Jueces 5:31 - Qullan Arunaca

³¹ “¡Dios Tatitu, uqhama tucjatäpana jumaru take uñisirinacajja, ucampis jumaru take munirinacasti waliraqui khanapjjpan cunjämtejj intejj khanqui uqhama!” Uca khepatsti uca orakenjja samarañaw utjäna pusi tunca maranaca.

Aymar Bibliia 1986

³¹ “¡Dios Tatitu, uqhama tucjatäpana jumaru take uñisirinacajja, ucampis jumaru take munirinacasti waliraqui khanapjjpan cunjämtejj intejj khanqui uqhama!” Uca khepatsti uca orakenjja samarañaw utjäna pusi tunca maranaca.

Qullan Arunaka DC

³¹ “¡Tatay, taqpach uñisirinakamax ukham tukjatäpxpan, jumar munirinakasti qhanapxpan, kunjämtix intix chika urun qhanki ukhama!” Uka qhipatsti uka uraqinxa, pusi tunka maraw samarañax utjäna.

Jueces 5:31 Jak'a apnaqawi uñst'ayäwi

2 Samuel 18:31

Ucapachaw etiopejj puriniraqui, ucat saraquïna: —Aca suma yatiyäwinac catokam, jach'a rey. Jichhüruw Tatitojj juma jach'a reyirojj chekaparu uñjtam, qhitinacatejj juma contra sayt'asipcän ucanacatjja khespiytamwa.

2 Samuel 18:32

Reyisti etiope jakerojj jisct'araquïnwa: —¿Absalón waynajj waliquïsquiti? —sasa. Etiope jakesti saraquïnwa: —Juma jach'a reyin uñisirinacamasti, uqhamaraqui juma contra sartir jakenacasa, uca Absalonjamaraqui tucusipjjpan —sasa.

2 Samuel 23:4

khantati warawarjamäniwa, alajjpachan jan kenayan intejj khantquis uca khanjamäniwa, cawquïri khanatejj koranacsa jallu pasatatjja jiltayqui uqhamäniwa’ sasa.

Salmos 19:6

Intejj maysa thiyat uñstani, maysa thiyar puriñcamaw muyti: janiw cunas lupi junt'upat imantascaspati.

Salmos 20:8

Jupanacajj tincurayataw uñjasipjje, jiwasanacasti ch'amaniw sayt'asisipctan.

Salmos 37:6

Asqui cancañamarojj willjtar uñtat khantayani, asqui sarnakatamsti chicürjam khanayani.

Salmos 89:36

allchhinacapajj jupa lantiw marc apnakapjjani, intin utjañapcamaw reyi konuñancapjjani.

Salmos 89:37

¡Phajjsir uñtat thurt'atäpjjaniwa! ¡Alajjpach utjañcamajj thurt'atäpjjapuniniwa!.”

Salmos 91:14

“Nayar munasitap laycusti, juparojj khespiyäwa, nayar uñt'atap laycusti, juparojj imaraquïwa.

Salmos 92:10

Jumaw ch'am yapjjatista, orko vacan ch'amapar uñtata, p'ekejjarusti k'apquir kollampiw warjjatista.

Salmos 92:9

Tatay, timasirinacamajj tucusipjjaniwa, ñankha luririnacasti ananucutäpjjaniwa.

Salmos 97:10

Tatitojj ñankhar uñisir jakenacarojj munasiwa, asqui arquirinacapan jacañaparojj imiwa, ñankha lurir jakenacan amparapat khespiyaraqui.

Salmos 97:8

Tatay, Sión marcampi, Judá orakenquir marcanacampejj arsutanacamat walpun cusisipjje.

Éxodo 20:6

Ucampis nayajj qhuyapt'aytwa waranka wawanacapan wawanacaparu, qhitinacatejj munapquitu, uqhamarac camachi arunacajjarus phokhapqui ucanacarojja.

Proverbios 4:18

“Asqui jakenacan sarnakäwinacapasti willjta khanjamawa; phokhatpach khantañcamaw juc'at juc'at khanti.

Daniel (hebreo) 12:3

Wali amuyt'ani jakenacasti, qhitinacatejj waljaniru cheka thaquinjam irpapcäna ucanacasti, alajjpach khanjamaw c'ajapjjaraquini; ¡warawaranacjamaw wiñayataqui c'ajapjjaraquini!

Oseas 6:3

¡Ch'amacht'asipjjañäni Tatitur uñt'jjañasataqui! Tatituw jiwasanacan ucar jutani, cunjämtejj intejj jalsunqui uqhama, cunjämtejj jallojj purjjatanqui tucuyarusa, kalltarusa uqhama.

Mateo 13:43

Ucampis Diosan munañap phokherinacasti, intjamawa khanapjjaraquini Awquipan marcapanjja. Jumanacatejj ist'añ munapjjstajja, ¡ist'apjjam!

Romanos 8:28

Yatiractanwa Diosajj jupar munirinacarojj take cunsa asquitaquiw waquicharapi qhitinacatejj jupan amtataparjam jawsatäpqui ucanacataquejja.

1 Corintios 8:3

Ucampis maynitejj Diosar munchejja, Diosajj juparojj uñt'araquiwa.

Efesios 6:24

Diosajj bendispan qhitinacatejj Tatit Jesucristosaru jan pächasisa munapqui ucanacarusa.

Deuteronomio 6:5

“Tatitu Diosamarusti take chuymamampi, take jacañamampi, take ch'amamampi munam.

Deuteronomio 7:9

Yatipjjam, Tatitu Diosasti jupa sapaquiwa cheka Diosajja, jupaquiraquiwa take suma arust'äwinacapsa munasiñampi wawanacapan wawanacapampi phokharaqui, qhitinacatï take munasiñ chuymampi munapqui uqhamaraqui camachi arunacapsa phokhapcaraqui ucanacaru.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Santiago 2:5

Munat jilatanacajja, ist'apjjam aca arunaca: Diosajj aca oraken pobrenacaruw ajlli, jupanacajj iyawsañanacapanjja kamirïpjjañapataqui, uqhamarac Diosan reinopsa herenciat catokapjjañapataqui, cuntejj jupajj churapjjämaw sisqui jupar munirinacarojj ucanacataqui.

1 Pedro 1:8

Jumanacajj jan uñjapcsta ucasa, Jesucristorojj munapjjtawa, uqhama jan uñjcasasa iyawsapjjaractawa, waliraqui cusisipjjtajja. Uca jach'a cusisiñanacamasti janiw arunacampi arsuñjamäquiti,

Apocalipsis 1:16

Cupi amparapansti pakallko warawaranacaw utjäna, lacapatsti purapar arini mä espadaraquiw mistusincäna; ajanupasti intejj wal khant'quis uqhamänwa.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 6:10

Ucanacasti jach'atwa art'apjjaraquïna: “Dios Tata, jumajj kollanätawa, arsutamarojj phokharactawa. ¿Cunapachcamaraqui jan juchañchcäta, oraken jacapqui uca nanacar jiwarayirinacarusti?” sasa.

Jueces 3:11

Uca khepatsti uca orakenjja pusi tunca marawa samarañajja utjäna. Cenaz sat chachan Otoniel yokapajj jiwjjaraquïnwa.

Jueces 3:30

Uqhamawa israelitanacajj moabitanacaru jiwarayasina tucjapjjäna. Ucatsti uca orakenjja quimsakallk tunca maranacawa samarañajj utjäna.