Jueces 9:20 - Qullan Arunaca

²⁰ Jan uqhamäcän ucajja, ¡Abimelec sat chachata ninajj mistusina naqhantpana take Siquem, Bet-milo sat marcanquirinacaru, jan ucajj Siquem, Bet-milo uca marcanacat ninajj mistusina Abimelec sataru naqhantaracpana!” sasa.

Aymar Bibliia 1986

²⁰ Jan uqhamäcän ucajja, ¡Abimelec sat chachata ninajj mistusina naqhantpana take Siquem, Bet-milo sat marcanquirinacaru, jan ucajj Siquem, Bet-milo uca marcanacat ninajj mistusina Abimelec sataru naqhantaracpana!” sasa.

Qullan Arunaka DC

²⁰ jan ukhamäkaspa ukasti, ¡Abimélec chachat mä ninax mistpan, ukatsti Siquem, Bet-miló chiqankirinakar nakhantpan, jan ukax uka pä markanakat, ninax mistusin Abimélec chachar nakhantarakpan!” sasa.

Jueces 9:20 Jak'a apnaqawi uñst'ayäwi

Salmos 140:10

Nina sanc'a q'illiminac jupanacjjarojj jallpan, p'iyanacar wiñayatac jalantapjjpan.

Salmos 28:4

Luratanacaparjam jupanacarojj uñjam, jan wali sarnakäwiparjam uñjaraquim; jan wali luratanacaparjam mutuyam, ñankha lurataparjam juchañcham.

Jueces 7:22

Ucampis quimsa pataca israelitanacasti pututusipcaquïnwa. Diosasti madianitanacarojj jupanacpurwa nuwasiyäna. Ucatsti tutuctjjapjjänwa Bet-sita sat, Zerera thaquicama, uqhamarac Abel-mehola sat korpacama, ucasti Tabat sat jac'awa.

Jueces 9:15

Ucatsti zarza sat ch'aphi kokajj saraquïnwa: ‘Jumanacatejj nayan reyimäñajja munapjjsta ucajja take jumanacaw nayan ch'iwejja mankheru mantapjjañamajja. Ucampis jan nayan reyimäñajja munapjjsta ucajja nayatjja ninaw mistuni ucasti Líbano sat kollunquir cedro kokanacaruw naqhantani’ sasa.

Jueces 9:19

Ucampis nayajj sapjjsmawa: Jumanacatejj Jerobaal, uqhamarac familiaparus cheka asquimpi uñjapjjsta ucajja, waliquïpjjamay Abimelec chachampejja, uqhamarac jupasa jumanacampejj waliquiraquïpanaya.

Jueces 9:21

Uqham arnakawayasinsti Jotam satajj jaltjjänwa, ucatsti Beer sat chekanwa jacjjäna, jupasti Abimelec jilaparu ajjsaratap laycu.

Jueces 9:23

Ucampis Diosajja, Abimelec chachampiru, uqhamarac Siquem marcanquirinacampirojj mä ñankha ajaywa uchäna, uqhamata take Siquem marcanquirinacajj Abimelec contra sayt'apjjañapataqui.

Jueces 9:44

Abimelec chachajja tama jakenacapampi marca puncur purisajja jarc'antapjjänwa, ucat paya tama jakenacasti pampancapqui ucanacar nuwantasaraquiw jiwarayapjjaraquïna.

Jueces 9:6

Uca khepatsti take Siquem marcanquiri, uqhamarac Bet-milo satanquirinacasa takenejj mayaquiw encina sat chekan tantachasipjjäna. Ucatsti Siquem marcana wali ajjsarata mä kalajja utjcäna ucqhanjja Abimelec chacharojj reyitwa utt'ayapjjäna.