Levítico 16:6 - Qullan Arunaca

⁶ Jupan quipca juchapatwa mä vaca sacrificiot loktaraquini, uqhamat jupan pachpa juchanacapata, uqhamarac familiapan juchanacapatsa pampachatäña jicjjatañapataqui.

Aymar Bibliia 1986

⁶ Jupan quipca juchapatwa mä vaca sacrificiot loktaraquini, uqhamat jupan pachpa juchanacapata, uqhamarac familiapan juchanacapatsa pampachatäña jicjjatañapataqui.

Qullan Arunaka DC

⁶ Jupan kipka juchapat uka urqu vaca wilañchat luqtani, ukhamat jupan juchapasa, wila masipan juchanakapas pampachatäñapataki.

Levítico 16:6 Jak'a apnaqawi uñst'ayäwi

Job 1:5

Uca mank'äwi pasatatsti, Job chachajj wawanacapa jawsayasinjja wali alwata sartasinwa sacrificionac nact'ayasin loktirïna, uqhamata sapa mayni jupanacajja juchanacapata k'omachatäñapataqui. Uqhamsti Job chachajja lurirïnwa wawanacapajja inampisa chuymanacapana jan walinaca amtasinjja Dios contra jucha lurapjjaspa uca amuyasina.

Ezequiel 43:19

Sacerdotenacarusti, cawquïrinacatejj Sadoc sat jaken wawanacapäqui ucanacaw nayaru sirviñataquejj jac'achasiniñapa, ucanacaruw mä orko vaca churapjjäta nayar mä sacrificiot loktaniñapataqui, jucha luratanacata. Naya Tatituw ucjja arsta.

Ezequiel 43:27

Uqhamwa pakallko uru lurapjjani, ucat quimsakallko ururusti uca uywanac loktañwa kalltjjapjjaraquini, sumancañ sacrificionac loktapjjaraquini. Ucapachaw nayajj take chuymampi uca sacrificio loktatanacamjja catokapjjaraquïma. Naya Tatituw ucjja arsta” sasa.

Levítico 16:3

Aaronajj uca kollan chekaru mantañataquejj mä orko vaca, apani jucha luratat sacrificio loktañataqui, uqhamarac mä orko oveja aparaquini takpacha nact'ayasa loktañataqui.

Levítico 16:7

Uca khepatsti uca pä cabrito caturaquini, ucatsti Tatitun nayrakatapanwa loktjjaraquini, Tatitumpi Jiquisiñ Carpa nayrakatana.

Levítico 9:7

Moisesasti Aaronarojj saraquïnwa: “Altarar jac'achasinim, ucatsti cuntejj juchamata, sacrificio take nact'ayasin loktcäta uca loktaraquim, uqhamat juma pachpataqui juchat pampachatäña jicjjatañamataqui, ucatsti take jakenacan ofrendanacapsti loktaraquim juchanacat pampachatäña catokañataqui, cunjämtejj Tatitojj sisctam uqhamarjama” sasa.

Hebreos 7:27

Janiw mayni jilïri sacerdotenacjamäquiti, ucanacasti animalanac jiwayasin sacrificionac sapüru loktapjje, nayrakatajj jupanacan pachpa juchanacapata, ucjjarojj jaken juchanacapatraqui. Ucampis Jesusajj mä cutiquiw wiñayataqui jupa pachpa taketac loktasiwayi.

Hebreos 9:12

Cristojj Sinti Kollan Chekaruw manti, janiraquiw cabritonacan ni vaca kallunacan wilap loktirisa, jan ucasti jupan pachpa wilapa loktasiriw manti. Uqhamaw mä cutiqui takenitaqui mantawayi, ucatsti wiñay khespiyasiñwa jiwasatac jicjjataraqui.

Hebreos 9:7

Ucatsti Sinti Kollan Chekarojj jilïri jach'a sacerdotequiw mantirïna, maran mä cuti. Ucar mantañataquisti apañapänwa animalanacan wilapa, juchanacapat loktañataqui, uqhamarac jakenacataquisa.