Jueces 6:31 - Qullan Arunaca

³¹ Ucampis Joás chachajja jutapqui uca jakenacarojj sänwa: —¿Jumanacasti Baal diosatti sayt'asipjjäta, uqhamarac jupat arjjatasisach nuwasipjjäta? ¡Uqhamasti qhititejj Baal diosaru arjjataña munchi ucajj jichha khantatpacha jiwpan! Baal diosächi ucajja jupa pachpa arjjataspan, uca tucjat altarajj jupancänwa —sasa.

Aymar Bibliia 1986

³¹ Ucampis Joás chachajja jutapqui uca jakenacarojj sänwa: —¿Jumanacasti Baal diosatti sayt'asipjjäta, uqhamarac jupat arjjatasisach nuwasipjjäta? ¡Uqhamasti qhititejj Baal diosaru arjjataña munchi ucajj jichha khantatpacha jiwpan! Baal diosächi ucajja jupa pachpa arjjataspan, uca tucjat altarajj jupancänwa —sasa.

Qullan Arunaka DC

³¹ Ukampis Joás chachax uka jaqinakarux sänwa: —¿Baal diosatti jumanakax arxatasipxäta, jupar arxatasat nuwasipxäta? ¡Ukhamax Baal diosat arxatasirix janïr willjtankipan jiwpan! Baal diosatix chiqächi ukax jupa pachpay arxataspan, uka tukjat altarax jupankänwa —sasa.

Jueces 6:31 Jak'a apnaqawi uñst'ayäwi

1 Reyes 18:27

Chica uröjjäna ucqhasti, Eliasajj jupanacatjja sawcasïnwa, aqham sasa: “Jach'at art'apjjam, jupajj diosawa uca laycu. Inas cunanacs lup'iscchi, jan ucajj cuna lurañanacapwa lurascpacha, jan ucajj sarascaracchi. ¡Inas iquiscaracchi, ucatjja sartayaña waquischi!” sasa.

1 Reyes 18:29

Chica urusti pasjjänwa, ucampisa jupanacajja arnakasipcaquïnwa, lokhenacjamaraquiw thoknacapjjaraquïna sacrificio loktañ horascama, ucqhacamasti janiw cuna arusa utjcänti. ¡Janiw qhitis ist'ancänti, ni jayscaraquïnsa!

1 Reyes 18:40

Ucatjja Eliasajj sänwa: “¡Catuntapjjam Baal diosan profetanacaparu! ¡Jan qhitis jaltpanti!” sasa. Jakenacasti catuntapjjänwa, ucatsti Eliasajj apänwa Cisón sat jawiraru, ucanaracwa jupanacar qhariräna.

Éxodo 23:2

“Janiw arcätati ñankha luririnacarojja, jupanacajj waljanïpcchi ucasa; arsüwimansti chekaparu arsuraquim jan jupanacar jaysasa.

Isaías 41:23

cunatejj pascani ucsa sapjjaraquita, jumanacan diosäpjjatamsti uñacht'ayapjjaraquita. Cunsa jumanacajj lurasipcaquim walïpas janis walïpan, mä ajjsarcaña, qhathatcañaraqui uñacht'ayapjjeta.

Isaías 46:1

Bel diosajj aynacht'iwa, Nebo diosasti orakeruw liwnoktaraqui. Uca diosanacajj uywanacjjaru qhumutawa, karjat uywanacataquisti mä jathi cargawa.

Isaías 46:7

Callachipjjaruw apapjjaraqui, mä callañjjaruraquiw uscupjje, ucat janiraquiw onjjtquisa. Jakenacajj uca diosanacaru arnakasipcchini yanap mayisa, ucampis uca mayisitanacaparojj janiw ist'quiti, jupasti janiraquiw llaquinacatsa khespiycaraquispati.

Jeremías 10:11

(Jumanacasti, israelitanaca, Diosar jan uñt'ir jakenacarojj sapjjam: “Cawquïri diosanacatejj jani alajjpachsa, ni acapachsa lurquiti ucanacajj aca oraketjja tucusipjjaniwa; janiraquiw maynis jupanacatjja aca oraken kheparcaniti”).

Jeremías 10:5

Uca c'ari diosanacajj jamach'inacar sustjañataqui jake t'ejjetar uñtatäpjjewa, melonanac yapuchat yapunjama; janiw parlapcaspati, ucanacarusti k'epjjaruwayañaraquiwa, jan sarnakerïpjjatap laycu. Uca c'ari diosanacarojj jan ajjsarapjjamti, janiw qhitirus ñankhsa ni ascsa lurquiti.”

Números 14:6

Nun chachan Josué yokapampi, uqhamarac Jefone chachan Caleb yokapampejj cawquïrinacatejj orake uñjir sarapcatayna ucanacajj isinacapwa ch'iyanokasipjjäna,

1 Corintios 8:4

Uqhamajj uca yakha diosanacar sacrificion churatäquis uca mank'anac mank'añjjata, chekpachansa yattanwa, mä c'ari diosajj janiw cunäquis acapachanjja, mä sapa Diosaquiwa chekpachansa utjejja.

Efesios 5:11

Ch'amacanquirinacan jan cunatac sirviri luräwinacapanjja jan sarnakapjjamti, jan ucasti, uca jan wali luräwinacjja khanaru apsupjjam.

Jueces 6:30

Purisasti sapjjänwa: —¡Irpsunim uca yokamaru, jiwayapjjäwa. Jupawa Baal sat diosan altarapa allthapi, uqhamarac uca altar jac'ancqui uca ajjsarat koksa qhuchthapiraqui! —sasa.

Jueces 6:32

Uca urutsti Gedeonarojj Jerobaal sasaw sutichapjjäna, ucampis sapjjaraquïnwa: “Baal diosajj arjjataspan” sasa, Gedeonajj Baal diosan altarapa tincthapiyatap laycu.

1 Samuel 12:11

“Uca laycuw Tatitojj qhitanïna, Jerobaal, Barac, Jefté, uqhamarac Samuel ucanacaru, jumanacar uñisirinacamat khespiyañapataqui, uqhamat jumanacajj sumaqui jacasipjjañamataqui.