Levítico 26:14 - Qullan Arunaca

¹⁴ “Ucampisa jumanacatejj jan nayaru ist'apquitäta, janiraqui camachi arunacajjsa phokhapcätati,

Aymar Bibliia 1986

¹⁴ “Ucampisa jumanacatejj jan nayaru ist'apquitäta, janiraqui camachi arunacajjsa phokhapcätati,

Qullan Arunaka DC

¹⁴ “Ukampis jumanakatix nayar jan ist'apkitäta, kamachi arunakaxsa janirak phuqhapkätati,

Levítico 26:14 Jak'a apnaqawi uñst'ayäwi

2 Reyes 22:13

“Sarapjjam naya laycu Tatitur jisct'iri, uqhamarac take Judá orakenquir jakenac laycuraqui, aca jicjjatata libron cuntï sisqui ucjjata; Tatitusti wali coleratäpachawa jiwasanacataqui. Nayra awquinacasajja janiw aca librojj cuntï sisqui ucarojj ist'apcänti, ni lurapcaraquïnsa cuntejj aca libron kellkatäqui ucarjamajja.”

2 Crónicas 34:24

Naya, Tatitusti sistwa: Nayajj aca chekarojja mä jach'a jan walt'añwa jutayäjja, uqhamarac jakenacapjjarusa, cunjämtï Judá marcanquir reyin nayrakatapana leet'apcta uca librona maldicionanacajj kellkatäqui uqhamaru.

2 Crónicas 7:19

Ucampis jumanacatejj nayat sarakapjjetäta, janiraqui leyinacajjsa, ewjja arunacajjsa churapcsma ucanac phokhapcätati, jan ucasti yakha diosanacaruraqui sirvipjjäta, yupaychapjjaraquïta ucajja,

Salmos 81:12

Ucat munañaparjam sarnakayta, munataparjamaw sarnakapjjaraquïna.

Proverbios 3:33

Ñankha lurir jaken utaparojj ñankhachiwa, ucampis asqui jaken utaparojja asquimpiw phokt'i.

Jeremías 11:8

Ucampisa janiw nayarojj jaysapquituti, ni ist'apcaraquitusa, jan ucasti chuymanacapan jan wali amtatanacaparuquiw arcjjapjje. Cuntejj nayajj jupanacaru siscäyät uca arunacsti janiw phokhañ munapcänti, ucatpï jupanacjjarojja cuntejj arust'äwin yatiycäyäta uca mutuyäwi apayantjja.’ ”

Jeremías 17:27

Ucampisa, jumanacatejj nayan arunacajja jan ist'apquitäta, nayan samarañ urojja jan nayar loktasa, uqhamaraqui uca urojj carganacamsa Jerusalén marcan puncunacap cheka apantapcäta ucapachajj nayajj nina uscü Jerusalén puncunacarojja, uca ninasti Jerusalenanquir palacionacjja k'alwa naqhantani, janiraquiw qhitis jiwaraycaspati.’ ”

Jeremías 26:4

Jupanacarusti naya Tatitun arsutajja saraquim: ‘Janitejj nayar ist'apquitani, uqhamaraqui cuna yatichäwinactejj nayajj jupanacaru siscta ucanacsa janiraqui phokhapcaniti,

Jeremías 28:8

Cawquïri profetanacatejj nayrapachan utjcäna, janïra jumas, nayas nascäyätan ucapacha; ucanacasti guerranacana, t'akhesiñanacana uqhamaraqui cunayman casta usunacan utjañapacwa yatiyapjjäna, walja marcanacataqui uqhamaraqui jach'a ch'amani reinonacataquisa.

Jeremías 32:23

Ucampisa cunapachatejj jupanacajj aca orakeru mantanipjjän ucapachasti, aca oraksa catuntasipjjän ucapachasa, janiw jumarojj ist'apcäyätamti, uqhamaraqui cuna arunactejj siscäyäta ucanacsa janiw phokhapcaraquïyätamti, take cuntejj jumajj jupanacaru siscäyäta uca arunacsti janiw catokapcänti. Ucatwa jichhajj take aca t'akhesiñanac apayantajja.

Jeremías 40:2

Guardianacan comandantepasti Jeremiasarojj yakha chekaru irpakasinwa jisct'äna: “Tatitu Diosamaw aca jan walt'añanacjja aca orakjjaru apayaniñataqui arsuraquïnjja, jichhasti uca arsutapajj phokhasiwa.

Lamentaciones 1:18

Tatitojj lurañapwa lurasqui, nayan camachi arunacapataqui sayt'asitajj laycu. ¡Take marcanaca, ist'apjjeta; t'akhesitajjsa uñjapjjaraquim! ¡Marcajjanquiri waynanacasa, tawakonacasa, preso apataw uñjasipjjaraqui!

Lamentaciones 2:17

Tatitusti amtäwinacampejja phokhewa, arsutanacapsa phokharaquiwa. Cuntejj nayratpacha t'unjañ amtcän ucjja, jichhajj jan qhuyapt'ayasisaw t'unjawayi. Uñisirinacamampisa larusiyaractamwa, uñisiriman ch'amapsa jach'aruw aptaraqui.

Daniel (hebreo) 9:13

Take aca jan walinacaw nanacjjaru jutejja, cunjämatejj Moisesan leyipan kellkatäqui uqhamarjama; ucampisa nanacajj janiw jumarojj thakapcsmati, nanacan Tatitojja, nanacan Diosajja, janiraquiw nanacan ñankha lurañanacajjsa apanucupcti, ni juman chekapa arunacamarus arcapcaractti.

Oseas 7:12

Ucampis cunapachatejj ucar sarapcani ucqhajja, känajjwa jupanacjjaru jacjjatäjja: Alajjpach jamach'inacjamwa willirpayaraquï, ñankha lurapjjatanacap laycuw jupanacarojj catjäjja.

Levítico 26:18

“Take acanaca ist'asinsa janipuni nayarojj jaysapquitäta ucapachasti nayajj jumanacarojj pakallko cutimpiw juchanacamatjja t'akhesiyapjjäma.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Hechos 3:23

Uca profetar take jan ist'irinacasti t'unjatäniwa. Israel marcatsti apanucutaraquïniwa.’

Hebreos 12:25

Ucatwa amuyasipjjañamajja qhititejj parljjayquistu ucaru jan “Janiw” sañataqui. Janiw jaltapcänti Diosar “Janiw” sirinacajja, cunapachatejj aca orakenjja ewjjt'apcäna ucqhajja. Janiraquiw jiwasas jaltcañäniti alajjpachat ewjjt'anquistani uca arunacarutejj jan ist'cañäni ucqhajja.

Josué 23:15

Ucampis cunjämatï Diosajj take suma arunacap phokhawayqui, uqhamaraquiw jupajj apayanipjjätam take jan walt'añanaca, uqhamata jan maynis aca Diosajj churqui uca suma oraken kheparapjjañapataqui,

Jueces 2:15

Israelitanacajj sapa cuti nuwasiri mistupcäna ucqhasti Diosajj jupanac contraw tucüna, uqhamïpansti jupanacataquejj jan walt'añanacaw jutäna. Uqhama jan walt'apjjañapataquisti Dios pachpawa arsüna. Uca laycunwa israelitanacan t'akhesipjjañapataquejj Diosan uchatänjja.

1 Samuel 12:15

Ucampisa janitejj Tatituru ist'apcäta, jan ucasti camachi arunacapsa apanucupjjaraquïta, ucapachajj jupajj jumanacarusa, reyimarusa mutuyäpjjaraquïtamwa.