Levítico 19:28 - Qullan Arunaca

²⁸ “Janiraqui mä jiwat laycu janchinacamsa k'allunokasipjjamti. Janipuni cuna casta kellkanacsa janchinacamarojj jan mayampitaqui mistquirjja kellkantasipjjamti. Nayätwa Tatitojja.

Aymar Bibliia 1986

²⁸ “Janiraqui mä jiwat laycu janchinacamsa k'allunokasipjjamti. Janipuni cuna casta kellkanacsa janchinacamarojj jan mayampitaqui mistquirjja kellkantasipjjamti. Nayätwa Tatitojja.

Qullan Arunaka DC

²⁸ “Mä jaqin jiwatapatxa, jan janchinakam q'allunuqasipxamti. Janipun kunayman qillqanaksa janchinakamar qillqantasipxamti. Nayätwa Tatituxa.

Levítico 19:28 Jak'a apnaqawi uñst'ayäwi

1 Reyes 18:28

Jupanacasti arnakasipcaquïnwa, uqhamarac cuchillompisa, lancetampisa qharinokasipjjäna, cunjämatï jupanacajj lurapjjerïcäna uqhama, wilamayjtaqui lurjasiñcama.

Jeremías 16:6

Jisc'as jach'as takeniw jiwarapjjani aca marcanjja, janiraquiw qhitis jupanacarojj imcaniti ni jachapcaraquinisa, ni janchinacapsa chhojjriñchasipcaniti, ñic'utanacapsa mururasipcaraquiniti jupanacan jiwarapjjatap laycojja.

Jeremías 48:37

P'eke ñic'utanacapasa mururatcamaquiwa, sunqhanacas mururatawa; takeniw amparanacapa qharirasipjjatayna, chhanqha isinacampi isthapitcamaquïpjjaraquiwa.

Levítico 19:27

“Janiraqui ñic'utanacamsa muypacha mursusipjjamti, ni sunqhanacaman puntanacapsa mururasipjjaraquimti.

Levítico 19:29

“Janiraqui phuchamarusa ñankha luramti, juparu walja chachanacampi sarnakeri tucuyasajja, uqham lurasajj marcamaruw ñankhachasma jan wali luräwinaca lurasajja.

Levítico 21:1

Tatitusti Moisesarojj aqham saraquïnwa: “Aaronan wawanacapa sacerdotenacampi parlam, ucatsti jupanacarojj saraquim, jan k'añuchasipjjpati mayni familiana jiwata janchipa llamct'asajja,

Levítico 21:11

janiraquiw cawqhantejj mä amayajj callnokatäsqui ucarusa mantañapäquiti, uca amayajj awquipan jan ucajj taycapan amayapäscpasa; janipuniw ucanacampejj k'añuchasiñapäquiti.

Levítico 21:5

“Janipuniw ñic'utanacapjja mururasipjjañanacapäquiti ni sunqhanacapsa mururasipjjañapäquiti, janiraquiw janchinacapsa k'allunokasipjjañapäquiti,

Marcos 5:5

Uruy arumaw kollunacansa panteonansa arnakasis sarnakerïna. Jupa pacharaquiw kalampis lek'jasirïna.

Juan 20:25

Ucat maynïri discipulonacajj Tomaserojj sapjjänwa: —Tatituruw uñjapjjta —sasa. Ucampis Tomasejj sänwa: —Janitejj amparanacapan clavompi p'iyjat uñjcäjja, uqhamarac luc'anajjampi clavomp p'iyjatäcän uc jan llamct'cäjja, uqhamarac ch'illaparus amparajjampi jan llamct'caraquëjja, janiw iyawscäti —sasa.

Deuteronomio 14:1

“Jumanacasti Tatitu Diosaman wawanacapäpjjtawa. Jan janchinacama qharirasipjjamti janirac ñic'utanacamsa mururasipjjamti cunapachatï maynejj jiwani ucqhajja.

Apocalipsis 14:11

Jek'esti uca t'akhesïwipatjja wiñayapuniw mistu, janiraquiw samarañajj urus arumas utjquiti, qhitinacatejj uca jach'a ajjsarcañ animalaru, uqhamarac uñtasitanacaparus yupaychapqui, jan ucajj amparaparus, paraparus uca animalan sutipampi chimpt'ayasipqui ucanacataquejja.”

Apocalipsis 14:9

Ucjjarusti yakha quimsïri angelaraquiw uñstäna wali jach'at art'asisa: “Qhititejj uca jach'a ajjsarcañ animalaru yupaychcani, uqhamarac uñtasitanacaparusa, uca ajjsarcañ animalan chimpupsa amparaparus jan ucajj paraparus uchayascani ucajja,

Apocalipsis 15:2

Ucatsti uñjaractwa mä jach'a kotar uñtata, ucasti vidriompit ninampit luratjamänwa. Qhitinacatejj jach'a ajjsarcañ animalarusa, uñtasitaparusa, uqhamarac uca animalan sutipäquis uca numeroparus atipjapcäna ucanacajja, uca kota thiyan sayt'atäpjjänwa, cuntejj Diosajj jupanacar churcataynas uca arpa apt'atcamaqui.

Apocalipsis 16:2

Nayrïri angelasti sarasinjja copapjja orakjjaruw wart'anïna. Take qhitinacatejj uca jach'a ajjsarcañ animalan chimpt'atäqui, uqhamarac uñtasitanacaparus yupaychapcäna ucanacarojj mä jan wali llejjti usuw mistüna wali usuyasa.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.

Apocalipsis 20:4

Ucatsti trononacwa uñjaracta, ucanacansti qhitinacatejj taripañataqui munañanïña catokapcataynas ucanacaw kont'atäpjjäna. Uñjaractwa qhitinacatejj p'eke apakata jiwapjjäna Jesusan testigopäpjjatapata, uqhamarac Diosan arunacap parlapjjatap laycu. Uqhamaraquiw qhitinacatejj jan uca jach'a ajjsarcañ animalaru, diosaparus yupaychapcataynati ni chimpupsa p'ekenacaparu ni amparanacaparu uchayasipcataynasa ucanacajj ucancapjjaraquïnwa. Ucanacasti jactapjjataynawa ucatsti Cristompiw waranka mara reinapjjäna.