñapawa, uqhamarac cawquïri jakerutejj uca jan wali lurqui ucarojj takpachwa cuttayañapa, ucjjarusti chicatan chicatapat mä juc'a menost'ata yapjjatañaparaquiwa.

Mateo 23:12

Qhititejj jach'a jach'a tucchi ucajj jisc'achatäniwa, ucampis qhititejj jisc'achatächi ucajja jach'añchatäniwa.

Lucas 14:11

Qhititejj jach'a jach'a tucu ucajja, jisc'ar tucuyatäniwa, ucampis jisc'ar tucurïqui ucasti jach'ar tucuyatäniwa.”

Lucas 18:14

Sapjjsmawa, aca impuesto cobririw Diosan perdonata utaparojj cuttawayjjäna; fariseosti janiwa. Qhititejj jach'a jach'a tucqui ucajja, jisc'ar tucuyatäniwa, jisc'ar tucqui ucasti jach'ar aptatäniwa.”

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Deuteronomio 10:16

“Jumanacan chuymanacamarojj suma arust'äwiru mantatäquis uca arunaca uchapjjaraquim, jan juc'ampi chuymanacam kalarayasipjjamti.

Deuteronomio 30:6

Tatituw jumanacan chuymanacamaru uca suma arust'äwin chimpu uchapjjätam, uqhamarac khepa wawanacamarusa, jumanacan take chuymampi, almamampi munapjjañamataqui, uqhamat walja maranac jacapjjañamataqui.

Deuteronomio 31:21

Ucat sipansa cunapachatï jupanacjjaru wali jan walt'añanaca, llaquinaca jutcani, ucapachasti aca arsüwinacajj jupanacataqui mä khanañchäwïniwa khepa wawanacapasti takwa amtapjjani uqhamaraquiwa k'ochupjjani, ucampis janïra cawquïri oraktejj churcta ucar puriycasaw nayajj yatta cawcsarus chuymanacapajj wayusini ucjja” sasa.

Filipenses 3:3

Cheka circuncidatanacajj jiwasanacätanwa, qhitinacatejj Diosarojj Ajayun yupaychapctan ucanaca. Cristo Jesusancjjasinjja cusisiractanwa, cuntejj janchin lurasqui ucanacarojj janiraquiw iyawscjjtanti.

Colosenses 2:11

Jumanacasti Cristompi mayaquïpjjatamatjja circuncidatäpjjtawa, ucampis janiw cuna casta circuncisionatï janchin lurasqui ucampiti, jan ucasti cuna jucha lurañanacatejj janchin utjcän ucanacat khespiyatäjjapjjtawa. Aca circuncisionasti Cristotwa juti.