Levítico 23:36 - Qullan Arunaca

³⁶ Uca pakallko urunacasti ofrendanacwa Tatituru loktasa naqhayapjjaraquïta, ucat quimsakallko ururusti mä suma kollana tantachasïwi lurapjjaraquïta, uqhamarac Tatitutaquisti mä loktäwi nact'ayapjjaraquïta. Uca urusti kollana tantachasïwi uruwa, janipuniw uca urojj ni cuna casta irnakañsa lurapjjätati.

Aymar Bibliia 1986

³⁶ Uca pakallko urunacasti ofrendanacwa Tatituru loktasa naqhayapjjaraquïta, ucat quimsakallko ururusti mä suma kollana tantachasïwi lurapjjaraquïta, uqhamarac Tatitutaquisti mä loktäwi nact'ayapjjaraquïta. Uca urusti kollana tantachasïwi uruwa, janipuniw uca urojj ni cuna casta irnakañsa lurapjjätati.

Qullan Arunaka DC

³⁶ Uka paqallqu urunakasti nakt'at luqtäwinak Tatitur churapxäta, kimsaqallqu urunsti mä suma qullana tantachasïwi lurapxäta, Tatiturusti mä waxt'a luqtapxarakïta. Uka urux qullan phunchhäwi uruwa, janipuniw uka urunxa kuna irnaqäwinakamsa lurapxätati.

Levítico 23:36 Jak'a apnaqawi uñst'ayäwi

Nehemías 8:18

Uca fiestjja lurapjjänwa pakallk uru, nayrïr uruta kalltasina khepa urucama, Esdrasasti sapüruwa librota Diosan leyipa leet'erïna; ucatsti quimsakallkör urunsti mä jach'a asqui tantachasïwiwa utjäna, cunjämtï lurañäcäna uqhama.

Joel 1:14

“Marcarusti tantacht'apjjam ucatsti ayunapjjaraquim; jilïri jakenacarusti, uqhamarac aca marcan jaquir take jakenacarusa Tatit Diosapan templopar tantacht'apjjam, ucatsti Tatitut mayisipjjaraquim.

Joel 2:15

¡Sión kollunsti trompeta phust'apjjam! Marcarusti tantacht'apjjam ucatsti ayunapjjaraquim;

Levítico 23:7

Kallta urusti mä kollana tantachasïwi lurapjjäta. Uca urusti janipuni cuna casta irnakañanacsa lurapjjamti.

Juan 7:37

Fiesta tucuy urojj juc'amp jach'a urünwa. Ucürunwa Jesusajj sayt'asisina jach'at arsüna: —Qhitich umat pharjatäsqui ucajja jutpan nayaru, ucatsti umaracpan.

Deuteronomio 16:8

Sojjta uruw jan levaduran t'ant'a mank'apjjäta, pakallko urüqui ucansti mä jach'a tantachasïwi lurapjjaraquïta, Tatitu Diosamaru jach'añchañataqui, uca urusti janiw jumanacajj cuna casta irnakañamansa lurapjjätati.