Levítico 21:15 - Qullan Arunaca

¹⁵ uqhamat jan wawanacapar jisc'achascañapataqui, take jakenacapa taypinjja, naya Tatituw juparojj nayataqui yakhachasiractjja uca laycu.”

Aymar Bibliia 1986

¹⁵ uqhamat jan wawanacapar jisc'achascañapataqui, take jakenacapa taypinjja, naya Tatituw juparojj nayataqui yakhachasiractjja uca laycu.”

Qullan Arunaka DC

¹⁵ ukhamat taqi jaqinakap taypin wawanakapax jan jisk'achatäñapataki; naya Tatituw juparux nayatak yaqhachasta uka layku.”

Levítico 21:15 Jak'a apnaqawi uñst'ayäwi

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

Esdras 2:62

Take aca chachanacasti, listanacapanjja familianacapan sutinacapjja janiw jicjjatapcänti, ucatsti sacerdote cancañatjja apanucutäpjjänwa.

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Éxodo 34:16

Uqhamarac phuchanacapasa inas jumanacan yokanacamampi casarasipjjaspa, jan ucajj diosanacaparu yupaychasinsa juchanacsa lurapjjaspa uqhamata jumanacan yokanacamaru diosanacapar yupaychayañataqui.

Levítico 19:2

“Israelita jakenacarusti aqham saraquim: Jumanacasti kollanäpjjam, naya Tatitu Diosamasti kollanätwa.

Levítico 20:7

“Nayaru takpach catuyasipjjeta, uqhamarusa kollanäpjjaraquim. Nayätwa jumanacan Tatitu Diosamajja.

Levítico 21:14

Janipuniw mä viuda warmimpi ni mä jaljtata warmimpisa casarasiñapäquiti, ni ch'amampiqui warmisita warmimpisa ni walja chachanacampi sarnakeri warmimpisa; warmipasti jan chacha uñt'iri warmïñapawa, uqhamarusa jupa castäñaparaquiwa,

Levítico 21:16

Tatitusti Moisesaruw parläna; aqham saraquïnwa:

Levítico 21:8

Jupanacarusti yakhachatpuni utjayaraquim, jupanacajj Tatitun t'ant'apa loktirïpjjatap laycu. Jupanacasti jumataqui yakhachatäpjjaraquiniwa; naya Tatitusti kollanätwa, nayaraquiw jupanacarojj kollana tucuyaractjja.

Levítico 22:16

janiraquiw jakenacajj uca kollana mank'anaca mank'antapjjatapa laycusa taquisiyapjjañapäquiti. Naya Tatituw ucanacjja nayataqui yakhachasta.”

Malaquías 2:11

Judá marcasti janiw phokcjjeti Diosampi arust'äwiru mantatapjja, ucatsti wali jach'a juchanacaw Jerusalén marcana, uqhamaraqui Israel orakensa lurasi. Judá marcasti jan wali sarnakañanacampiw Diosan munat kollan templopjja k'añuchi, Judá marcanquir jakenacajj yakha c'ari diosanacar yupaychir warminacampiraquiw casarasipjje.

Malaquías 2:15

¿Janiti Diosasti panpachaniru mä janchini mä ajayuni tucuyapctamsti? Ucatsti ¿cunsa ucanacat Diosajj munpacha? ¿Janiti wawanacaman jacañanacapajj Diosaru loktatäñap muncpacha? ¡Uqhamasti jumanacpachat amuyasipjjam, janiraqui waynäcasin casarasipcta uca warminacamarojj sallkjapjjamti!

Mateo 23:17

¡Jan amuyun juyqhunaca! ¿Cunas juc'amp wali waquisirejja, koriti, jan ucajj uca koriru kollana tucuyquisa uca templocha?

Romanos 11:16

Nayrakat mistquis uca t'ant'atejj Diosataquïchi ucajja, t'ant'a masajj Diosar catuyataraquipï. Mä kokan saphipatejj Diosar catuyatächejja, layminacapas jupataqui catuyataraquiwa.

1 Corintios 7:14

Jan iyawsiri chachasti, iyawsiri warmimpi casadötap laycuwa Diosar catuyatäjje. Uqhamaraquiw jan iyawsiri warmisa, iyawsiri chachampi jacatap laycuwa Diosar catuyatäjjaraqui. Jan uqhamäcaspa ucqhajja wawanacamajj jan iyawsiri jakenacan wawanacapjamaquïspawa, ucampis jichhajj uca wawanacajj Diosar catuyatäjjaraquiwa.