Jueces 21:19 - Qullan Arunaca

¹⁹ Ucampis Silo sat chekansti sapa maraw Diosan jach'a fiestapajj utji. Ucasti Betel marca amstanquiwa, uqhamarac Siquem sat marcanacaru sarqui uca thaquita inti jalsu tokena, Lebona sat marcat aynachanaraqui.”

Aymar Bibliia 1986

¹⁹ Ucampis Silo sat chekansti sapa maraw Diosan jach'a fiestapajj utji. Ucasti Betel marca amstanquiwa, uqhamarac Siquem sat marcanacaru sarqui uca thaquita inti jalsu tokena, Lebona sat marcat aynachanaraqui.”

Qullan Arunaka DC

¹⁹ Ukampisa, Tatitun kusisiñ urupax niyaw jak'anki, ukasti Siló chiqan sapa maraw uruyasi, Betel markat amsta tuqina, Siquem chiqat Betel markar sarki uka thakhit inti jalsu tuqina, Leboná markat aynach tuqina” sasa.

Jueces 21:19 Jak'a apnaqawi uñst'ayäwi

Salmos 81:3

Machak phajjsi uñstipan trompet phust'apjjam, urt'a puripansti, phust'apjjaraquim ucürojj jiwasanacan jach'a urusawa.

Levítico 23:10

“Israelitanacarusti aqham saraquim: Cunapachatejj jumanacajj cawquïri oraktejj churapcäma ucaru mantapjjäta ucanwa, trigo apthapipjjäta, ucapachasti nayrïri markjja sacerdoteruw churapjjäta.

Levítico 23:2

“Israelitanacarusti aqham saraquim: Acnïri urunacaw Tatitutaqui sata yakhachata urunacajja, jumanacasti uca urunacanwa kollana tantachasïwinaca lurasa tantacht'asipjjäta.

Levítico 23:34

“Israelitanacarusti aqham saraquim: Uca pachpa pakallko phajjsi sarakatarusti, uca phajjsina tunca pheskani urunaca sarakatarojja, pakallko urunacaw mä fiesta lurapjjäta, ucasti chhujllanacan fiestapa sataraquïniwa, Tatitut amtasiñataqui.

Levítico 23:4

“Acanacaraquiwa kollana urunacajja uqhamat Tatituru yupaychasa kollana tantachasïwinac lurapjjañamataqui, uca urunacaw jumanacajj tantacht'asipjjaraquïta.

Levítico 23:6

“Uca pachpa phajjsina tunca pheskani uru sarakatarusti, jan levaduran t'ant'anaca mank'aña fiesta amtapjjaraquïta. Pakallko urunacaw jan levaduran t'ant'a mank'apjjäta.

Números 10:10

Uqhamaraqui trompetanacjja phust'asipjjam, cusisiña urunacansa, fiesta urunacansa, machak phajjsïqui ucapacha, cunapachatejj nactayasin sacrificionac loktapcäta, uqhamarac sumancaña sacrificio loktasipcäta ucapacha. Uqhamatwa nayajj jumanacat amtasipjjäma. Nayaw jumanacan Tatitu Diosamätjja.”

Números 28:16

“Sapa mara kallta phajjsina, tunca pusin uru sarakatarusti, Pascua fiesta lurapjjäta, Tatitun jach'a cancañapat amtasisa.

Números 28:26

“Nayra achunacan fiestapanjja, cunapachatejj Tatitu Diosarojj machak cosechanacaman achunacap loktasipcäta, Semanas sat fiestapana, ucqhajj mä k'oma tantachäwi lurapjjaraquïta. Uca urusti janiw cuna casta irnakañanacsa lurapjjätati.

Números 29:12

“Pakallko phajjsit tunca pheskan uru sarakquipanjja, jumanacasti mä k'oma tantachasïwi lurapjjäta. Uca urusti janiraquiw cuna casta irnakañanacsa lurapjjätati. Pakallko urunacaw Tatitun jach'a cancañaparu fiesta amtapjjäta.

Juan 5:1

Ucanac pasatatsti judionacajj mä fiesta lurapjjäna, Jesusasti Jerusalenaruw cutt'äna.

Juan 7:2

Judionacan maynïri fiestapajj jac'ancjjänwa: Chhujlla utanac sat fiesta.

Deuteronomio 16:1

“Cunapachatejj Abib sat phajjsejj purinini ucqhajj, jumanacajj Pascua fiesta lurapjjäta Tatitu Diosamar jach'añchasa; Tatitu Diosamajj uca phajjsinwa mä aruma Egipto marcat irpsuntam uca laycu.

Deuteronomio 16:10

jumanacajj fiestachapjjätawa uca semananacajja Tatitu Diosamaru jach'añchañataqui, ucatsti chuymanacamatjamwa ofrendanaca loktapjjäta, kawkhtejj Tatitu Diosamajj bendicipctam uqhamarjama.

Deuteronomio 16:13

“Cunapachatejj trigo apthapiña tucuyjjapjjäta, uqhamaraqui uvanac ch'irwsuñsa tucuyjjapjjaraquïta ucqhajj pakallko uruw Enramada fiesta fiestachapjjäta.

Josué 18:1

Cunapachatejj Israel marcajj take orakenac catuntañ tucuyatayna ucqhajj Silo chekaruw tantachasipjjäna ucan Diosampi mä suma amtäwiru mantañataqui uqhamarac Tatitumpi Jiquisiñ Carpa sayt'ayasa, uqhamarus takpach marcanacaruraquiw atipjapjjaraquïna.

Jueces 18:31

Uqhamawa jupanac taypincänjja Micaiajj lurcäna uca yakha diosjja, ucchañcamasti Diosan utapajja Silo sat chekanwa kheparänjja.

Jueces 21:20

Ucatsti israelanquir jilïrinacasti, benjaminitanacarojj aqham ewjja arunacwa apayapjjäna: “Sarapjjam, ucatsti Silo sat marca jac'ancqui uca yapunacaru imantasisa suyapjjam.

1 Samuel 1:3

Sapa mararaquiw Elcanajj Silo sat chekaru sarirïna take ch'amani Tatituru yupaychiri, uqhamarac sacrificionac loktiri. Ucansti Elí sacerdoten pani yokapaw ucancascäna, maynejj Ofni sata, maynisti Finees sataraqui, jupanacasti Tatitun sacerdotenacaparaquïnwa.