Levítico 20:16 - Qullan Arunaca

¹⁶ “Mä warmitejj mä uywampi lat'ayasini, cuna cast uywäscpasa, ucasti jiwayatäniwa, uqhamarac uca uywasa; jupanacpacharaquiwa juchanïsipcani jiwatanacapatjja.

Aymar Bibliia 1986

¹⁶ “Mä warmitejj mä uywampi lat'ayasini, cuna cast uywäscpasa, ucasti jiwayatäniwa, uqhamarac uca uywasa; jupanacpacharaquiwa juchanïsipcani jiwatanacapatjja.

Levítico 20:16 Jak'a apnaqawi uñst'ayäwi

Éxodo 19:13

Ucampis janiwa juchanirojj qhitis amparampi nuwjañapäquiti jan ucasti jiwayapjjañamaw kalanacampi jayat c'upjasa, jan ucajj flechanacampisa. Jakëscpasa, uywäscpasa jiwañapawa, janiwa jacañapäquiti. Ucampis israelitanacajj kollurojj maqhatañapawa cunapachatejj oveja wajjrat lurat pututojj phust'ascani ucqhaqui’ —sasa.

Éxodo 21:28

“Mä orko vacatejj wajjrjasa chacharusa, jan ucajj warmirusa jiwayani ucajja, orko vacarojj kalampi c'upjasaw jiwayatäñapa, ucampis janiw aychapjja mank'apjjañapäquiti, ni vacanirus cunsa pagapjjañapäquiti.

Éxodo 21:32

Uqhamarac sirvirinacarutejj chacharusa warmirusa wajjrjchi ucajja orko vacajj kalampi c'upjasajj jiwayatäñaparaquiquiwa, ucampis sirvirin uywiriparojja vacanejja pagañapawa quimsa tunca kollke.

Éxodo 22:19

“Qhititejj mä uywampi k'añusqui ucajja jiwañapawa.

Levítico 18:23

“Janiraqui animalanacampisa wachoka jucha luramti, jan uqhamat k'añuchasiscañamataqui. Janiraquiw mä warmisa animalanacampejj wachoka jucha lurañapäquiti. Ucajj sinti jan wali k'añu luräwiwa.

Levítico 20:15

“Mayni jaketejj mä uywampi lat'asini, uca jakesti jiwayatäñataqui juchañchatäñapawa; uqhamarac uca uywarusa jiwayasiraquiniwa.

Levítico 20:17

“Maynitejj cullacaparu warmt'asini, ucajj awqui toketa jan ucajj tayca toketsa cullacapäscpan, ucat jupanacajj jucha lurasa sarnakapjjaraquini ucanacasti marca masinacapan uñjcata jiwarayatäpjjañapawa, uqhamana pachpa cullacaru warmisiñajj mä p'enka luräwïtap laycu, qhititejj uca casta jucha lurcani ucasti juchañchatäñapawa.

Hebreos 12:20

Ucsti cuntejj Diosan arunacapajj siscän ucarojj janiw jaysapcänti: “Maynitejj uca kolluru tact'ani ucajj kalamp c'upjcäwiw jiwayatäni jan ucajj espadampisa, mä animaläscpasa” sasa.