Levítico 26:31 - Qullan Arunaca

³¹ jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Aymar Bibliia 1986

³¹ jumanacan marcanacamsti, uqhamarac kollana chekanacamsa t'unjaraquïwa; uqhamarac cuntejj jumanacajj nayaru loktanipquitäta ucanacatsti janiw juc'ampi cusiscjjaraquïti.

Qullan Arunaka DC

³¹ jumanakan markanakama, yaqha diosanakar yupaychañ utanakamsa t'unjarakïwa; kuntix jumanakax nayar luqtanipkitäta ukanakan q'aphinakapsa janiw katuqapkämati.

Levítico 26:31 Jak'a apnaqawi uñst'ayäwi

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

2 Reyes 22:19

chuymaman llaquisitamata, nayarusa jutatamata arsutanacajja ist'asina aca orake contra, uqhamarac take utjirinacap contraraqui, tucjatäñapataqui, maldicitäñaparaqui. Ucatsti isima ch'iyanokasitamata, uqhamarac nayan nayrakatajjana jachatamatsa, nayajj jumarojj ist'smawa. Naya Tatituwa ucjja sisma.

2 Crónicas 36:19

Ucjjarusti Diosan templopjja phichhantapjjänwa, Jerusalenan perkanacapsa tincjayapjjänwa, palacionacaparusa ninampiw phichhantapjjäna, ucatsti takwa tucjapjjäna cunatejj wali jila alanïcänsa ucana.

Nehemías 1:3

Ucatsti jupanacajj sapjjetuwa: “Qhitinacatejj jaya marcar apatäñata jaltapqui ucanacasti, pachpancasipquiwa, jupanacasti sinti jan walt'añanwa jicjjatasipjje, uqhamaraqui wali t'akhesiyatäpjjewa. Jerusalén marcan perkanacapasti tucjataraquiwa, uqhamaraqui puncunacapasa ninampi naqhantayataraqui” sasa.

Nehemías 2:17

Ucatsti nayajj sistwa: —Jumanacajj asquiwa yatipjjtajja jiwasanacana jan walt'añana jicjjatasipjjatasjja, Jerusalenasti sinti tucjatawa, uqhamarac puncunacapasa. Jumanacasti nayampi chicajja mayacht'asipjjam Jerusalenan perkanacapa wastata sayt'ayañataqui, jan jiwasata larusipjjañapataqui —sasa.

Nehemías 2:3

reyirojj ucat sistwa: —¡Wiñayataqui reyejj jacpan! ¿Camisarac jan llaquitäyästi cawqhantejja awquinacajjana janchinacapajja imantatäqui uca marcan tucjatätapata, uqhamaraqui puncunacapasa ninampi naqhantayatätapatsti? —sasa.

Isaías 1:7

Orakepasti wasararu tucuyatawa, marcanacasti ninan naqhantataraquiwa. Jumanacan nayrakatamanaracwa uñisirinacamas yapuchatanacamjja mank'apjje. Take cunsa wasararu tucuyatwa apanucuwayapjje. Cunapachatejj Sodoma marcajj t'unjatäcän uqhama.

Isaías 6:11

Nayasti jisct'aractwa: —¿Cunapachcamaraquïni ucasti, Tata? —sasa. Jupasti saraquituwa: —Cunapachatejj marcanacajj k'ala t'unjatäni, uca marcanacansti janiraqui mä jakes utjcaniti ucqhacamäniwa. Utanacas jan jakeni uñjasini, pampanacas ch'usa wasarar tucuyata,

Isaías 63:18

¡Cunja juc'a maranacaquis kollana marcamajj orakepatjja ‘orakejjaw’ sapjjänjja! Uñisirinacajjaraquiw templomjja taquisipjje.

Isaías 64:9

Tata, janiquiy juc'ampi colerasjjamti, ñankha lurapjjatanacajjatsa janiquiy amtasjjamti. ¡Uñtanipjjeta, nanacajj marcamäpjjtwa!

Isaías 66:3

Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.

Jeremías 22:5

Ucampisa, janitejj aca arunacaru ist'apcäta ucapachajja, aca palaciojj t'unjataw uñjasini. Naya Tatituw ucjja arsta.’ ”

Jeremías 26:6

uqhamasti nayajj aca templorojj cunjämtejj Silo chekanquir templorojj lurctjja uqhamracwa jichhajj luräjja. Aca marcarusti mä uñtascaña maldeciraquï, take acapachanquiri marcanacataquejja.’ ”

Jeremías 26:9

¿Cunjämsa jumajj parltajja Tatitun sutipjjaru, aca templojj cunjämatejj Silo chekanquir templojj t'unjatäcän uqhamaraquïniwa, uqhamaraqui aca marcasa t'unjataraquïniwa jan mä sapa jakeniraquiw kheparani sasajja?” sasa. Ucatsti take jakenacaw templonjja Jeremiasaru muyuntasin catuntapjjäna.

Jeremías 4:26

Uñatatasta, ucatsti jardinanac uñtta, ucanacasti wasararu tucuyatäpjjaraquïnwa, take marcanacasti k'ala t'unjatäpjjänwa. Take acanacsti Tatitun jach'a colerasiñapaw uqham luratayna.

Jeremías 4:27

Tatitojj siwa: “Take aca orakpachaw tucjatäni, ucampis janiw k'ala tucjcaraquïti.

Jeremías 4:7

Leonajj niyaw putupat mistuni; marcanac tucjiristi niyaw jutanti; marcapatwa mistuniwayi, marcama t'unjañataqui, wasara, k'ala t'unjatwa marcanacamjja tucuyani.

Jeremías 44:2

“Israelan take ch'amani Diosapasti siwa: ‘Jumanacajj uñjapjjtawa cuna casta t'akhesiñanactejj Jerusalén marcjjaru uqhamaraqui Judá orakenquiri yakha marcanacjjaru apayancta take ucanacjja. Jichhajj uca marcanacajj k'ala aynacht'atawa, janiraquiw qhitis uca marcanacanjja jaccjjeti,

Jeremías 44:6

Ucatwa colerasiñajjampi khoruchasiñajjampi aktänjja, ucatsti ninjamaraquiw Judá orakenquir marcanacan naqharaquïnjja, uqhamaraqui Jerusalén callenacansa. Take ucanacasti jichhürcama tucjataraquiwa, wasararu tucuyataraquiw uñjasipjje.

Jeremías 52:13

Ninampiw templo phichhantaraquïna, reyin palaciopsa, uqhamarac marcan take utanacsa, nayrakatjja jach'a jilïri jakenacan utanacapjja k'alwa naqhantayaraquïna.

Jeremías 9:11

“Jerusalén marcarojj mä kala chhajjwaruw tucuyä; kamakenacan putunacaparuw tucuyaraquï; Judá oraken marcanacsti mä wasararuw tucuyaraquï; jan jakeniw kheparjjapjjaraquini.”

Lamentaciones 1:1

¡Walja jakenacani marcajj cunja sapaquis uñjasjje! Marcanacan jilïripa marcajja mä ijma warmir uñtataquëjjewa. Ch'ama irnacañanacampi t'akhesiyataw jichhajj uñjasi, uñtcañ suma marcajja.

Lamentaciones 1:10

Uñisirinacaw Jerusalén marcan kamir cancañapjja catuntasjjapjje. Marcasti, jan Diosar uñt'ir jakenacan ch'amampi templor mantirwa uñjaraqui. ¡Cawquïri jakenacarutejj jumajj ‘Janiw nayan utajjar mantapjjätati’ siscta ucanacaw mantapjje!

Lamentaciones 2:6

Kollana chekawjarusti, mä lunthatjamaw t'unjawayi, tantachasiñ chekawjsti k'alwa t'unjawayaraqui. Tatitusti Sión marcanjja, samarañ urunacatsa fiesta urunacatsa armasiyaraquistuwa. Akquiri colerasiñapansti sacerdoterusa, reyirusa apanucuwa.

Lamentaciones 2:7

Tatitojj altarapjja apanucuwa, kollan utapsa jisc'acharaquiwa. Marcaru imiri jach'a perkanacsa uñisirinacan amparaparuw catuyaraqui. ¡Tatitun utapansti jakenacan arnakasitapaquiw ist'asi, mä fiesta urücaspasa uqhama!

Ezequiel 12:20

Take marcanacasti, cawquïrinacantejj jakenacajj jacapqui ucanacasti t'unjatäniwa; aca marcasti wasararu tucuyataraquïniwa. Ucapachaw jumanacajj yatipjjäta nayan Tatitütajja’ ” sasa.

Ezequiel 21:15

Take utanacaparuwa uca jiwarayir espadjja uscuracta, llijullijunac sarayañataqui suma llijquir kaksut espadawa, jiwarayañataqui afilata espadawa.

Ezequiel 21:7

Ucattejj jumaru jisct'apjjätam: ‘¿Cunatsa jachta?’ sasajja, jupanacarojj saraquim: ‘Mä jan wali lurasïwin lurasiñapa yatta, ucatwa jachta’ sas saraquim. ‘Take jakenacasti jan ch'amanjamaw uñjasipjjani, jan cunsa lurirjamaraqui; janiw qhitinsa ch'amajj utjcaniti, takenis ajjsarañatjja konkorinacapa qhathatiyapjjaraquini. Horasajj niyaw purinjje, ucanacan kalltasiñapasti niya jac'ancjjewa’ Naya Tatituw ucjja arsta” sasa.

Ezequiel 24:21

‘Israel marcarojj parlam: Aqham siw Tatitojja: Nayasti templojj-jja taquisiraquïwa, jumanacasti uca templorojj wali munapjjtajja, wali uñch'uquipjjaractajja, uca templosti jumanacataquejj jach'a jach'a tucuñaraquiwa, jumanacan ch'amanacamaraquiwa; yokall wawanacama, imill wawanacama Jerusalén marcaru jaytanipctas ucanacajj jiwarayatäpjjaniwa.’

Ezequiel 6:6

Cawquïri marcanacantejj jumanacajj jacapcta uca marcanacasti takpachaw t'unjatäni, yakha diosanacar yupaychañ altaranacamasa k'ala t'unjatäniwa. Altaranacamajj k'ala t'unjatapunïniwa, diosanacapas jisc'a jisc'a tucjataraquïniwa; incienso loktasiña altaranacapas pampa tucuyataraquïniwa, take cuntejj jumanacajj lurapcta ucanacasti k'ala chhaktayatäniwa.

Daniel (hebreo) 2:46

Uqhamasti Nabucodonosor reyejj Daniel waynan nayrakataparuw quillt'asïna, p'ekepajj orakeru puriñcama, ucatsti sacrificionaca uqhamaraqui inciensonaca loktayañataquiw arsuraquïna.

Amós 7:9

Isaacan alto kollunacapasti tucjatäniwa, Israelan templonacapas t'unjataraquïniwa. ¡Nayasti Jeroboaman utap contraw espada aptaraquï!

Miqueas 3:12

Ucatpï Diosan Jerusalén marcapajj jumanacan juchanacam laycu khollinokata uñjasinejja, mayjaru willthapitaraqui, templojj cawqhancquitejj uca kollus koran korantataw uñjasini.”

Sofonías 3:6

Tatitu Diosajj siwa: “Marcanacap t'unjta, perkanacapan jach'a torrenacapsa pampacharactwa, callenacapsa wasara tucuyaracta, jan mä jakes sarnakañapataqui. ¡Uca sapa jakonucut marcanjja janiraquiwa mä jakes utjcjjeti!

Lucas 21:24

Yakhepanacajj guerran jiwarayatäpjjaniwa, mayninacasti take marcanacaruw preso apatäpjjani; yakha marcat jutirinacaw Jerusalén marcjja tacsupjjani, cunapachcamatï uc lurañataquejj tiempojj churatäqui uca horascama.

Hechos 6:14

Ucjjarusti ist'apjjaractwa aqham parliri: ‘Uca Nazaretanquir Jesusajj aca templjja t'unjaniwa, uqhamarac cuntejj Moisesajj jaytawayquistu uca luräwinacsa mayjt'ayaraquiniwa’ sasa.

Hebreos 10:26

Cunatejj chekäqui uca aru yatcasina juchachasiscaquiñäni ucajja, janiw juc'amp sacrificiojj utjcjjeti juchanacasatjja.