Jueces 7:15 - Qullan Arunaca

¹⁵ Uqhama samca yatiyiri ist'asina, uqhamarac cuntejj uca samcajj saña munqui uca yatiyiri ist'asinjja Gedeonajj Diosaruw yupaychäna. Ucatsti israelitanacan campamentopar cutt'jjasinjja saraquïnwa: —¡Sartasipjjam, Diosajja jichhawa madianitanacan campamentopjja jiwasar catuyistani! —sasa.

Aymar Bibliia 1986

¹⁵ Uqhama samca yatiyiri ist'asina, uqhamarac cuntejj uca samcajj saña munqui uca yatiyiri ist'asinjja Gedeonajj Diosaruw yupaychäna. Ucatsti israelitanacan campamentopar cutt'jjasinjja saraquïnwa: —¡Sartasipjjam, Diosajja jichhawa madianitanacan campamentopjja jiwasar catuyistani! —sasa.

Qullan Arunaka DC

¹⁵ Ukhama uka samka yatiyatap ist'asina, ukhamarak uka samkan qhanañchäwip ist'asinsa, Gedeonax Tatituruw yupaychäna. Ukatsti israelita campamentor kutt'asin säna: —¡Sartasipxam, Tatitux madianitanakan ejercitopxa amparasaruw katuyistani! —sasa.

Jueces 7:15 Jak'a apnaqawi uñst'ayäwi

Génesis 24:48

Quillt'asisinsti Abraham uywirejjan Tatitu Diosaparuw yupaycharacta, nayar chekaqui thaquinjam irpanitapata, uqhamat uywirejjan jilapan phuchapa, yokapataqui irpañajjataqui.

Génesis 40:8

—Mä samca samcasipjjta, janiraquiw qhitis uca khanañchañ puedipquituti —sasaw jupanacajj sapjjäna. —¿Janit Diosasti uca samca khanañchirïquisti? —sasaw Joseajj saraquïna—. Jichhasti avist'apjjetay uca samca —saraquïnwa.

Génesis 41:11

Mä arumaw panaderonacan jilïripajj mä samca samcasïna, ucatsti nayas samcasiraquïyätwa, sapa samcasa khanañchäwinïnwa.

Jueces 3:28

Aod chachajj sänwa: —Sarañäni, Diosawa atipjayistani, moabita uñisirinacasarojja —sasa. Ucatsti jupanacajj sarasinjja Jordán jawira thiya orakenacwa catuntasipjjäna, ucampis janiw qhitsa ucarojj mantayapcänti.

Jueces 4:14

Ucatsti Déborajj Barac chacharojj sänwa: —¡Sarantam nayrakataru, Diosasti niyawa soldadonacaman nayrakatapa sarantasqui! —sasa. Ucatsti Barac sat chachajja, Tabor sat kollutsti tunca waranka soldadonacampiw saraktanipjjäna.

Jueces 7:11

Ucatsti ist'ätawa cuntejj parlasipcani uca. Ucatjja uqham ist'asinwa wali ch'amañcht'asïta jupanacampi nuwasiñataqui” sasa. Ucampis Gedeonajj saränwa Fura sat uywatapampi uñisirinacapajj cawqha campamentoncapcäntejj ucqhacama.

Jueces 7:14

Uca masipajja saraquïnwa: —Ucasti Gedeonana espadapäpachawa, Joasan israelita yokapana, Diosawa Gedeonana amparaparojj catuyistani madianitanacaru, uqhamarac take campamentonacassa —sasa.

Jueces 7:16

Ucjjarusti uca quimsa patac jakenacjja, quimsa tamaru jaljasinjja takpachaniruw churaraquïna oveja wajjra pututunaca, uqhamarac ch'usa wacullanaca, ucaru nina akquiri apasipjjañapataqui.

Jueces 8:7

Gedeonasti saraquïnwa: —¡Diosajja, Zeba, Zalmuna uca reyinacar catuyjjapjjetani ucqhajja cutt'anisasti uca wasaran ch'aphi lawanacampiw janchinacam ch'iyanokapjjäma! —sasa

1 Samuel 1:28

Nayasti aca wawjja Tatituruw catuyta, take jacañapcamasti juparu catuyatapunïniwa —sasa. Ucatsti Elí sacerdotejj oraker ajanup puriyañcamaw Tatitu nayrakatan alt'asïna.

1 Samuel 14:12

Ucat ucspachaw Jonatanampiru yanapiripampirojj art'anipjjäna: “¡Maqhatanipjjam acaru, may jumanacaru yatiyapjjäma!” sasa. Ucat Jonatanajj yanapiriparu saraqui: “Nayar arquita, Tatitojj jupanacarojj israelitanacan amparanacaparuw catuyani” sasa.