Levítico 15:13 - Qullan Arunaca

¹³ “Uca jaketejj uca jatha aywiyañ usupata c'umarachasjjani ucapachasti pakallko urunacaw jact'asini k'omachasiñapataquejja, isinacapjja t'ajjsokasjjaraquiniwa, uqhamarac jupas jalsu umampiwa jarekasjjaraquini, ucapachaw k'omachatäjjaraquini.

Aymar Bibliia 1986

¹³ “Uca jaketejj uca jatha aywiyañ usupata c'umarachasjjani ucapachasti pakallko urunacaw jact'asini k'omachasiñapataquejja, isinacapjja t'ajjsokasjjaraquiniwa, uqhamarac jupas jalsu umampiwa jarekasjjaraquini, ucapachaw k'omachatäjjaraquini.

Qullan Arunaka DC

¹³ “Uka jaqitix usupat k'umarachasxani ukkhasti, q'umachasiñapatakix paqallqu uru suyt'añapawa, isinakap t'axsuqasxani, jupa kipkas jalsu umampiw jariqasxarakini, ukapachakiw q'umachatäxani.

Levítico 15:13 Jak'a apnaqawi uñst'ayäwi

Éxodo 29:35

“Uqhamasti cunjämtejj nayajj take siscsma uqhamarjama Aaronampi, uqhamarac wawanacapampejj luram. Jupanacarusti pakallko uruya loktam sacerdotëñataqui jilïr cancaña catokañanacapcama.

Éxodo 29:37

Juchanacatsti pakallko uruwa altaranjja sacrificio loktäta, uqhamata Diosaru suma loktatäñapataqui. Ucatsti uca altarajja mä suma kollana altaräñapataqui. Ucatjja cunatejj uca altarar jac'cani ucajja Diosar loktatäjjañapataqui.

Jeremías 33:8

Cuna juchanactejj naya toke lurapcän take ucanacatsti k'omachjjaraquïwa, take ñankhanaca lurapcän ucanacatsti jupanacarojj perdonjjaraquïwa, uqhamaraqui nayataqui sayt'asitanacapatsa.

Levítico 14:10

“Quimsakallko ururusti pä orko ovejanaca caturaquini, uca ovejanacasti k'oma ovejanacäñaparaquiwa, uca quipcaraqui mä kachu ovejampi, ucasti mä maranïñapawa jan cuna camacht'ataraqui; uqhamarac sojjta kilo chicatani suma jac'umpi, uqhamata granonacat mä suma ofrenda loktañataquisti, aceitempi chaputäñaparaquiwa, ucjjarusti niya chicat litro aceitempi cuna.

Levítico 14:8

“Uca k'omachasiri jakesti isinacapjja t'ajjsokasjjañapawa, jupa pachpasa jarekasjjañaparaquiwa, uqhamarac k'alwa ñic'utapsa mururasiñaparaqui, uqhamat k'oma uñjasjjañapataqui. Uca khepatsti puedjjaraquiniwa campamentoru mantawayjjaña, ucampisa pakallko urunacampiw carpapat ankäjjana jacaraquini.

Levítico 15:28

“Cunapachatejj uca wilapajj sayt'jjani ucqhasti pakallko urunacaw suyt'ani, uca khepatjja k'omaw uñjasjjaraquini.

Levítico 15:5

“Cawquïritejj uca jaken iquiñapa llamct'ani ucasti, isipa t'ajjsokasjjañapawa, uqhamarac jupa quipcasa jarekasjjañaparaquiwa, ucampisa jayp'ucama k'añut uñt'ataquïscaniwa.

Levítico 8:33

Uqhamarusa janiraqui jayar sarapjjamti Tatitumpi Jiquisiñ Carpatjja, ucat pakallko uru phokhasiñapcama imapjjaraquim, uca pakallko urunwa phokhasiraqui jumanacan Tatitur catuyasipjjatamajja.

Levítico 9:1

Quimsakallko uru sarakatarusti, Moisesajj Aaronampiru, wawanacapampiru, uqhamarac take jilïri jakenacampiruw jawsäna,

Números 12:14

Tatitu Diosasti ucjjarojj sänwa: “Awquipatejj ajanut thuscataspa ucqhajj pakallko uruw mä p'enka uñjasispa. Ucampisa jichhajj pakallko urunaca campamentotjja jakonucupjjam, ucatwa cutt'anjjapjjani” sasa.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Santiago 4:8

Diosar jac'achasipjjam, jupasti jumanacarojj jac'achasiraquiniwa. Juchararanaca, amparanacam k'omachasipjjam. Jumanaca qhitinacatï acapachampiru, Diosampiru munasipcta ucanacasti chuymanacam k'omachasipjjaraquim.

Apocalipsis 1:5

Diosan cheka testigopa Jesucristotsa catokapjjaraquim bendicionapjja. Uca Jesucristowa jiwatanacat nayrïri jactirejja. Take acapach reyinacjjarus jupajj munañaniraquiwa. Jesucristojj jiwasarojj walwa munistu, juchanacasatsa wilapampiw jarekestu.