Jueces 6:30 - Qullan Arunaca

³⁰ Purisasti sapjjänwa: —¡Irpsunim uca yokamaru, jiwayapjjäwa. Jupawa Baal sat diosan altarapa allthapi, uqhamarac uca altar jac'ancqui uca ajjsarat koksa qhuchthapiraqui! —sasa.

Aymar Bibliia 1986

³⁰ Purisasti sapjjänwa: —¡Irpsunim uca yokamaru, jiwayapjjäwa. Jupawa Baal sat diosan altarapa allthapi, uqhamarac uca altar jac'ancqui uca ajjsarat koksa qhuchthapiraqui! —sasa.

Qullan Arunaka DC

³⁰ —Yuqamar irpsunim, jiwayapxäwa. ¡Baal diosan altarap allinukutayna, altar jak'ankkän uka quqampach tinksuyatayna! —sasa.

Jueces 6:30 Jak'a apnaqawi uñst'ayäwi

Jeremías 26:11

Ucatsti sacerdotenacasa, profetanacasa, jach'a jilïrinacarojja, uqhamaraqui take jakenacarusa sapjjaraquïnwa: “Aca jakejj jiwayatäñataqui juchañchatäñapawa, aca marcata jan wali parlatap laycu. Jumanacasti ist'apjjaractawa uqham parlasquirjja” sasa.

Jeremías 50:38

¡Jawiranacapas nuwjataraquïpan, wañt'apjjaracpan! Babiloniasti ajjtascañ diosanacaru yupaychiri marcawa, ucatwa amuysa chhaktayasiraquejja.

Juan 16:2

Jumanacarojj sinagoganacatjja jaksupjjätamwa, yakhepanacarojj jiwayapjjätamwa; uca luratapampejj Diosaru sirvipcaspa uqham amuyasipjjani.

Hechos 26:9

“Nayrajja, naya pachpawa Nazaretanquir Jesusan sutip contra jan walinac luraña amtäyäta.

Filipenses 3:6

Diosan iglesiapjja wali ch'amampiw uñisisa arcnakäyäta, leyirjam sum sarnakeriraqui jan qhitins camscaya, jan juchañchcayaraqui.

Jueces 6:29

Ucatsti maynit maynicamaw jisct'asipjjäna: “¿Qhitisa uqhama lurpacha?” sasa. Ucampis wali thakhasa jiscjjatasinjja yatjjatapjjänwa Joás sat chachan Gedeón yokapa luratapa ucatsti sarapjjänwa Joasan uca.

Jueces 6:31

Ucampis Joás chachajja jutapqui uca jakenacarojj sänwa: —¿Jumanacasti Baal diosatti sayt'asipjjäta, uqhamarac jupat arjjatasisach nuwasipjjäta? ¡Uqhamasti qhititejj Baal diosaru arjjataña munchi ucajj jichha khantatpacha jiwpan! Baal diosächi ucajja jupa pachpa arjjataspan, uca tucjat altarajj jupancänwa —sasa.