Levítico 15:8 - Qullan Arunaca

⁸ “Uca jatha aywiyiri usut jaketejj mayni k'oma jakeru thusjjatani, uca jakesti isinacapjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa k'añut uñt'ataquipunïscaniwa jayp'thapiñapcamajja.

Aymar Bibliia 1986

⁸ “Uca jatha aywiyiri usut jaketejj mayni k'oma jakeru thusjjatani, uca jakesti isinacapjja t'ajjsokasjjañapawa, uqhamarac jupa quipcasa jarekasjjañaparaquiwa, ucampisa k'añut uñt'ataquipunïscaniwa jayp'thapiñapcamajja.

Qullan Arunaka DC

⁸ “Jathap aywiyir usut jaqitix mayni q'uma jaqir thuskatani ukasti, uka jaqix isip t'axsuqasxañapawa, jupa kipkas jariqasxañaparakiwa, ukampis jayp'thapiñapkamax q'añut uñt'atakipunïskaniwa.

Levítico 15:8 Jak'a apnaqawi uñst'ayäwi

Isaías 1:16

“¡Jarikasipjjam, k'omachasipjjaraquim! ¡Uca ñankha lurañanacamsti nayrakatajjatjja jayar apapjjam! ¡Ñankha lurañanacsti apanucupjjaraquim!

Levítico 11:24

“Cunapachatejj jumanacajj aca luräwinaca lurapjjäta ucapachaw jumanacajj k'añuchata uñjasipjjäta: Cawquïritejj uca jiwat animalanacaru llamct'ani ucasti jayp'thapiñapcama k'añupuniw uñjasini.

Levítico 15:7

“Cawquïritejj uca jatha aywiyiri jakeru llamct'ani ucasti isipjja t'ajjsokasjjañaparaquiwa, ucatsti jupa quipcasa jarekasjjañaparaquiwa, ucampisa k'añut uñt'ataquipunïscaniwa jayp'thapiñapcamajja.

Levítico 15:9

“Cawquïri monturatejj uca jatha aywiyiri jaken lat'jjatatäni ucasti k'añut uñt'atapunïniwa.

Números 19:22

Take cuntejj k'añu jakejj llamct'cani ucajj k'añuchatäniwa, cawquïritejj mä k'añu jaquir llamct'cani, ucasti k'añuchataraquiw jayp'ucam uñjasini.”

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

Judas 1:4

Yakhepanacajj sallkjañanac toke mantanipjje, ucanacarusti Kellkatanacajj nayra pachanacatpachwa uñacht'ayäna cuna juchañchäwtejj catokañanacapäqui ucjja, jan wali jakenacäpjjatap laycu. Uca ñankha lurir jakenacajj Diosan qhuyapayasiñapjja maysaruw uñtayapjje jan wali luräwinacapan jacañataqui, ucatsti apanucupjjewa jiwasan mä sapa Uywirisaru Tatit Jesucristorusti jan uñt'ir tucupjje.