Levítico 24:9 - Qullan Arunaca

⁹ Uca loktäwisti Aaronataquipunïniwa, uqhamarac Aaronan wawanacapa sacerdotenacataquiraquïniwa, jupanacasti uca t'ant'jja mä kollan chekanwa mank'apjjaraquini, uca ofrendajj sinti kollana ofrendätap laycu, cunatejj Tatitutaqui naqhayatäcaraqui uca laycu.”

Aymar Bibliia 1986

⁹ Uca loktäwisti Aaronataquipunïniwa, uqhamarac Aaronan wawanacapa sacerdotenacataquiraquïniwa, jupanacasti uca t'ant'jja mä kollan chekanwa mank'apjjaraquini, uca ofrendajj sinti kollana ofrendätap laycu, cunatejj Tatitutaqui naqhayatäcaraqui uca laycu.”

Qullan Arunaka DC

⁹ Uka t'ant'anakasti Aaronampitaki, yuqanakapampitakïniwa, jupanakasti uka t'ant'a qullan chiqan manq'apxani, uka waxt'an aski qullan waxt'ätapa, Tatitutak nakt'ayat waxt'ätap layku.”

Levítico 24:9 Jak'a apnaqawi uñst'ayäwi

Éxodo 27:21

Ucampis Aaronampi, wawanacapampiw uca lamparanacjja asquichapjjani uqhamata Tatitu nayrakatapanjja jayp'uta arumanthi khantatcama naqhañapataqui tantachasiñ chekanjja, ucasti suma arust'äwiru mantatäqui uca arca jac'ancqui uca velota ankäjjancañapawa. Aca leyisti wiñayataqui churatawa israelitanacaru, uqhamarac wawanacapan wawanacapataquisa.

Levítico 10:12

Ucjjarusti Moisesajj Aaronampiru, Eleazarampiru, Itamarampiru, cawquïrinacatejj Aaronan pani jilt'iri yokanacapäcän ucanacaruw saraquïna: —Tatitur nact'ayata loktäwinacatjja cuna granonacat loktäwitejj jilt'qui ucanaca apsusinjjapjjam, ucatsti jan levadurani mank'apjjaraquim altar jac'ana, ucajj sinti kollanätap laycu.

Levítico 10:17

—¿Cunatsa jan uca juchata loktata uywjja mank'apjjta, mä kollana chekanjja? Ucajj sinti kollanawa, Tatituw jumanacarojj churapjjaractam, uqhamat jumanacajj aca jakenacan juchanacapa apapjjañanacamataqui, uqhamarac Tatitut perdón mayipjjañanacamataqui.

Levítico 21:22

Ucampisa uca t'ant'atjja, uqhamarac uca kollana jan ucajj sinti kollana yänacatsa mank'ascaniwa,

Levítico 24:10

Israelita jakenac taypinsti mayni jakew utjaraquïna, ucasti tayca toketjja israelita taycanïnwa, awqui toketsti Egipto marcat jutiri awquiniraquïnwa. Taycapajj Selomit satänwa, Dibri sisqui ucan phuchaparaqui, Dan tribut jutiriraqui. Uca jakempi, mayni israelitampisti, mä urojj campamentonwa nuwasipjjäna, ucatsti cawquïri jaketejj israelita taycanïcän ucasti Diosan sutiparuwa ñankhachäna, uqhamarusa Diosan sutipjja maldiciraquïnwa. Ucatwa uca jakerojj Moisesan nayrakataparu irpapjjäna,

Levítico 3:17

“Aca leyisti wiñayataquiwa, wawanacapan wawanacapataqui, cawqhantï jumanacajj jacapcäta ucqhanjja janipuni wilsa ni liq'sa mank'apjjamti.”

Levítico 6:11

Ucjjarusti isinacapjja trocsusjjaraquiniwa, khellanacjja campamentot ankäjjaru mä k'oma chekawjaruw apatäjjaraquini.

Levítico 6:16

Uca ofrendata jilt'irsti Aaronampi, sacerdote wawanacapampiw mank'apjjaraquini, jan levadurani uqhamaraqui Tatitur catuyata chekana, Diosampi Jiquisiña Carpan patiopana.

Levítico 6:9

“Aaronampiru, sacerdote wawanacapampirusti, naqhantayatäñataqui loktäwinac toketa aqham saraquim: Uca loktat uywasti cuna ninatejj sanc'asqui altar patjjanjja pakar aruma ucjjaru apjjatatäñapawa uqhamat uca ninajj naqhantañapataqui.

Levítico 8:3

ucatsti take israelita jakenacarojj Tatitumpi Jiquisiñ Carpar mantañäquisa uca chekaru tantacht'araquim” sasa.

Levítico 8:31

Ucatsti Moisesajj Aaronampiru, wawanacapampirojj saraquïnwa: “Uca aychsti Tatitumpi Jiquisiñ Carpar mantañäquis uca chekan khatiyapjjam, ucatsti uca pachpan mank'antapjjaraquim cuna t'ant'atejj Tatitur catuyaña canastillon utjqui ucampi, cunjämtejj Tatitojj sisquitu uqhamarjama: ‘Aaronampi, wawanacapampiw aca t'ant'jja mank'apjjani’ sasa.

Malaquías 1:12

Ucampisa jumanacajj ñankhachapjjestawa. Altarajjajj mesajjäcaspas uqhamwa amuyapjjtajja; ‘Uchatäqui uca mank'anacas k'añuwa’ sasaw jisc'achapjjtajja.

Mateo 12:4

Diosan utapar mantasinjja, kollanäquis uca t'ant'anacwa mank'antäna, ucasti janiw juparojj wact'cänti ni amigonacaparus uca mank'añapajja, jan ucasti sacerdotenacaquiw mank'añapäna.

Marcos 2:26

Abiatar chachajj jilïr sacerdotëcän ucqhajja, Davidajj Diosan utaparuw mantäna. Ucatsti cunatejj kollanäcän, sacerdotenacan mank'añapaquïcäns uca t'ant'a mank'antäna, jupampïcäns ucanacamppacharuraquiw churäna.

Lucas 6:4

Davidajj Diosan utaparuw mantäna ucatsti cunatejj sacerdotenacan mank'añapaquïcäns uca kollanäquis uca t'ant'anac mank'antäna, uqhamarac jupampïpcäns ucanacarus churaraquïnwa.

1 Samuel 21:6

Uqhamasti sacerdotejj uca Tatitur loktata t'ant'jja Davidaruw churjjäna. Ucansti janiraquiw yakha t'ant'ajj utjcänti, uca loktat t'ant'anacaquïnwa, uca quipca urpacharaquiw altaratjja apakatäjjäna, ucat uca lantjja junt'u t'ant'a uscjjañataqui.