Levítico 19:17 - Qullan Arunaca

¹⁷ “Jan chuymamarojj jilamar uñisiñanacjja imjjäsimti. Cunapachatejj jake masimaru tokenokañajj waquischi ucapachasti tokenokam, janiraqui jupampi chica jucharu purimti.

Aymar Bibliia 1986

¹⁷ “Jan chuymamarojj jilamar uñisiñanacjja imjjäsimti. Cunapachatejj jake masimaru tokenokañajj waquischi ucapachasti tokenokam, janiraqui jupampi chica jucharu purimti.

Qullan Arunaka DC

¹⁷ “Jilamar uñisiñanakxa chuymamar jan imxäsimti. “Kunapachatix jaqi masimar tuqinuqañax wakischi ukkhasti, tuqinuqam, janirak jupamp chikas juchar purimti.

Levítico 19:17 Jak'a apnaqawi uñst'ayäwi

Génesis 27:41

Ucat ucsarusti Esaojja Jacoborojj uñisïnwa, awquipajj bendición churatapata, saraquïnwa: “Awquejjajj niya jiwjjani, uca khepatsti, Jacob jilajjarojj jiwayäwa” sasaw amtascäna.

2 Samuel 13:22

Absalón jilapasa Amnonarojj janiraquiw cunsa siscänti aca toketjja, Tamar cullacaparu uqham jan wali luratapata wali colercchïna ucasa.

Nehemías 13:17

Ucatjja Judá orakena jilïrinacaparojja tokenoktwa aqham sasa: “¿Cuna ñankhsa jumanacajj lurasipcta, samarañ uru p'aquisinjja?

Salmos 141:5

Asqui jakejj mutuyitpan, suma jakejj tokenoketpan, ucanac catokañataquejj janiw jaltcäti; mutuycatpachas Tatitut mayisiscaquïwa.

Proverbios 9:8

Jan ist'asiri ñankha jakeru chekacham, jupasti jumarojj uñisïtamwa, ucampis amuyt'asiri jakeru chekacham, jupasti jumarojj munasïtamwa.

Lucas 17:3

Wal amuyasipjjam. Jilamatejj juma contra juchachaschi ucqhajj ewjjt'am; arrepientisipansti, perdonaraquim.

Romanos 1:32

Jupanacajj sum yatipjje cuntejj Diosajj jupanacan lurañap munqui ucjja, yatipjjaraquiwa uqham jan walinac luririnacajja jiwayatäñapa ucsa, ucampis jupanacajj lurasipcaquiwa, mayninaca uqhamanaca luripansa juc'ampwa uñjañ munapjjaraqui.

1 Corintios 5:2

Uqhamäcasinsa jumanacajj jach'a jach'aw tucupjjtajja. Uqhamïpansti, ucatjj wal llaquisipjjañamawa. Uca lurir jakesti jumanac taypitjja alisnucutäñaparaquiwa.

Gálatas 6:1

Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

1 Timoteo 5:20

Ucampis qhitinacatejj juch lurasipcaqui ucanacarojj takenin nayrakatapan ewjjt'awayam, mayninacajj uc ist'asin ajjsarapjjañapataqui.

1 Timoteo 5:22

Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.

2 Timoteo 4:2

Tatitun arunacap parlam; waquisqui ucqhasa, jan waquisqui ucqhas parlapunim. Amuyt'ayam, ewjjt'araquim, ewjjanacs churaraquim, take llamp'u chuymampi yatichasa.

Tito 1:13

Ucsti chekwa säna, ucanacarojj jumajj wal tokenokam iyawsañanacapan chekäpjjañanacapataqui.

Tito 2:15

Acanacwa jumajj yatichañamajja, yanapt'asa, uqhamarac take jilïr cancañampi ewjjt'asa jan qhitimpis jisc'achayasisa.

1 Juan 2:11

Ucampis qhititejj jilapar uñisisqui ucajja, ch'amacanwa sarnakasqui. Janiraquiw cawcsar saratapsa yatiscaraquiti ch'amacajj juyqhu tucuyatap laycu.

1 Juan 2:9

Cawquïritejj: “Khananctwa” sasqui, ucatsti jilapar uñisiscaraqui ucajja ch'amacancasquiwa.