Levítico 2:14 - Qullan Arunaca

¹⁴ “Tatiturutejj nayrakat grano achunacat waquichata mä ofrenda loktätajja, ucasti suma pokorat puyanacat ch'ajjert'asin ninaru jamp'iquipatäñapawa nayrïri grano achunacamat loktäwejja.

Aymar Bibliia 1986

¹⁴ “Tatiturutejj nayrakat grano achunacat waquichata mä ofrenda loktätajja, ucasti suma pokorat puyanacat ch'ajjert'asin ninaru jamp'iquipatäñapawa nayrïri grano achunacamat loktäwejja.

Qullan Arunaka DC

¹⁴ “Jumatix Tatitur nayrïr grano achunakat mä waxt'a luqtätaxa, ukasti suma puqurat puyanakat ch'axirt'asin ninar jamp'ikipatäñapawa.

Levítico 2:14 Jak'a apnaqawi uñst'ayäwi

Génesis 4:3

Mä kawkha tiempo pasjjatatjja, mä urojj Cainajj yapupat achunacwa apanïna Diosar ofrenda churañataqui.

2 Reyes 4:42

Ucatjja mä chachawa Baal-salisa sat chekata purinïna, Eliseotaqui pä tunca cebada t'ant'anaca apanirapïna, hornota ucqha khathiyataqui, uqhamaraqui apanirapïna trigo wayakaparu. Ucatsti Eliseojj uywataparojj sänwa: —Jakenacar churam mank'apjjañapataqui —sasa.

Levítico 2:15

Ucjjarusti aceitempi, inciensompi waraquipañamaraquiwa, grano achunacat ofrenda waquicht'atätap laycu.

Levítico 2:16

Ucatsti sacerdotew naqhantayanejja mä juc'a grano ch'ajjert'atjja, uqhamarac aceite, ucamp chicsti takpacha inciensoraqui, ucasti amtasïwitac mä ofrendäniwa, Tatitutaqui nact'ayata.

Levítico 22:29

“Cunapachatejj Tatituru mä ofrenda yuspagarasa churäta ucapachasti, wali sumpuni loktam, uqhamata uca ofrenda loktäwejja suma catokatäñapataqui.

Levítico 23:10

“Israelitanacarusti aqham saraquim: Cunapachatejj jumanacajj cawquïri oraktejj churapcäma ucaru mantapjjäta ucanwa, trigo apthapipjjäta, ucapachasti nayrïri markjja sacerdoteruw churapjjäta.

Levítico 23:13

Uqhamarusa pusi kilo chicatani suma jac'u apanipjjaraquïta, ucasti aceitempi chaputäñapawa, Tatitutaqui nact'ayasin loktatäjjaraquiniwa. Uqhamarusa mä litro vinompi apapjjaraquïta, ucasti Tatitutaqui wartataraquïniwa.

Levítico 23:20

Sacerdotew uca uywanacjja loktaraquini, Tatitun nayrakatapana jupataquejj mä suma k'apquiri ofrendäcaspasa uqhama, cuna t'ant'anactejj apanipcäta, uqhamarac pä ovejanactejj apanipcäta ucanacampi chicwa loktapjjäta. Ucanacasti Tatituru loktataraquïniwa, ucatsti sacerdotetaquëjjaraquiniwa.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Números 28:2

“Israelitanacarojj wayt'am jan armt'asisa nayar loktapjjañapataqui, t'ant'a, uqhamarac nact'ayat ofrendanaca suma amtasqui uca fiestanacana, mä suma k'apquir ofrenda nayataqui.

1 Corintios 15:20

Ucampis janiw uqhamäquiti. Chekpachansa Cristojj jiwatanac taypitjja jacatatawayiwa, jupajj nayrakat achücaspas uqhamaraquiw take jiwatanacat jactirinacataquejja.

Deuteronomio 26:2

ucapachajj cosechamat nayrakat achuri achunacapwa uca orakenacamatjja apäta, mä canastaru, cawqha chektejj Tatitu Diosamajj ajllisqui juparu yupaychañataqui uca chekaru.

Apocalipsis 14:4

Acanacasti janiw warminacampi juch lurasa k'añuchasipcataynati, jan ucasti k'omapuniw kheparapjjatayna, ucatsti Corderoruraquiw arcapjje cawquirutejj jupajj sarqui ucaru. Jakenac taypita jupanacajj khespiyatäpjjataynawa, Diosataquisa Corderotaquisa nayrïri ofrendanacapäcaspas uqhama.