Jueces 5:2 - Qullan Arunaca

² “Diosaru takeni yupaychapjjam, Israel marcanjja utjasquiwa janc'aqui nuwasiri chachanacajja; uqhamarac marca taypinjja utjasquiwa nuwasiñataqui jawsataru ist'iri chachanacajja.

Aymar Bibliia 1986

² “Diosaru takeni yupaychapjjam, Israel marcanjja utjasquiwa janc'aqui nuwasiri chachanacajja; uqhamarac marca taypinjja utjasquiwa nuwasiñataqui jawsataru ist'iri chachanacajja.

Qullan Arunaka DC

² “Tatitur taqin yupaychapxam, Israel markan nuwasiñatak wakicht'ak chachanakax utjaskiwa; marka taypinxa nuwasiñatak jawsatar ist'iri chachanakax utjaskarakiwa.

Jueces 5:2 Jak'a apnaqawi uñst'ayäwi

2 Crónicas 17:16

ucatsti jupamp chicajj Zicri chachan Amasías yokaparaquiw ucancäna, jupasti amtañapatwa arsusïna Tatitur sirviña pä pataca waranka jan ajjsariri soldadonacampi.

Nehemías 11:2

Ucatsti jakenacajj bendecipjjänwa qhitinacatejj voluntadapampi Jerusalén marcana jacañataqui amtasipqui ucanacaru.

Salmos 103:2

Takpach chuymajjampiw Tatitur jach'añchä, janiw qhuyapayasiñapat armascäti.

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Salmos 136:15

Mar Rojo kotar Faraonan jakenacapar jakontiriru: qhuyapayasiñapajj wiñayawa.

Salmos 18:47

Jupaw naya lanti phoksur Diosajja, jupaw amparajjarojj marcanac catuyitu;

Salmos 48:11

¡Sión kollojj cusispan! Chekap arsutanacamampejj Judá orakenquir marcanacajj cusisipjjpan.

Salmos 94:1

Uqhämat uqhäm cutsuyasir Tatay, uqhämat uqham apsusir Diosay, uñachayasimaya.

Salmos 97:8

Tatay, Sión marcampi, Judá orakenquir marcanacampejj arsutanacamat walpun cusisipjje.

1 Corintios 9:17

Ucatpï take chuymampi luratajj laycojja, Tatitojj nayarojj wajjt'asiñapa churitani. Jariyatjamaqui lurirista ucasa, ucampis Diosan ewjjapa catokcta ucwa phokhascta.

2 Corintios 8:12

Cunapachatejj maynejj churañ muni ucqhajja Diosajj catokewa utjiriparjama. Jupajj janiw mayquiti maynin jan utjcchi ucqhajja.

2 Corintios 9:7

Sapa mayniw, cunjämtï chuymapanjja amtqui uqhamarjam churañapa; janiw pä chuyma churañapäquiti, janiraquiw maynin jariyataquis churañapäcaraquiti, Diosasti cusisit chuymampi chuririruw munaraqui.

Deuteronomio 32:43

“¡Cusisipjjam marcanaca, Diosan marcapampi chica! ¡Jupaw wawanacapan jiwatapatjja phoksusini, uqhamaraquiw uñisirinacapatsa phoksusini, ucatsti orakeparusa marcaparusa khespiyaraquiniwa!”

Deuteronomio 33:21

Gad tribusti suma orake ajllisïna, jach'a jilïrinacatacjamäquis uca orakenaca. Marcan nayraparacwa mantaraquïna, cuntï Tatitojj maycäna ucampis phokharaquïnwa, ucatjja cheka cancañampiw Israel marcanjja sarnakäna” sasa.

Filipenses 2:13

Diosaw suma amtäwinac churapjjtam, jupa pachparaquiw yanapasipctamjja uca lurañanac phokhañanjja jupan munañaparjama.

Filemón 1:14

Ucampis janiw cunsa juman jan camsatajj lurañ muncti. Cuntejj jumajj yanapquista ucajj jan nayan jariyatjama lurañamataqui, jan ucasti juman munañamata lurañamwa munta.

Apocalipsis 18:20

Ucampis cusisipjjam, jumanac, alajjpachanaca, apostolonaca, Diosan arup parlirinaca, uqhamarac qhitinacatejj Diosancapcta ucanacasa, Diosasti uca marcar juchañchasajja jumanacjjaruw cheka uñjäwi lurapjjtamjja.”

Apocalipsis 19:2

Jupasti chekaparuw marcanacarojj tariparaqui. Acapachan wachoka juchan sarnaker k'añu warmirusti juchañcharaquiwa. Uca warmisti jucha lurañanacapampejj take jakenacaruw jan waliru apascäna. Diosan wawanacapar jiwarayatapatsa Tatitojj juparojj juchañcharaquiwa” sasa.

Jueces 5:9

“¡Nayajj take chuymajjwa churta, Israelan jach'a jilïrinacapatjja, uqhamarac marcajjancqui uca jakenacatsa, jupanacasti nuwasiñatac jawsatajj mäquiw ist'asipjje! ¡Diosaru takeni yupaychapjjam!