Levítico 26:30 - Qullan Arunaca

³⁰ Nayaw jumanacan yakha diosanacaru yupaychaña altaranacamjja t'unjaraquëjja, uqhamarac uca incienso loktasiña altaranacamsa payaruw t'unjaraquëjja, jumanacan jiwat janchinacamsti yakha diosanacaman jiwat janchipjjaruw liwjjataraquëjja, nayan jumanacar ajjtasitajjwa uñacht'ayapjjaraquïma,

Aymar Bibliia 1986

³⁰ Nayaw jumanacan yakha diosanacaru yupaychaña altaranacamjja t'unjaraquëjja, uqhamarac uca incienso loktasiña altaranacamsa payaruw t'unjaraquëjja, jumanacan jiwat janchinacamsti yakha diosanacaman jiwat janchipjjaruw liwjjataraquëjja, nayan jumanacar ajjtasitajjwa uñacht'ayapjjaraquïma,

Qullan Arunaka DC

³⁰ Nayaw jumanakan yaqha diosanakar yupaychañ altaranakam t'unthapï, incienso luqtañ altaranakamsa payaruw jaljtayä, jumanakan jiwat janchinakamsti diosanakam patxaruw liwxatä, ukatsti nayan jumanakar axtasitax uñacht'ayapxarakïma,

Levítico 26:30 Jak'a apnaqawi uñst'ayäwi

Génesis 19:13

aca marcsti t'unjapjjäwa. Sintipunëjjewa Tatitu contra jucha luratanacapajja, ucatwa aca marcar t'unjañataqui qhitanipjjetu —sasa.

1 Reyes 13:2

Ucatjja Tatitun munañapatwa jach'a arumpi altar toke parläna, aqham sasa: “Altar, altar: Tatitojj aqham siwa: ‘Davidan familiapatwa mä wawajj yurini, ucasti Josías satäniwa, ucatsti juma patjjanjja yakha diosanacan santuario utanacapan sacerdotenacaparuwa sacrificiota loktani, qhitinacatejj jumjjaru incienso nact'ayapqui ucanacaru; ucatsti juma patjjarojja jakenacan ch'aqhanacapwa naqhantayapjjani’ ” sasa.

1 Reyes 13:32

nayajj iyawstwa cuntejj jupajj khanañchawayqui Tatitun munañapata Betel chekanquir altar contra, uqhamarac Samarian take marcanacapana utjqui c'ari diosanacapan santuario utanacapa uca contraraqui” sasa.

2 Reyes 23:16

Cunapachatï Josías reyejj cutt'anjjäna ucqhajja, uñjänwa pachpa kollu patan sepulcronaca, uca sepulcronacatjj apsuyänwa ch'aqhanaca, ucatjja altaranwa naqhantayäna taquichasiña amuyumpi. Uqhamawa Tatitun arupajj phokhasïna, cuntejj profetajj uca toketa arscäna ucajja.

2 Reyes 23:20

Ucatjja uca diosanacan santuario utanacapan sacerdotenacajj utjcäna ucanacarusti altar patjjanwa jiwarayäna; ucatjja uca patjjarojja take ch'aqhanacwa naqhantayäna. Ucatsti Jerusalén marcaruw cutt'anjjäna.

2 Reyes 23:8

Ucatjja Judá marcanacanquiri take sacerdotenacaruwa jawsayäna, ucatsti uca diosanacan take santuario utanacapjja taquichasipjjänwa, Geba chekata Beerseba chekcama, cawqhantejj uca sacerdotenacajj incienso naqhayapcäna ucqhana, ucatjja supayanacan altaranacapjja tucjänwa, marca apnaker Josué gobernadoran puncupanccäna uca, ucasti marca mantañancänwa ch'eka tokena.

2 Crónicas 23:17

Ucatjja Baal diosan temploparu sarasinjja tucjapjjänwa, altaranacapa allthapisa, uqhamarac diosanacapsa. Baal diosan Matán sacerdoteparusti altaranac patjjaruwa qharinucupjjäna.

2 Crónicas 31:1

Take ucanaca tucuyatatjja, take israelitanacajj ucancapcäna ucanacasti sarjjapjjänwa Judá orakenquir marcanacaru, jupanacajj jisc'a jisc'wa tucjapjjäna ajjsarata kalanaca, Asera diosan lantinacapsa p'acjapjjänwa, uqhamarac diosanacan santuariopsa allthapipjjäna, take ucanaca tucjacama Judá, Benjamín orakenacana, uqhamarac Efraín, Manasés orakenacansa. Ucatwa israelitanacajj cutt'jjapjjäna marcanacaparcama, sapa maynisa orakeparcama.

Salmos 106:40

Tatitun k'apisiñapajj marcapataquiw nactäna, jupanquirinacarojj uñisïnwa;

Salmos 89:38

Jumasti ajllit reyirojj jakonuctawa, jisc'acharactawa; jupampejj jachjayastawa.

Isaías 27:9

Ucampis Jacobon juchanacapjja pampachiwa, aca amtäwimpiraquiw juchanacapsa pichararaquini. Take c'ari diosanacapan altaranacapjja pampa saraypan, ñut'jaracpan k'atawi kaläcaspas uqhama, janirac ni mä kollana troncos kheparpati, janiraqui incienso loktasiñ altaranacas utjpati diosanacapataquejja.

Jeremías 14:19

Tata, ¿Judá marcarojj k'alpunti apanucjjta? ¿Sión marcampisa karitäjjaractati? ¿Cunataraqui uqham jan kollkaña chhojjriñchjapjjestasti? Nanacajj sum sarnakañwa suyt'asipcäyäta, ucampis jan walt'añaquiw purinipjjetu. C'umara sarnakasiñwa suyt'asipcäyäta, ucampis jichhajj sustjasiñaquiw utj-jje.

Jeremías 16:18

Nayrakatajj mä ucqhampi jupanacarojj pagayaraquï ñankhanaca, uqhamaraqui juchanaca luratapatsa, uca ajjtascaña jiwata diosanacapampisti aca nayan suma orakejjwa k'añuchapjjänjja, cawquïri oraktejj jupanacaru mä herenciatjama churcta ucaru. Uca orakensti nayajj ajjtascta ucanacwa lurapjjänjja.”

Ezequiel 16:39

Jupanacan amparaparuw catuyaraquïma, uqhamat jupanacajj juch luraña, yakha diosanacar yupaychaña chekanacam t'unjapjjañanacapataqui. Isinacamsa uqhamaraqui uca suma c'achachasitanacamsa wiqharapjjaraquïtamwa, ucatsti k'alalpacha sayt'ayapjjaraquïtam.

Ezequiel 43:7

aqham sasa: “Aca chekajj nayan tronojjawa, cawqharutejj cayunacajjajj tact'qui uca chekawa; aca chekanwa nayajj israelitanac taypin wiñayataqui jacaraquëjja. Janipuniw jupanacasa, reyinacapasa nayan kollan sutejja juc'ampi jisc'achaycjjapjjaniti, uqham jan take chuyma nayaru arcatanacapampejja, cunjämatejj reyinacapar amtañataqui lantinacapa lurasipjjänjja uqhama, cunapachatejj uca reyinacapajj jiwarjjapjjän ucapacha.

Ezequiel 6:13

Cunapachatejj jakenacajj jiwaratanacaru uñjapjjani yakha diosanac jac'ana, altaranacap jac'anacana, take kollunacana, jach'a kollunaca patansa, kokanac c'uchunacansa, uqhamaraqui jach'a encinas sat koka c'uchunacansa, cawqui chekanacantejj k'apquiri inciensonacap loktasipcän uca chekanacana, ucapachaw yatipjjani nayan Tatitütajja.

Oseas 10:2

Israelan chuymapajj payar jaljtatawa, jichhasti juchanacapatjja mutuyataraquïniwa. Tatitojj altaranacapjja t'unthapiniwa, kollana kalanacapsa pampa tucjaraquini.

Levítico 20:23

Jan jumanacajj cawquïri jakenacatejj uca oraken jacapqui, uqhamarac cawquïrinacarutejj nayajj apanuccta jumanac nayrakatatjja uca jakenacan sarnakäwinacaparjamajj sarnakapjjamti; jupanacasti take ucanacwa lurapjjänjja ucatwa nayajj jan juc'ampi jupanacan luräwinacapjja uñjañ muncjjti.

Levítico 26:11

“Nayaw jumanac taypin jacaraquëjja, janiraquiw jumanacarojj apanucupcämati,

Levítico 26:15

jan ucasti nayan leyinacajjsa, uqhamarac arsutanacajjsa jisc'achapjjaraquïta, janiraqui cawquïri camachi arunacajjsa phokhapcätati, uqhamat nayan jumanacampi arust'asitajjsa jan phokhapcaraquïtati,

Amós 6:8

Tatitu quipcaw juramento lurawayi; take ch'amani Tatitu Diosasti siwa: “Uñistwa Jacobun marcapan jach'a jach'a tucutapjja, uñisiractwa palacionacapsa, marcsa, uqhamaraqui cunanacatejj ucan utjqui ucamppacha, uñisiriruraquiw catjjaruyäjja.”

Amós 7:9

Isaacan alto kollunacapasti tucjatäniwa, Israelan templonacapas t'unjataraquïniwa. ¡Nayasti Jeroboaman utap contraw espada aptaraquï!

Deuteronomio 32:19

Uqham uñjasinjja Diosajj colerasïnwa, ucatwa wawanacaparojj apanucüna.