Levítico 13:25 - Qullan Arunaca

²⁵ ucapachasti sacerdotew uñjjatjjaraquini uca janchin ñic'utapatejj jank'oru tucjjani, uca llagasa juc'ampi mankharu mantataraquïni ucapachasti yatisjjaraquiniwa lepra usuna sartatapa uca naqhantata janchinjja; uqhamasti sacerdotejj uca jakerojj k'añutwa uñt'jjaraquini, lepra usunïtap laycu.

Aymar Bibliia 1986

²⁵ ucapachasti sacerdotew uñjjatjjaraquini uca janchin ñic'utapatejj jank'oru tucjjani, uca llagasa juc'ampi mankharu mantataraquïni ucapachasti yatisjjaraquiniwa lepra usuna sartatapa uca naqhantata janchinjja; uqhamasti sacerdotejj uca jakerojj k'añutwa uñt'jjaraquini, lepra usunïtap laycu.

Qullan Arunaka DC

²⁵ sacerdotew uñxatañaparaki. Uka janchin t'arwapatix janq'ur tukxani, uka llixtis janchir juk'ampi manqhar mantani ukkhasti, uka nakhantat janchinxa lepra usun sartatapaw yatisini; ukhamasti sacerdotex uka jaqirux q'añut uñt'xani, lepra usunïtap layku.

Levítico 13:25 Jak'a apnaqawi uñst'ayäwi

2 Reyes 5:27

Ucampis Naamanan lepra usupaw jumaru maqhatätam, uqhamarac juman wawanacamarusa wiñayataqui. Ucatjja cunapachatï Giezi uywatajj Eliseota sarakawayjjäna ucqhajja, wali lepra usunëjjänwa, qhunur uñtata jank'oquiraquiwa uñtasïna.

Éxodo 4:6

Ucat Tatitojj sascaquïnwa: —Amparama pechomar lokantam —sasa. Moisesajj iyaw sasaw, pechopar amparapjja lokantäna, ucatsti amparap aysusinjja uñjasïnwa lepra usojj amparapan qhunjam jank'oquïtapa.

Levítico 13:24

“Cunapachatejj mayni jakejj janchipa khatsuyasini, ucatsti uca khatsuta janchinjja wila janchi uñstaraquini, jan ucajj jank'osa tucuraquini,

Levítico 13:26

Sacerdotetejja uca llaganaca uñjjatasinjja uñjani ucanjja jan jank'o ñic'utajj utjatapa, uqhamaraqui uca llagajj janiraqui yakha janchit sipansa juc'ampi mankharu mantata uñjani, jan ucasti chhaktascatapa, ucapachasti uca jakerojj pakallko urunacataquiw jist'antani.

Levítico 13:4

“Ucat janchin manchapatejj jank'öchejja, ucampisa janiraqui juc'ampi janchejja p'iyantata uñjasquiti, janiraqui ñic'utasa jank'o tuccaraquiniti, ucapachasti sacerdotejj uca usut jakerojj pakallko uruw jist'antaraquini.

Números 12:10

Cunapachatejj kenayajj carpat sarjjäna ucqhajj Mariajj lepra usumpiw uñstäna, take janchinacapas jank'or tucuta. Aaronajj Mariaru uñtasinjja lepra usunwa uñcatäna,