Jueces 6:8 - Qullan Arunaca

⁸ Diosasti mä profeta qhithäna, ucatsti sänwa: “Israelan Dios Tatitupajj aqham siwa: ‘Nayawa jumanacarojj Egipto marcata irpsunipjjsma, cawqhantejj t'akhesisa sirvisina jacapcäyäta ucatjja.

Aymar Bibliia 1986

⁸ Diosasti mä profeta qhithäna, ucatsti sänwa: “Israelan Dios Tatitupajj aqham siwa: ‘Nayawa jumanacarojj Egipto marcata irpsunipjjsma, cawqhantejj t'akhesisa sirvisina jacapcäyäta ucatjja.

Qullan Arunaka DC

⁸ Tatitux mä profeta khithanïna, jupanakaru akham sañapataki: “Israelan Tatitu Diosapax akham siwa: ‘Nayaw jumanakarux Egipto markat irpsunipxsma, kawkhantix jumanakax t'aqhisiyat jakapkäyät ukkhata,

Jueces 6:8 Jak'a apnaqawi uñst'ayäwi

2 Reyes 17:13

Tatitusti Israelit jakenacarojj ewjjänwa take profetanaca qhitatanacap toke jan wali thaquinacapata cutjtanjjapjjañapataqui, cuntejj Tatitojj churcäna uca phokhapjjañapataqui camachi arunacaparu, uqhamarac take yatichäwinacata leyinaca churcäna nayra awquinacaparu sirvir profetanacap toke.

Salmos 106:44

Ucampis Tatitojj aykopjjatap uñtanïna, arnakasitanacaparuw ist'äna;

Éxodo 13:14

Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 13:3

Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Jueces 6:7

Cunapachatejj israelitanacajj Diosaru arnakasipjjäna madianitanacat khespiyañapataqui ucqhajja,

Jueces 6:9

Janiwa egiptonquir jakenacatacjja khespiyapcsmati jan ucasti take jumanacar t'akhesiyirinacatwa khespiyapjjsmajja. Jupanacarusti jumanacan uñjcatawa alisnuctjja, uqhamaraqui orakenacapsa jumanacaruraqui churapjjaracsma, sasa.

1 Samuel 10:18

Ucanwa jupanacar saraquïna: “Israelan Tatitu Diosapajj aqham sänwa: Take israelitanacarusti nayaw Egiptot apsunipjjsma, egiptonquirinacan munañapatwa khespiyanipjjsma, uqhamarac take qhitinacatejj t'akhesiyapcäyätam ucanacan amparanacapatsa.