Levítico 16:10 - Qullan Arunaca

¹⁰ ucampisa cawquïri cabritotejj jucha apcani ucasti jacquirpacha Tatitun nayrakataparu uñstayatäniwa, juchat pampachatäña catokañataqui, uca khepatsti uca cabritjja wasara tokeruw antutnucjjaraquini, ucan chhakjjañapataqui, Azazel ucaru.

Aymar Bibliia 1986

¹⁰ ucampisa cawquïri cabritotejj jucha apcani ucasti jacquirpacha Tatitun nayrakataparu uñstayatäniwa, juchat pampachatäña catokañataqui, uca khepatsti uca cabritjja wasara tokeruw antutnucjjaraquini, ucan chhakjjañapataqui, Azazel ucaru.

Qullan Arunaka DC

¹⁰ ukampis kawkïri cabritotix Azazelatakïkani uksti, jakkirpach juchat pampachatäñataki Tatitun nayraqatapar uñstayani, ukatsti uka cabritorux wasararuw Azazelatak antutnukxani.

Levítico 16:10 Jak'a apnaqawi uñst'ayäwi

Levítico 14:7

Ucatsti cawquïri jaketejj uca lepra usut k'omachatäcani ucarusti pakallko cutiw uca wila umampi ch'allt'araquini, ucat k'omat khanañchjjaraquini. Jacasquiri jamach'irusti antutnucjjaraquiniwa.

Levítico 16:8

Ucjjarusti uca paya cabritonacjjarojja suerte jaktaraquini; maynïri suertejja Tatitutaquïniwa, maynïri suertesti Azazel ucataquiraquïniwa.

Levítico 16:9

Cawquïri cabritjjarutejj suertejj Tatitutaqui sasa wact'cani ucsti Aaronajj jucha luratat sacrificio loktjjani,

Romanos 3:25

Diosasti Jesucristoruw juchan pagopjama uchi, jupan jiwäwip laycu khespiyasiñajj utjañapataqui, iyawsäwi toke. Take acanacasti lurasiwa jupan llamp'u chuymapajj uñstañapataqui nayra juchanacas perdonatapatjja.

Romanos 4:25

Jupasti jiwañaru catuyatänwa jiwasanacan juchanacas laycu, ucatsti jactayataraquïnwa jupa toke jiwasanacajj Diosampi catokatäñasataqui.

2 Corintios 5:21

Cristojj janiw cuna juchsa lurcänti, ucampis Diosajj juparojj mä juchan jakerjamaw uñjäna jiwasanac laycu, jiwasajj Cristomp chicäjjatas laycojj mä chekap jacañanëjjañasataqui, cunjämtï Diosajj jacañas munqui uqhama.

1 Juan 2:2

Tatit Jesucristow jacañap loktasiwayi uca tokew juchanacasajj perdonatäjje, janiw jiwasan juchanacasacti, jan ucasti take aca orakpachan juchanacapa.

1 Juan 3:16

Yattanwa cunäquitejj munasiñajj ucjja, Tatit Jesucristojj jacañapwa jiwasanac laycu churawayäna; uca pachparaquiw jiwasanacajj jilatanacas laycu jacañas churañasa.