Levítico 20:27 - Qullan Arunaca

²⁷ “Cawquïri chachatejja jan ucajj warmisa ñankha ajayunïni, jan ucajj yatirïnisa, ucanacasti kalampi c'upjasin jiwayatäñapawa, ucatsti jupapacharaquiwa uca jiwäwipatjja juchanïscani.”

Aymar Bibliia 1986

²⁷ “Cawquïri chachatejja jan ucajj warmisa ñankha ajayunïni, jan ucajj yatirïnisa, ucanacasti kalampi c'upjasin jiwayatäñapawa, ucatsti jupapacharaquiwa uca jiwäwipatjja juchanïscani.”

Qullan Arunaka DC

²⁷ “Mä chachatix jan ukax mä warmisa ñanqha ajayun apnaqatäni, jan ukax yatirïpxanisa, jupanakasti qalampi k'upjasin jiwayatäpxañapawa, ukatsti jupanakpacharakiw uka jiwäwipat juchanïsipkani.”

Levítico 20:27 Jak'a apnaqawi uñst'ayäwi

2 Crónicas 33:6

Ucjjarusti wawanacaparuwa sacrificiot loktasina naqhantayäna Ben-hinom valle sat chekana, ajayunacaru jisct'asisin yupaychäna, ucatsti utt'ayänwa ch'amacaninaca, ajayunacampi parlañanaca, uqhamarac laykasiñanaca. Tatitun nayrakatapanjja luräwinacapajja sinti jan walinacänwa, Tatitun colerasiñapa sartayañcama.

Éxodo 22:18

“Laykanacasti jiwayatäñapawa.

Levítico 19:31

“Janipuni ch'amacaninacarusa ni laykanacarusa sarapjjamti. Janiraqui jupanacaru jisqhisisasa ñankhachasipjjamti. Nayätwa jumanacan Tatitu Diosamajja.

Levítico 20:2

“Israelita jakenacarusti aqham saraquim: Cawquïri israelita jaketejja jan ucajj jumanac taypina jaquiri yakha marcat jutiri jakenacasa, wawanacapa Moloc sat diosaru sacrificiot loktani ucasti kalampi c'upjasina jiwayatäñapawa, take jakenacaw juparojj c'upjapjjañapa.

Levítico 20:6

Maynitejj ch'amacaninacan ucaru, uqhamarac yatirinacan ucaru sarani, ucat k'añuchasiraquini ucanacar arcasa, ucapachasti nayajj jupa contraw sayt'ä ucat uca jakjja jakenac taypitjja jiwayjjaraquïwa.

Levítico 24:14

“Cawquïri jaketejj nayaru ñankhachquitu ucarusti campamentot ankäjjaru irpsupjjam, cawquïri jakenacatejj nayaru uqham ñankhachatapa ist'apcäna uca jakenacasti amparanacapa uca ñankhachir jaken p'ekepjjaru lokjjatapjjpan, ucatsti take jakenacajja uca jakerojj kalampi c'upjasa jiwayapjjaracpan.

Números 15:35

Ucatsti Tatitojj Moisesarojj sänwa: “Uca jakesti juchañchat jiwañapawa. Take israelitanaca kalampi c'upjapjjpan campamento ankäjjana” sasa.

Hechos 16:16

Mä urusti oración lurañäquis ucqharuw sarasipcäyäta. Sarcasinsti, mä ñankha ajayuni tawakoruw jicjjatapjjta. Jupasti uca ñankha ajayumpejj cunatejj khepürun pasañapäcän ucanac khanañchirïnwa. Uywirinacapataquisti walja kollkenac jicjjatirïnwa uca yatiyäwinac toke.

Deuteronomio 21:21

Ucapachasti takpach marcan jakenacawa kalampi c'upjasin jiwayapjjani. Uqhamatwa jumanacajj marcaman uca ñankha luririnacjja tucjapjjäta, uca yatisinsti israelit jakenacajj wal ajjsarapjjani.

1 Samuel 28:3

Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.