Levítico 2:9 - Qullan Arunaca

⁹ Ucanwa sacerdotejj ofrendat mä juc'a aptasajj altarjjana nact'ayjjani, Diosataquisti mä suma k'apquiri ofrendar uñtataraquïniwa, uqhamaraqui amtasïwïñapataqui.

Aymar Bibliia 1986

⁹ Ucanwa sacerdotejj ofrendat mä juc'a aptasajj altarjjana nact'ayjjani, Diosataquisti mä suma k'apquiri ofrendar uñtataraquïniwa, uqhamaraqui amtasïwïñapataqui.

Qullan Arunaka DC

⁹ Sacerdotex ukan uka waxt'at mä juk'a aptasax altarxan nakt'ayxani ukasti, Tatitutakix amtaskañatak mä suma q'apkir waxt'ar uñtatäniwa.

Levítico 2:9 Jak'a apnaqawi uñst'ayäwi

Éxodo 29:18

Ucatsti uca ovej-jja altar patjjaru naqhantayasinwa Tatitur jach'añchasa loktäta, uqhamata uca ofrendajj suma k'apquir Tatitutacjamäñapataqui.

Isaías 53:10

Tatituw juparojj uqham t'akhesiyäna. Niyaquejjay jupajj jucha laycu sacrificiot catuyaschïnjja, jichhajj wali jaya maranacaw jacaraquini; wawanacapsti uñjasiraquiniwa, jupa tokeraquiw Tatitun amtatanacapajj suma phokhasini.

Levítico 1:9

Qhititejj loktcani ucasti uca uywan jiphillanacapsa, chhuchhullinacapsa umampiw jarekañapa, ucsti sacerdoteraquiw takpach altarjjar naqhantayani. Tatitutaquejj mä suma k'apquiri ofrendaraquïniwa.

Levítico 2:16

Ucatsti sacerdotew naqhantayanejja mä juc'a grano ch'ajjert'atjja, uqhamarac aceite, ucamp chicsti takpacha inciensoraqui, ucasti amtasïwitac mä ofrendäniwa, Tatitutaqui nact'ayata.

Levítico 2:2

Ucsti Aaronan sacerdote yokanacaparuw aparaquini, sacerdotesti aceitempi, inciensompi warjjatatäquis uca jac'u jach'jjatasinjja altarjjaruw naqhantayjjani, Diosataquisti mä suma k'apquiri ofrendar uñtataraquïniwa, uqhamaraqui mä amtasïwïñapataqui.

Levítico 2:8

Ucanacampi ofrenda waquicht'jjasasti, Tatitun nayrakataparuw apjjäta, sacerdoteruw catuyjjaraquïta, ucatsti jupaw altarcama apjjaraquini.

Levítico 24:7

Sapa sekensti incienso puro uscuraquim, uca inciensosti uca t'ant'a loktäwitjja mä suma amtasiñataqui naqhata ofrenda loktatäcaspasa uqhamataquïniwa, ucasti Tatitutaqui sataraquïniwa.

Levítico 4:31

Uqhamaraquiw takpach liq'jja apsuraquini, cunjämtejj sumancthapiñatac loktäwitjja apakasejja uqhamaraqui, ucatsti uca liq'jja altarjjaruw nact'ayjjaraquini Tatitutac suma k'apquiri ofrendata, uqhamat sacerdotejj uca jaketaquejj juchapat pampachatäña jicjjatani, juchanacapasti perdonatäjjaraquiniwa.

Levítico 5:12

Uca jac'usti sacerdoten ucaruw apataraquïni, ucat sacerdotesti mä jach'i jach'taraquini, mä amtasïwïñapataqui, ucat altarjjan naqhantayjjaraquini, cawquïri ofrendanacatejj; Tatitutaqui nact'ayasqui ucanacampi chica. Ucasti jucha luratat loktäwi ofrendawa,

Levítico 6:15

Jupanacat mayniw uca loktat jac'utjja, uqhamaraqui aceitempitjja mä jach'i aptaraquini, take inciensotejj ofrendampi chica sarqui ucampi cuna, ucatsti altarjjan nact'ayjjaraquini, mä nact'ata ofrendata, ucasti amtasiñataqui, Tatitutaquisti mä suma k'apquiriraqui.

Zacarías 13:7

Take ch'amani Tatitojj arsuwa: “¡Sartasim espada, awatirejj contra, yanapirejj contraraqui! ¡Awatirirojj jiwayam, ovej tamasti aywitatapjjaniwa, nayasti orko ovejanac contraraquiw cuttaraquëjja!

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Números 5:26

ucjjarusti mä juc'a jac'u ofrendat aptasinjja, altarjjaruwa naqhantayani, amtasiñatac mä ofrendjama. “Cunapachatï sacerdotejj uca c'allc'u uma warmiru umantayani,

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

Romanos 15:16

Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Filipenses 2:17

Nayan quipca jacañajjas sacrificatäcchinejja, cawquïr catuyäwtï iyawsapjjatam laycu Diosaru loktapctas uca phokhañataqui ucajja, nayajj cusistwa, jumanacampi chicaraquiw cusisiractjja.

Filipenses 4:18

Nayajj takwa jilarquir catokjjta. Epafroditompi apayanipquistas ucjja, jichhasti jilarquiriw utjitu. Cuntejj apayanipquistas ucajj mä suma k'apquiri inciensöcaspas uqhamwa Diosajj mä suma sacrificiot catokaraqui.