Levítico 22:4 - Qullan Arunaca

⁴ “Aaronan wawanacapata, cawquïritejj lepra usunïni jan ucajj jathapsa aywiyasini, ucasti janiw kollana yänacatjja mank'caniti jupan suma c'umarachasiñapcama, uqhamarac suma k'omachasiñapcama. Qhititejj mä jiwata jakena cuna k'añupsa llamct'ani, jan ucajj jathapsa aywiyiri jakerusa llamct'ani,

Aymar Bibliia 1986

⁴ “Aaronan wawanacapata, cawquïritejj lepra usunïni jan ucajj jathapsa aywiyasini, ucasti janiw kollana yänacatjja mank'caniti jupan suma c'umarachasiñapcama, uqhamarac suma k'omachasiñapcama. Qhititejj mä jiwata jakena cuna k'añupsa llamct'ani, jan ucajj jathapsa aywiyiri jakerusa llamct'ani,

Qullan Arunaka DC

⁴ “Aaronan yuqanakapata, kawkïritix lepra usunïki jan ukax chhuxurasiñapat jathapsa inak aywiyaskani ukasti, jupanakan q'umachasiñapkamax janiw qullan yänakat manq'apkaniti. “Khititix mä jiwat jaqin kuna q'añupsa llamkt'ani, jan ukax jathap aywiyir jaqirus llamkt'ani,

Levítico 22:4 Jak'a apnaqawi uñst'ayäwi

Levítico 11:39

“Cawquïri uywanactejj jumanacajj mank'añataqui uscusipjjäta ucat uca uywajj jiwjjaraquini, cawquïri jaketejj uca jiwat uywar llamct'ani ucasti jayp'ucama k'añuw uñjasini;

Levítico 15:17

“Cuna isinacjjarutejj, jan ucajj mä lip'ichjjarusa uca jaken jathapajj ch'akjjatcani, ucasti umampi t'ajjsokatäjjañapawa ucanacasti k'añut uñt'atäjjaraquiniwa jayp'thapcama.

Levítico 2:10

Uca ofrenda jilt'asti Aaronampitaqui, wawanacapampitaquëjjaniwa, uqhamarus uca ofrendajj Tatitur loktata take naqhata ofrendanacatjja sinti kollanawa.

Levítico 2:3

Uca ofrenda jilt'asti Aaronampitaqui, uqhamaraqui wawanacapampitaquëjjaniwa, uqhamarus uca ofrendajj Tatitur loktata take naqhata ofrendanacatjja sinti kollanawa.

Levítico 21:1

Tatitusti Moisesarojj aqham saraquïnwa: “Aaronan wawanacapa sacerdotenacampi parlam, ucatsti jupanacarojj saraquim, jan k'añuchasipjjpati mayni familiana jiwata janchipa llamct'asajja,

Levítico 21:22

Ucampisa uca t'ant'atjja, uqhamarac uca kollana jan ucajj sinti kollana yänacatsa mank'ascaniwa,

Hageo 2:13

Ucatsti Hageojj sascaquïnwa: “Sañäni, mayni jakejj amaya llamct'i, ucat k'añuchasi, ucatsti sarasinjja cawquïri aca yänacsa llamct'araqui, ¿jichhajj ucanacajj llamct'ata laycojja k'añuti tucuraqui? Sacerdotenacasti ‘Jïsa’ sapjjaraquïnwa.

Números 18:19

Cuna churäwinactejj israelitanacajj nayatac yakhachapcani, ucanacjja jumaruw churjjäma, uqhamarac yokall wawamataqui, imill wawamataqui jumampi chica jacasqui ucanacataquiraquïniwa. Acasti wiñayatac leyiraquïniwa. Mä jan p'aquintcaya arust'äwiraquïniwa, wiñayataqui, cuntejj nayajj lurcta jumampi, wawanacamampi.”

Números 18:9

Sacrificionac naqhayascani ucanacatjja, take grano ofrendanacaw wact'ätam, uqhamarac juchanacat sacrificionac, israelitanacasa juchanacapat loktapquitani ucanacatsa. Take aca k'oma ofrendanacaw jumataquïni, uqhamarac wawanacamataquïni.

Números 19:20

Mä jaketejj jan k'omachatäcän ucajj apanucutaw uñjasini jakenac taypitjja, jupan Diosan santuarioparu k'añuchatap laycu. K'omachasir umampi jan ch'allaquipasitap laycusti, k'añuquïsquiwa.