Levítico 11:8 - Qullan Arunaca

⁸ “Uca animalanacan aychapsti janipuniw mank'apjjañamäquiti, janiraquiw uca jiwat animalanacsa llamct'apjjañamäquiti. Uca animalanacarusti mä k'añu animalanacat uñt'apjjäta.

Aymar Bibliia 1986

⁸ “Uca animalanacan aychapsti janipuniw mank'apjjañamäquiti, janiraquiw uca jiwat animalanacsa llamct'apjjañamäquiti. Uca animalanacarusti mä k'añu animalanacat uñt'apjjäta.

Qullan Arunaka DC

⁸ “Uka animalanakan aychapsti janipuniw manq'apxañamäkiti, janirakiw uka jiwat janchinakapsa llamkt'apxañamäkiti. Uka animalanakarusti q'añu animalanakat uñt'apxäta.

Levítico 11:8 Jak'a apnaqawi uñst'ayäwi

Isaías 52:11

¡Mistunjjapjjam, mistunjjapjjam Babiloniatjja, jan cuna k'añurus llamct'apjjamti, mistunjjapjjam Babiloniatjja! ¡Jan cunampis k'añucht'asipjjamti qhitinacatejj Tatitun yänacapa apanipcta ucanacajja!

Oseas 9:3

Efrainasti Egiptoruraquiw cuttjjani, Asiria marcansti k'añu mank'anacwa mank'araquini. Janiw jichhajj juc'ampi Tatitun marcapan jacjjapjjaniti:

Levítico 11:7

“Qhuchi, ucajj cayuparu sillunacanïsquiwa, uqhamarusa uca sillunacapajja payaru jaljtatäscaraquiwa, ucampisa janiw qhisthuñ yatquiti. Ucat qhuchirojj mä k'añu animalat uñt'apjjäta.

Levítico 11:9

“Cawquïri animalanacatejj uman utjqui ucanacatsti, kotansa jan ucajj jawiranacansa utjpan, ucanacatjja cawquïrinacatejj chhekhanacanïpjje, uqhamarac q'ilinacanïpjje ucanacwa mank'apjjäta.

Levítico 5:2

“Maynitejj cuna k'añsa llamct'ani, mä jiwat k'añu uywa, uywañ uywäpasa, jan ucajj jan uywañ uywäpasa, jan ucajj k'añu asirüpasa, uqham llamct'atapampejj k'añuchataw uñjasjjani, ucatsti janisay amuyascpa, juchañchataraquïniwa.

Mateo 15:11

—Ist'apjjam ucatsti amuyt'apjjaraquim: Cunanacatejj jaken puracapar mantqui ucajj janiw jakerojj k'añuchquiti, ucampis jaken lacapat mistquis ucawa jakerojj k'añuchi —sasa.

Mateo 15:20

Take acanacapï jakenacarojj k'añuchejja, ucampis jan jarekasis mank'añäqui ucajja, janiw k'añuchquiti.

Marcos 7:15

Janiw cunas ankat mantasinjja jakerojj k'añuchcaspati, jan ucasti cunatï jaken chuymapat mistojja, ucaw jakerojj k'añuchi.

Marcos 7:18

Jesusasti jupanacarojj sänwa: —¿Jumanacamppachat jan amuyapcta? Janipuniw cunas ankat mantasinjja jakerojj k'añuchcaspati.

Marcos 7:2

Ucanacasti Jesusan yakhep discipulonacaparojj amparanacap jan jarekasisa mank'er uñjasinjja jisc'achapjjänwa, mank'añataquejj jan amparanacapjja yatichäwinacarjam jarekasipjjatap laycu.

Hechos 10:28

Pedrosti jupanacarojj sänwa: —Jumanacajj yatipjjtawa, mä judío jaketaquejj jan walïtapa mä yakha marcanquir jakempi parlañapajja, uqhamarac utapar mantañapasa. Ucampis Diosaw nayarojj yatichitu jan qhitirus: ‘Jan wali jakëtaw’ saña, uqhamarac jan qhitirus jisc'achañataqui.

Hechos 15:29

Yakha diosanacar loktatäquis ucanacjja jan mank'apjjamti. Janirac wilsa mank'apjjamti, ni cuncat jaychjat jiwayat uywanacsa. Janirac wachok jucha lurañansa sarnakapjjamti. Uca lurañanactejj apanucupjjätajja, jumanacataquejj wali sumäniwa. Walic jilatanaca.”

Romanos 14:21

Asquiwa jan aycha mank'añajja, ni vino umañasa, ni cuna luräwitejj jilamaru jucharu tincuntayirjamächi ucasa. Juchar puriyirjamächi, jan ucajj iyawsäwipan t'uqhasiyirjamächi ucjja jan luramti.

1 Corintios 8:8

Cuntï mank'ctan ucajj janiw Diosatjja jayarst'ayquistuti. Janiw mank'asati asquïcañänejja, ni jan mank'asas jan asquïcaraquiñänejja.

2 Corintios 6:17

Ucatwa Tatitojj saraquejja: “Mistunjjapjjam jupanac taypita, jupanacat jithektapjjaraquim. K'añu lurañanacsti jan lurapjjamti, nayasti jumanacarojj catokjjapjjämawa.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

Efesios 5:7

Jan cunans jupanacampejj mayachasipjjamti.

Colosenses 2:16

Mank'apjjatamatsa umapjjatamatsa jan qhitis jumanacarojj jisc'achpati, cuntï machak phajjsi uñsta urunacana, uqhamarac fiesta urunacansa, samarañ urunacan lurapctas ucanacatjja.

Hebreos 9:10

Ucasti mank'añawjata, umañawjampitac parli, yakhep k'omachasiñanacampita. Ucasti ankäjjataquiquiwa ch'amanejja, cuna horasatï Diosajj mayampi machakat lurcani ucqhacama.